Muninn - 01.05.2016, Blaðsíða 98

96
MONS!
Þessa uppskrift er ég búin að gera svo oft að ég
man hana utan að, enda ekki erfið. Ofnbakaðar
kjúlkingabaunir sem snakk hljómar kannski ekki
það vel en þetta kemur merkilega að óvart. Það
skiptir þó öllu máli hvernig þú kryddar þær og er
hægt að krydda þær á margskonar hátt. Ég hef lesið
þó nokkrar uppskriftir þar sem fólk notar hunang
og kanil eða jafnvel hvítlauk og pipar en þar sem
ég er mikið fyrir bragðsterkann mat þá ætla ég
að deila með ykkur uppáhalds kjúklingabauna
útgáfunni minni.
Innihald:
1 - 2  dollur af kjúklingabaunum
Olía
Salt
Reykt papríka (krydd)
Garam Masala krydd
(chilli duft ef þú ert í góðu skapi)
Þar sem fer að líða að prófatíðinni (aka mönstíðinni) ákvað ég að gera smá grein með
nokkrum hollum snökkum. Maður kannast við það, um leið og maður sest niður til að læra
þá byrjar maður að kreiva eitthvað nasl, oftar en ekki verður eitthvað óhollt fyrir valinu
og er þá ómögulegt að reyna að halda sér í formi eða húðinni í góðu jafnvægi - ég veit að
fleiri tengja við þetta. Hérna eru þrjár hollar uppskriftir sem þú gætir prófað til að seðja
nammiþörfina þína!
Aðferð:
Hitaðu ofninn í 175°C. Þurrkaðu kjúklingabaunirnar (í viskastykki eða handklæði) þar til þær eru orðnar
vel þurrar og láttu þær á ofnplötu, betra er að láta þær í djúpa ofnplötu þannig að þær rúlli ekki úr plötunni
og niður á gólf. Heltu smá dassi af olíu yfir og láttu svo kryddin yfir: salt, reykta papríku og garam masala.
Passaðu að það sé alveg pottþétt olía og krydd á öllum baununum. Láttu baunirnar í ofn í um 30-40 mínútur,
gott er að kíkja á þær eftir 20 mín og hrista aðeins í ofnplötunni þannig að þær bakist alveg jafnt. Þegar
baunirnar eru tilbúnar skaltu láta þær í skál og bera þær fram heitar, ef þú ert mikil kryddmanneskja mæli ég
með að krydda baunirnar örlítið meira eftir að þú lætur þær í skálina til að gefa þeim meira kick.
‘CRUNCHY’ KJUKLINGABAUNIR