Bændablaðið - 23.03.2023, Qupperneq 24

24 Bændablaðið | Fimmtudagur 23. mars 2023
MENNING
Midea Varmadæla
Arctic Series
- Loft í vatn -
Nýtt útlit - tekur lítið gólfpláss
Innbyggður neystluvatnstankur
Wifi tenging - hægt að stjórna og fylgjast
með úr snjalltæki
Hafðu samband við okkur og við
finnum réttu dæluna fyrir þig
Frábær verð
Umhverfisvænn
kælimiðill
Allt að 80% orkusparnaður
www.kaelitaekni.is
Leikfélag Hofsóss stendur nú í
æfingum á verkinu Saumastofan,
skrifuðu af Kjartani Ragnarssyni
í tilefni kvennafrídagsins, 24.
október árið 1975.
Er verkið í raun þjóðfélagsádeila
þar sem kjör kynjanna eru tekin fyrir
en það ár er kallað kvennaárið, er
Allsherjarþing Sameinuðu þjóðanna
ákvað að það skyldi sérstaklega
helgað málefnum kvenna. Segir frá
sex konum, starfandi á saumastofu
sem ákveða að slá upp afmælisveislu
og deila með viðstöddum sögum
sínum á litríkan hátt. Inn í
skemmtunina fléttast svo umræðan
um hlutverk kvenna í samfélaginu.
Í sýningunni eru níu leikarar á
aldrinum 15 til 60 ára eða þar um bil
og hefur heilt á litið gengið ótrúlega
vel samkvæmt formanni félagsins,
henni Fríðu Eyjólfsdóttur. Leikstjóri
verksins er svo María Sigurðardóttir,
en hún hefur áralanga reynslu
sem leikstjóri bæði hjá hinum
ýmsu áhugaleikfélögum sem og í
atvinnuleikhúsi.
Sýnt verður í Höfðaborg á
Hofsósi, en miðapantanir og frekari
upplýsingar eru í s. 854-6737. /SP
Flestir ættu að kannast við klassíska söngleikinn
Rocky Horror sem hefur farið sigurför um heiminn
eftir frumsýningu sína í Royal Court leikhúsi
Lundúnaborgar árið 1973.
Um ræðir tímamótaverk sem hefur bæði komið við
á sviði og hvíta tjaldinu auk þess sem mörg laganna eru
vel þekkt og vinsæl. Er höfundurinn Richard O‘Brian
nú um áttrætt, en að sögn hefði hann ekki órað fyrir
þeim vinsældum sem skrif hans ollu. Í þessum sígilda
söngleik lendir kærustuparið Brad og Janet í ógöngum
í ofsaveðri, en svo vill til að dekk springur á bílnum
þeirra. Þau ganga fram á gamlan kastala þar sem þau leita
skjóls og beiðast ásjár heimamanna. Þar ræður ríkjum
klæðskiptingurinn Frank-N-Furter og fylgifiskar hans
sem eru hver öðrum litríkari. Margir þekkja sköpunarverk
hans, „Rocky“, yfirþjóninn Riff-Raff (sem Richard O‘
Brian sjálfur leikur í kvikmyndinni „The Rocky Horror
Picture Show“), systur hans, þjónustustúlkuna Magenta,
grúpppíuna Columbiu og kærasta hennar, Eddie (sem
var leikinn af söngvaranum Meat Loaf í kvikmyndinni).
Heldur gengur þessi hópur fram af unga parinu sem
þó glatar sakleysi sínu smátt og smátt enda freistingarnar
fleiri en góðu hófi gegnir. Boðskapur verksins er þó að
nokkru leyti sá að allir ættu að mega vera eins og þeir
kjósa, helst án þess að hljóta bágt fyrir. Þetta er líflegur
og afar skemmtilegur söngleikur í höndum leikstjórans
Árna Grétars Jóhannssonar.
Sýnt verður á Heiðarvegi 19, Vestmannaeyjum,
miðasala fer fram á staðnum og eru áætlaðar tólf
sýningar – frumsýningin þann 6. apríl kl. 20.00. Daginn
eftir verður sýnt bæði klukkan 19 & 22, en er seinni
sýningin svokölluð „POWER“-sýning þar sem leikarar
setja sprengikraft í leik sinn á sviðinu og má búast við
sannkallaðri flugeldasýningu.
Frekari sýningar eru svo frá 14.-30. apríl, en
upplýsingar varðandi þær má fá í síma 868 2139. /SP
Sunnudaginn 26. mars frumsýnir
Leikfélag Hólmavíkur gaman-
leikinn Maður í mislitum sokkum
eftir Arnmund Backman, í
leikstjórn Skúla Gautasonar.
Fjallar verkið um ekkjuna
Steindóru sem búsett er í blokk
eldri borgara og lifir frekar
tilbreytingasnauðu lífi. Dag einn er
hún kemur út úr verslun og ætlar
að aka heimleiðis, situr ókunnur
maður í farþegasætinu i bílnum
hennar. Maður þessi veit hvorki
nafn sitt, né hvar hann býr eða
hvert hann er að fara. Hann gerir
sér þó grein fyrir að hann er klæddur
mislitum sokkum. Í einhverju fáti
ákveður ekkjan að taka hann með
sér heim í blokkina enda óviss um
hver hann er eða hvað á að gera við
hann. Þar fléttast vinkonur hennar
og aðrir nærstaddir inn í málið með
tilheyrandi vandræðagangi. Er um
bráðskemmtilega atburðarás að ræða
og býður sýningin í raun bæði upp
á hlátur og grátur og ætti enginn að
láta sýninguna framhjá sér fara.
„Þetta er notalegur gamanleikur
og ég held að allir ættu að geta haft
gaman af sýningunni,“ segir Skúli
Gautason leikstjóri, en þetta er í
sjöunda sinn sem hann leikstýrir
Leikfélagi Hólmavíkur. „Þetta er
held ég eina leikfélagið á landinu
sem hefur haldið í þá hefð að fara
jafnan með sýningar sínar í leikferð,“
bætir hann við.
Frumsýning er eins og áður segir
26. mars, en sýndar verða fimm
sýningar í félagsheimilinu Sævangi
þar sem Sauðfjársetrið er til húsa.
Þar er að panta súpu á fyrir sýningar,
en þeim lýkur laugardaginn fyrir
páska. Í framhaldinu er svo stefnt að
því að fara í leikferð eftir sauðburð.
Miðasölusími er 693 3474 og hefjast
aðrar sýningar en sú fyrsta kl. 20.
/SP
Leikfélag Hofsóss:
Saumastofan
Leikarar og hluti af starfsmannahópi sýningarinnar ásamt leikstjóranum,
Maríu Sigurðardóttur. í forgrunni.
Leikfélag Hólmavíkur:
Maður í mislitum sokkum
Hér má sjá þær Ester Sigfúsdóttur og Ástu Þórisdóttur
í hlutverkum sínum.
Einar Indriðason, Ingibjörg Sigurðardóttir og Ester Sigfúsdóttir á sviðinu. Ef vel er að gáð má sjá að Einar er í mislitum sokkum. Myndir / Jón Jónsson.
Leikfélag Vestmannaeyja:
Rocky Horror
Það er líf og fjör á fjölunum hjá Leikfélagi Vestmannaeyja með formanninn Albert í hlutverki hins ástsæla Frank-N-Further,
Valgerði Elínu Sigmarsdóttur og Árna Þorleifsson sem parið Brad & Janet auk Arnars Gauta Egilssonar sem Rocky
– svo upp séu talin nokkur aðalhlutverkin. Til viðbótar við líflega leikara er svo hljómsveitin svo afar vel mönnuð ...!