Bændablaðið - 23.03.2023, Blaðsíða 32

32 Bændablaðið | Fimmtudagur 23. mars 2023
Gylfi Þór Orrason, fjármálastjóri Bænda-
samtaka Íslands, mun láta af störfum innan
skamms. Gylfi hefur unnið hjá samtökunum
eða stofnunum sem voru undanfarar
þeirra í rúm fjörutíu ár, auk þess sem
hann var hér á árum áður landsþekktur
knattspyrnudómari.
„Ég er fæddur 3. desember 1959 og Reyk-
víkingur í húð og hár og frá því að ég man eftir
mér ólst ég upp í Voga- og Heimahverfinu en
bý núna í Kópavogi.“
Foreldrar Gylfa eru Orri Gunnarsson
heitinn, fyrrverandi innkaupastjóri málningar-
verksmiðjunnar Hörpu, og Margrét Ólafsdóttir,
sem auk húsmóðurhlutverksins starfaði
hjá Tryggingastofnun og einnig við ýmis
verslunarstörf. Gylfi er yngstur fjögurra
systkina, tveggja bræðra og einnar systur.
Ráðinn á staðnum
„Mig vantaði sumarvinnu og eftir að hafa setið
próf uppi í háskóla vorið 1979 ákvað ég að fara
yfir götuna og athuga með starf í Bændahöllinni
hjá Hótel Sögu eða samtökum bænda sem
ég vissi að hefðu þar skrifstofur. Ég endaði
uppi á þriðju hæð og hitti þar fyrir Gunnlaug
Lárusson, skrifstofustjóra hjá Framleiðsluráði
landbúnaðarins. Svo vildi til að hann var þá
akkúrat að leita að sumarafleysingamanni og
taldi hann nýbakaðan Verzlunarskólastúdent
henta vel í starfið og réði mig því á staðnum.“
Hlutverk Framleiðsluráðs landbúnaðarins
var eftirlit með sölu, verðmiðlun og
verðskráningu á íslenskum landbúnaðarvörum
fyrir hönd ríkisins og framkvæmd búvöru-
laganna gagnvart bændum. Þetta var í
árdaga tölvubyltingarinnar og fólst starf
mitt í því að færa framleiðslu-, birgða- og
söluskýrslur frá öllum sláturleyfishöfunum
og mjólkursamlögunum inn í gríðarlega stóra
kladda og stemma af. Þetta var svo grunnurinn
af niðurgreiðslum sem við síðan deildum út
til sláturleyfishafanna og mjólkursamlaganna,
auk þess sem innheimt voru svokölluð
sjóðagjöld á grunni þessara upplýsinga, svo
sem búnaðarmálasjóðsgjald, neytenda- og
jöfnunargjald og framleiðsluráðsgjald. Þetta
var mikil handavinna, en mjög lærdómsríkt
fyrir ungan mann til að læra nákvæmni í
vinnubrögðum,“ segir Gylfi.
Fyrstu árin starfaði Gylfi hjá Framleiðsluráði
með háskólanámi en síðan í fullu starfi 1982
og 1983. „Ég lét síðan af störfum hjá ráðinu
vorið 1984 og fór tímabundið í fullt starf
hjá Fram við knattspyrnuskólann og þjálfun
sjötta flokks, auk þess sem ég sat í stjórn
knattspyrnudeildar félagsins í fjölmörg ár.
Haustið 1984 og fram á vor 1985 starfaði
ég síðan til skamms tíma hjá Olís, fyrst á
bensínstöð og svo í markaðsdeildinni.“
Stéttarsamband bænda
og Bændasamtök Íslands
Gylfi segir að um vorið 1985 hafi Hákon
Sigurgrímsson haft samband og boðið
honum vinnu við fjármálastjórn og almenn
skrifstofustörf hjá Stéttarsambandi bænda.
„Ég tók því fegins hendi og hef í raun haft
þann starfa með höndum æ síðan. Hákon var
þannig mikill áhrifavaldur í mínu lífi og alveg
frábær yfirmaður en fyrir það er ég honum
ævinlega þakklátur. Þess má geta að Hákon var,
ásamt Hauki Halldórssyni, þáverandi formanni
Stéttarsambandsins, aðalhvatamaðurinn að því
að koma útgáfu Bændablaðsins á koppinn,
en um mikilvægi blaðsins fyrir bændur
og landsmenn alla þarf vart að fjölyrða á
þessum vettvangi.
Við sameiningu Stéttarsambandsins og
Búnaðarfélags Íslands árið 1995 fékk ég
síðan titilinn aðalbókari og átti þar í mjög
góðu samstarfi við Gunnar Hólmsteinsson,
sem kom frá Búnaðarfélaginu og tók við sem
skrifstofustjóri sameinaðra samtaka. Er Gunnar
lét síðan af störfum árið 2004 tók ég við sem
skrifstofu- og fjármálastjóri Bændasamtakanna
og hef starfað sem slíkur síðan þá.“
Gylfi er því búinn að starfa í tengslum við
landbúnað í rúm fjörutíu ár og megnið af sinni
starfsævi, en auk starfa sinna við fjármálin kom
hann að undirbúningi ýmissa funda og ráð-
stefna, svo sem aðalfunda SB og Búnaðarþings,
auk sem sem hann ritaði fundargerðir stjórna
SB og BÍ um langt skeið og einnig þinggerðir
Búnaðarþings og margt fleira.
Fótboltinn, Fram og dómaraferillinn
„Fótbolti hefur ávallt verið stór hluti af lífi mínu
og sem krakki fórum við Gunni bróðir alltaf í
fótbolta strax eftir skóla enda komst fátt annað
að. Fjölskyldan var öll meira og minna í íþróttum,
en pabbi spilaði handbolta með Fram og var í
fyrsta íslenska handboltalandsliðinu. Mamma
lék einnig handbolta, en þannig kynntust
þau skötuhjúin. Systir mín var margfaldur
Íslandsmeistari í gullaldarliði Fram. Gunnar
bróðir var meistaraflokksleikmaður í fótbolta
hjá Fram og Ólafur var lykilmaður í stjórn
knattspyrnudeildarinnar og unglingastarfinu
þar um áratugaskeið.“
Þegar Gylfi er spurður um mikilvægi Fram
í lífi fjölskyldunnar segir hann það í sjálfu sér
ekkert skrítið. „Það kom aldrei neitt annað til
greina þar sem Fram var stofnað af hópi ungra
manna heima í stofu hjá afa á Tjarnargötunni
þann 1. maí 1908 og við því öll með blátt blóð
í æðum og þannig hefur Fram alla tíð verið stór
partur af lífinu.“
Þrátt fyrir að hafa æft fótbolta af mikilli
ástríðu í yngri flokkunum segir Gylfi að
hann hafi áttað sig á því í kringum tvítugt
að hann væri „ekki til útflutnings“ sem
knattspyrnumaður. „Ég tók því ungur sæti í
stjórn knattspyrnudeildar Fram og þjálfaði
þar jafnframt barna- og unglingalið og síðar
meir einnig hjá Stjörnunni í Garðabæ. Á
þeim tíma var iðulega skortur á dómurum í
yngriflokkaleikjunum og því tók ég fljótlega
dómarapróf til þess að geta reddað málum þegar
á þurfti að halda. Stundum þróast hlutirnir hins
vegar á annan veg en maður ætlar, því það
var síðan nánast fyrir algjöra tilviljun að ég
var kallaður út þegar KSÍ vantaði dómara í
meistaraflokksleik á Ísafirði. Ég sló til og svo
vatt þetta upp á sig og í framhaldinu hætti ég
að þjálfa og dómgæslan tók alveg yfir.“
Á 25 ára dómaraferli sínum, þar af 13 ár
sem alþjóðlegur (FIFA) dómari, dæmdi Gylfi
marga stórleiki bæði hér heima og erlendis, en
samtals skiptu dómgæslustörfin allnokkrum
hundruðum. Í kjölfar dómaraferilsins tók Gylfi
síðan að sér það verkefni fyrir KSÍ að vera
eins konar „lærifaðir“ fyrir unga og efnilega
dómara og í framhaldi af því var hann síðan
kosinn í stjórn KSÍ árið 2009 þar sem hann
átti sæti í átta ár, lengst af sem varaformaður
og síðan gjaldkeri, auk þess að vera formaður
dómaranefndar sambandsins.
Frá lokum dómaraferilsins og til dagsins
í dag hefur Gylfi einnig starfað sem
alþjóðlegur dómaraeftirlitsmaður fyrir hönd
UEFA og FIFA, auk þess sem íslensk þýðing
knattspyrnulaganna hefur verið á hans könnu
í yfir 20 ár.
West Ham
Fyrir þá sem ekki vita þá er Gylfi mikill
stuðningsmaður West Ham í enska boltanum.
„Það verður einhver að halda með þeim,“
sagði Gylfi og hló. Ástæða þess að West Ham
varð fyrir valinu er sú að þegar Englendingar
urðu heimsmeistarar árið 1966 voru þrír
„Hamrar“ þar í lykilhlutverkum, Bobby
Moore, fyrirliði, Geoff Hurst, sem skoraði
Með blátt Framblóð í æðum
– Borgarbarnið sem starfaði hjá bændum í rúm 40 ár
Gylfi Þór Orrason, fjármálastjóri Bændasamtaka Íslands. Mynd / VH
Týndum Sigurði á
Lækjarmóti í Coventry
Árið 1987 fengu Samvinnuferðir/Landsýn
mig og Eirík Helgason til að taka að okkur
fararstjórn fyrir yfir hundrað manna hóp bæn-
da og starfsmanna landbúnaðarfyrirtækja
á Smithfield landbúnaðarsýninguna sem
haldinn var í Earl‘s Court í London í byrjun
desember. Meðal dagskráratriða var skoðu-
narferð í Massey Ferguson verksmiðjuna
í Coventry og því þótti líka tilvalið að nota
tækifærið og skoða hina merku dómkirkju
borgarinnar í leiðinni. Meðal þátttakend anna
var bændahöfðinginn Sigurður Líndal á Læk-
jarmóti í V-Húnavatnssýslu, en þegar hon-
um tók að leiðast þófið við kirkjuskoðunina
hugðist hann fara aftur í rútuna og bíða þar
samferðamanna sinna. Hann fann hins vegar
ekki rútubílastæðið og lenti því í villu vegar í
miðbæ Coventry og þegar við síðan töldum
inn í rútuna var hann hvergi að finna. Við
leituðum hans skipulega á nálægu svæði og
höfðum síðan samband við lögregluna vegna
málsins. Um síðir gátum við hins vegar ekki
frestað leng ur ferðinni til baka og því var
ekki laust við að fararstjórarnir tveir hafi verið
orðnir verulega áhyggjufullir er við skiluðum
okkur inn á hótel í London. En viti menn, hver
sat þá þarna í and dyrinu og tók glaðbeittur á
móti hópnum og spurði hvað hafði tafið okkur
annar en Sigurður sjálfur. Þegar hann áttaði
sig á því að hann hafði ekki ratað á rútubí-
lastæðið rambaði hann á lestarstöðina og
keypti sér miða til London og skilaði sér þan-
nig til baka langt á undan hópn um. Þetta var
NB langt fyrir tíma gsm-símanna.
Formenn &
framkvæmdastjórar
Þegar Gylfi kom fyrst til starfa hjá Framleiðslu-
ráði landbúnaðarins árið 1979 var Gunnar
Guðbjartsson, Hjarðarfelli, formaður SB, en
hann var þá jafnframt framkvæmdastjóri
FL. Á eftir honum sem formaður SB komu
svo Ingi Tryggvason, Kárhóli (1981-1986) og
loks Hauk ur Halldórsson, Sveinbjarnargerði
(1987-1995). Hákon Sigurgrímsson var fram-
kvæmdastjóri SB (1977-1995). Fyrsti formaður
Bændasamtak anna eftir sameiningu SB við
Búnaðarfélagið var síðan Ari Teitsson, Hrí-
sum (1995-2004), en á eftir honum komu svo
Haraldur Benediktsson, Rein (2004-2013),
Sigurgeir Sindri Sigurgeirsson, Bakkakoti
(2013-2019), Guðrún Sigríður Tryggva dóttir,
Svartárkoti (2019-2020) og loks núverandi
formaður, Gunnar Þorgeirsson, Ártanga (frá
2020). Fyrsti framkvæmdastjóri BÍ var Sigur-
geir Þorgeirsson (1995-2007), en á eftir hon-
um komu svo Eiríkur Blöndal (2008-2015),
Sigurður Eyþórsson (2015-2020) og loks
núverandi framkvæmdastjóri, Vigdís Ósk
Häsler Sveinsdóttir (frá 2021). Samstarfið við
alla ofangreinda yfirmenn og gagnkvæmt
traust kvað Gylfi alla tíð hafa verið hnökralaust
og aldrei hafi borið þar á nokkurn skugga.
Halldóra Ólafsdóttir, Gylfi Þór Orrason og Hákon Sigurgrímsson fara yfir málin á skrifstofu
Stéttarsambands bænda árið 1985.
Vilmundur Hansen
vilmundur@bondi.is
VIÐTAL