Muninn - 01.05.2016, Blaðsíða 80
78
Annars hefur Doddi líka verið að spila einhver prívat
gigg. Bæði fyrir framhaldskóla, grunnskóla en hann hefur
líka spilað fyrir saumaklúbba.
„Ég fór heim til fimmtugrar konu
einu sinni að spila í saumaklúbbi.
Tók með hljóðkerfi og spilaði í
litlu stofunni hennar meðan þær
vinkonurnar spjölluðu.”
En Doddi á ýmsa lífsreynsluna í pokahorninu.
„Árið 2009 febrúar fór ég í magahjáveituaðgerð. Ég var
130 kíló en datt síðan niður í 65 kíló. Í svona aðgerð þá
er maginn þrengdur. Ég hef verið of feitur frá því ég var
krakki og manni líður ekki vel að vera alltof þungur. Það
dró mig svakalega mikið niður, ég var svoldið eins og
gamall kall þegar ég var 22 ára. Ég fékk eiginlega æskuna
aftur við að fara í þessa aðgerð!”
Fleiri lífstíls breytingar hafa verið á döfinni hjá Dodda.
,,Ég hætti að drekka 2013. Ég var nú ekki fyllibytta en
hafði ekki tíma til þess lengur. Fólk var oft að segja
‘komdu í eftirpartý, komdu í eftirpartý’ en ég er bara búin
á því eftir 4 tíma gigg. Maður nennir ekki meir. Það er líka
gott að vera ekki þunnur á sunnudögum... andlega heilsan
er góð.”
Ef við skoðum æsku Þorsteins nánar þá komumst við að
því að hann átti gullfisk.
„Gullfiskurinn minn hét Snúlli. Það er mikið af
hundum í fjölskyldunni og ég er hundelskur maður
en málið er að ég hef aldrei mátt eiga hund. Ég
elska hunda útaf lífinu... kannski þess vegna sem að
gullfiskurinn fékk svona hundalegt nafn?”
Á ferlinu segir Doddi að það séu nokkur augnablik sem
standi uppúr.
„BESTA móment ever var
landsmót Samfés núna síðasta
haust í Naustaskóla. Allar
félagsmiðstöðvar á Íslandi komu
saman, það var stærsta ball sem ég
hef spilað á. Það var góð stemming,
ég byrjaði að spila Simpson introið
til að fíflast í liðinu...”
Aðspurður segist Doddi vera með ákveðna rútínu;
„Ég byrja oftast, til að kicka í gang, með lagi sem heitir
Du de monde - 90 og enda alltaf á Ég er kominn heim
... í svona 90% tilvika. Ég vil enda þetta rólega til þess
að róa fólk. Svo það fari gott útí kvöldið. Vil ekki hafa á
samviskunni að einhver lendi í slag…”
Þorsteinn er líka með dyravarðarréttindi. Þar reynir hann
einnig að róa fólk til að ná til þess.
„Mér finnst voðalega leiðinlegt að vera leiðinlegur við
fólk. Það leiðinlegasta sem ég geri er að vera leiðinlegur.
Ég tala fólk niður í stað þess að æsa mig. Reyni að róa það
en ég lærði þetta í Hlíðarfjalli sko.”
Eins og heyr má reynir Doddi Mix alltaf að halda
stemmingunni góðri. Hann segir að hann vilji ekki fá
fólk strax á dansgólfið um miðnætti heldur byggja upp
stemminguna eftir því sem líður á kvöldið.
„Ég á stóran kjarna af fólki sem kemur
alltaf á böllin mín og það vill fá þá
stemmingu sem ég spila.”
Doddi segir að hann vilji spila tónlist sem höfði til allra
en ekki bara eina stefnu. Honum þykir gaman að spila
Queen aðra stundina og svo Gaggó vest þá næstu. Annars
ákveður Doddi aldrei fyrirfram hvað hann ætlar að spila.
Hann les andrúmsloftið til að sjá hvað fólk vill heyra.
„Ég nota forrit í tölvunni og vinn grunntaktana í því en
geri líka mína eigin útgáfu af öðrum lögum. Ég get verið
svoldið eins og rófulaus hundur, get hoppað úr einu í
annað en samt haldið sömu stemmingu. Get tekið 80s og
90s syrpur - en næst tek ég Grease og svo 12:00 …. hef
gaman að því að koma fólki á óvart! Ég hef alveg tekið lög
eins og Hakuna matata svona og líka.”
En uppáhalds kvikmynd Dodda er einmitt Lion King.
,,Verð eiginlega að skammast mín
að ég hafi ekki séð leikritið hjá
ykkur - var að vonast til að það
yrðu fleiri sýningar en það var
svo mikið að gera hjá mér. Hefði
mjög verið til í að sjá það”