Muninn - 01.05.2016, Blaðsíða 85
83
UMRÆÐAN
Efni: Café Amour
Þrátt fyrir að nafnið Amour gefi til kynna ást og
kærleik er þau hvergi að finna á skemmtistaðnum
sem staddur er í miðbæ Akureyrar. Þar er aðeins
hægt að finna lostafulla unglinga sem eru undir
áhrifum ýmissa efna, en hver elskar ekki að ganga
á móti Amour-sleiknum sínum á langagangi?
Vissulega eru það ungir menntskælingar sem
halda staðnum uppi með kaupum sínum á fokdýra
barnum, þó er ekki ólíklegt að þú rekist á einn eða
fleiri eldri mann sem leynist í hornum staðarins og
horfa löngunaraugum á ungdóminn.
Hér á árum áður blómstraði Amour og var þá aðal
gleðistaður djammara, hver hefur ekki heyrt lagið
,,Sleikur á Amour‘‘ ? Nú eru hins vegar breyttir
tímar, það er varla hægt að standa í lappirnar
á klístraða dansgólfinu eftir klukkan 2 vegna
troðnings, þar sem lýðurinn hefur engin önnur
húsaskjól að venda eftir lokun KAK.
En hver er ég að dæma, ef þið viljið vera umkringd
pissfullum einstaklingum í sveittu, illa lyktandi
andrúmslofti þar sem baðherbergisröðin ætlar
aldrei að enda þá er Amour staðurinn fyrir þig.
- Una Magnea Stefánsdóttir
Café Amour eða Mekka eins og ég kýs að kalla
þennan dýrðarstað er mér jafn kær og drekarnir
eru Daenerys Targaryen, ómetanlegir. Í Mekka hef
ég kynnst öllum mínum bestu vinum, og ef ég ætla
mér að eiga góða helgi, þá einfaldlega verður hún
að enda á Amour.
Café Amour hefur þennan sjarma sem
öllum skemmtistöðum dreymir um að hafa yfir
sér. Loftmyndin sem vakir yfir dansgólfi Mekka er
jafn glæsileg og loftmynd Sixtínsku kapellunnar í
Vatíkaninu eftir Michelangelo. Tilfinningin sem ég
fæ við að ganga inn um dyr Amour mætti líkja við
tilfinningarnar sem helltust yfir Jesús frá Nasaret
þegar hann reis upp frá dauðum og gekk út úr
hellinum, sú tilfinning er engu lík.
Fimmtudagar á Café Amour eru í senn
magnaðir og alls ekki síðri en löllarinn. Þá mæta
helstu spekingar Norðurlands og etja kappi gegn
hvor öðrum í stórbrotnum spurningaleik þar
sem þeir ausa úr viskubrunni sínum og freista
þess að vinna hinn margrómaðan BJÓRTURN
Amour. Eins má nefna bjórkort staðarins þar sem
heilir tíu Glaciercold bjórar fást á verði sjö bjóra.
Þetta gjafarkort er eitthvert það magnaðasta sem
fyrirfinnst á landinu og er tilvalið ofan í alla pakka
til þeirra sem eru virkilega heittelskaðir. Mekka er
að mínu mati gríðarlega stór þáttur í uppeldi barna
á Íslandi, og ættu allir Íslendingar að geta státað sig
af því að hafa heimsótt staðinn einhvern tímann á
lífsleiðinni.
HASTA LA VICTORIA AMOUR.
- Skúli Halldórsson
Með: Móti: