Bændablaðið - 23.03.2023, Qupperneq 12

12 Bændablaðið | Fimmtudagur 23. mars 2023
FRÉTTIR
| S t r ú k t ú r e h f | w w w . s t r u k t u r . i s | s t r u k t u r @ s t r u k t u r . i s |
| B æ j a r f l ö t 9 | 1 1 2 R e y k j a v í k | S í m i : 5 8 8 6 6 4 0 |
Límtré-Timbureiningar
Stálgrind
Yleiningar
PIR
Steinull
Málþing:
Tillaga um dýravelferðarstofu
Þann 14. mars stóð Dýraverndar-
samband Íslands (DÍS) fyrir
málþingi um stöðu dýravelferðar
á Íslandi.
Til umræðu var meðal annars
skýrsla sem Ágúst Ólafur Ágústsson
lög- og hagfræðingur vann fyrir
DÍS um stöðu mála og tillögur um
framtíðarskipulag dýravelferðarmála.
Ein af megintillögunum er að sett
verði á fót sérstök dýravelferðarstofa
Íslands og þar með væri eftirlit með
dýravelferð aðskilið frá starfsemi
Matvælastofnun. Hugmyndin
með aðskilnaðinum er að klippa
á hugsanleg hagsmunatengsl
matvælaframleiðslu og dýravelferðar.
Með honum yrði gerður greinar-
munur á því þjónustuhlutverki sem
Matvælastofnun sinnir núna og
eftirlitshlutverki þess. Stjórnsýsla
dýravelferðar yrði þannig óháð
stjórnsýslu matvælaöryggis. Slíkt
fyrirkomulag myndi stórauka
traust almennings á eftirliti með
dýravelferð.
Dýravelferðarmál verði sett undir
umhverfisráðuneytið
Í tillögunni er gert ráð fyrir að
dýravelferðarstofan heyri undir
umhverfisráðuneytið en ekki
matvælaráðuneytið eins og málefnin
gera nú.
Meðal annarra tillagna sem
stillt er fram í skýrslunni er að
leyfisskylda ætti allt búfjárhald á
Íslandi, stórauka upplýsingagjöf
Matvælastofnunar um meðferð mála
og dýraathvarf verði sett á fót þannig
að stofnunin geti tryggt aðbúnað
þeirra dýra sem hafa verið tekin úr
umsjá umráðamanns.
Þá er lagt til að með stofnun
nýrrar dýravelferðarstofu verði
tíðni eftirlitsheimsókna aukin, ekki
síst óboðað eftirlit með alifuglum
og svínum, og áhættumat bætt.
Tryggja verði skilvirka og skjóta
verkferla ásamt auknum málshraða
þegar vaknar grunur um illa meðferð
á dýrum.
Talin er þörf til að auka sektar- og
kæruheimildir Matvælastofnunar og
rétt almennings til að kæra hugsanleg
brot til lögreglu. Lagt er til að
auka valdheimildir stofnunarinnar
og tryggja hlutleysi hennar og
þeir aðilar sem gerast brotlegir
við dýravelferð missi opinberan
stuðning við búrekstur sinn.
Loks er lagt til að fagráð um
velferð dýra verði eflt og sjálfstæði
þess tryggt, auk þess sem stuðningur
og samvinna verði aukin við félög
sem vinna að velferð dýra.
Reynslusögur af samskiptum við
Matvælastofnun
Í skýrslunni er farið yfir
starfsemi Matvælastofnunar í
dýravelferðarmálum; verkefni
og skyldur, úrræði, verklag, auk
fyrirkomulags tilkynninga og
ábendinga við illri meðferð sem
stofnuninni berast.
Þá hefur verið safnað saman
reynslusögum fólks af samskiptum
við Matvælastofnun vegna
ábendinga, þar sem erindum þeirra
þótti ekki vera sinnt eða sinnt illa.
Í skýrslunni kemur fram að erfitt
sé að sannreyna hver viðbrögð
Matvælastofnunar voru í einstökum
málum eða hvenær þau áttu sér stað
þrátt fyrir fullyrðingar viðkomandi
einstaklinga. Hins vegar séu
frásagnirnar það margar að ástæða
er talin vera fyrir stjórnvöld og ekki
síst MAST til að taka þessi mál til
algerrar endurskoðunar.
Skýrslan er aðgengileg á vef DÍS,
dyravernd.is.
/smh
Frá málþingi Dýraverndarsambands Íslands (DÍS) um stöðu dýravelferðar á Íslandi. Svandís Svavarsdóttir
matvælaráðherra flutti ávarp í upphafi málþingsins, en á myndinni eru einnig Ágúst Ólafur Ágústsson skýrsluhöfundur,
til vinstri, og Sigursteinn Másson fundarstjóri. Mynd / Dýraverndarsamband Íslands
Landbúnaðarráðherra Íraks
gæddi sér á lambakjöti
Í heimsókn sinni til Íraks á dögunum færði Birgir
Þórarinsson alþingismaður landbúnaðarráðherranum
Abbas Jabur Al-Maliky lambakjötsvöru frá Íslandi.
Í framhaldi barst honum fyrirspurn sem gætu leitt
til mögulegra viðskipta.
„Ég var í sendinefnd frá Kanada með kanadískum
þingmanni og auk þess fulltrúum frá Bretlandi. Við áttum
fund með forseta Íraks og nokkrum ráðherrum. Ég óskaði
sérstaklega eftir því að fá að hitta landbúnaðarráðherrann
þar sem ég vildi kynna fyrir honum íslenska lambakjötið.
Ráðherrann tók mér mjög vel og var greinilega
áhugasamur. Áður en ég lagði í ferðina fékk ég pakka
hér heima frá Icelandic Lamb markaðsstofu, með ýmsum
upplýsingum um lambakjötið og síðan sýnishorn af
þurrkuðu lambakjöti eða Lamb Jerky frá Norðlenska.
Þetta vakti að sjálfsögðu mikla lukku að fá að smakka
á þurrkuðu íslensku lambakjöti í Írak,“ segir Birgir.
Eftir heimsókn sína fékk Birgir svo orðsendingu með
beiðni um frekari upplýsingar um lambakjötsframleiðslu
á Íslandi.
„Eftir að ég var kominn heim fékk ég fyrirspurn frá
landbúnaðarráðuneytinu í Írak um hversu mikið magn
við gætum skaffað. Ég sendi þeim viðbótarupplýsingar
sem ég fékk frá Icelandic Lamb. Ég sá að ráðherranum
þótti mikið til koma um gæði vörunnar og það að hún
væri framleidd á fjölskyldubúum. Við vonum það besta,
en ég mun fylgja þessu eftir.“
Hann segist hafa skynjað mikinn uppgang í Írak. „Í
viðræðum mínum við ráðherrann kom meðal annars fram
að Írakar eru með stórtæk áform um kornframleiðslu og
hyggjast hefja kornrækt í eyðimörkinni með áveitukerfi.
Þessi áform má að hluta til rekja til stríðsins í Úkraínu
og áhrif þess á kornmarkaðinn í heiminum.“ /ghp
Landbúnaðarráðherra Íraks, Abbas Jabur Al-Maliky,
smakkaði á þurrkuðu íslensku lambakjöti sem Birgir
Þórarinsson færði honum á dögunum. Mynd / BÞ
Frumvarp um friðlýsingu
lifandi minja lagt fram
Víða um land er að finna stök tré sem setja svip á umhverfið og hafa jafnvel
staðið í tugi ára. Má þar t.d. nefna hlyninn á horni Vonarstrætis og Suðurgötu
í Reykjavík. Mynd / EES
Fimm þingmenn úr fjórum
þingflokkum lögðu á dögunum
fram frumvarp til laga um
breytingu á lögum um menningar-
minjar (nr. 80/2012 friðlýsing)
sem felur í sér að heimilt verði
að friðlýsa trjálundi, stök tré og
garðagróður sem hafa menningar-
sögulegt, ræktunarsögulegt eða
fræðilegt gildi.
Líneik Anna Sævarsdóttir,
Þórarinn Ingi Pétursson, Vilhjálmur
Árnason, Jakob Frímann Magnússon
og Orri Páll Jóhannsson eru
flutningsmenn frumvarpsins.
Að mati þeirra er mikilvægt að
heimild til friðlýsingar sé tryggð
með lögum enda ljóst að tré,
trjálundir og garðagróður geti haft
sams konar verndargildi og hús og
aðrar menningarminjar og auk þess
gildi vegna þekkingaröflunar og
varðveislu erfðaauðlinda.
Frumvarpið er lagt fram í þriðja
sinn. Vekja flutningsmenn athygli á
því, í greinargerð með frumvarpinu,
að umhverfis- og samgöngunefnd
hafi í nefndaráliti beint því til
umhverfis- og auðlindaráðuneytisins
að finna slíkri vernd stað í lögum.
Greinargerð Garðsöguhóps Félags
íslenskra landslagsarkitekta,
„Garðar- lifandi minjar. Aðferðir við
verndarmat og skráningu gamalla
garða“, inniheldur tillögur um
nálgun við slíkum friðlýsingum en
hópurinn telur að fagnefnd innan
Minjastofnunar ætti að hafa umsjón
með þeim.
Í Bændablaðinu í apríl árið
2022 gerðu landslagsarkitektarnir
Auður Sveinsdóttir og Einar
E. Sæmundssen grein fyrir
greinargerðinni og komu með
tillögu að friðlýsingum tíu gamalla
garða. /ghp
Fengu ný verkfæri
Nemendum og kennurum í
pípulögnum í Verkmennta-
skólanum á Akureyri voru á
dögunum færð ýmis rafmagns-
verkfæri frá Verkfærasölunni.
Verðmæti verkfæranna var á aðra
milljón króna að því er fram kemur
í tilkynningu.
Haft er eftir Elmari Þór Björnssyni,
verslunarstjóra Verkfærasölunnar
á Akureyri, að með gjöfinni vildi
fyrirtækið leggja öflugu námi í
byggingadeild VMA lið. Sigríður
Hulda Jónsdóttir, skólameistari VMA,
og nemendur tóku við gjöfunum af
hendi þeirra Elmars Þórs og Brynjars
Schiöth sölumanns. /ghp
Nemendur og kennarar VMA í
pípulögnum skoða nýju Milwaukee
verkfærin.