Muninn - 01.05.2016, Blaðsíða 121
119
Japanskur kjúklingaréttur
Margrét Kristín Jónsdóttir
Mjög auðveldur og fljótlegur réttur sem bragðast
dásamlega.
4 kjúklingabringur
1 dl Sweet hot chillisósa, má líka vera bara Sweet
chillisósa
Hreinsið bringurnar og skerið í ræmur. Steikið
í vel heitri feiti og kryddið aðeins með salti og
pipar, sérstaklega ef þið notið ekki sterku sósuna.
Hellið sósunni yfir og látið malla í 3-5 mínútur.
Passa að ofsteikja ekki, þá verður kjúklingurinn
þurr.
Sósa
½ bolli olía
¼ bolli balsamikedik
2 msk hrásykur
2 msk sojasósa
Sjóðið þetta saman í ca eina mínútu, kælið og
hrærið í á meðan svo að sósan skilji sig ekki.
Núðlublanda
1 poki núðlur (instant súpunúðlur t.d.
frá Rookee, ekki nota kryddið)
3-4 msk möndluflögur
2 msk sesamfræ
Myljið núðlurnar (best að gera það áður en
pokinn er opnaður) og ristið þær á þurri pönnu.
Bætið möndlum og fræjum saman við og ristið
áfram þar til allt er orðið ljósbrúnt. Kælið.
Salatblanda
1 poki blandað salat (má líka nota
jöklasalat, kínakál eða hvað sem er.
Ég nota yfirleitt meira en einn poka).
10 litlir tómatar (má alveg nota stóra
en litlir eru fallegri)
1 mangó (passlega þroskað, en má
nota ananas eða vínber)
1 lítill rauðlaukur
Skolið salatið og setjið á stórt fat.
Skerið lauk í hringi, mangó í bita og tómata í
tvennt og dreifið jafnt yfir salatið.
Bætið núðlublöndunni og sósunni yfir. Gott er
að geyma svolítið af sósunni og núðlublönd-
unni og bera fram með réttinum.
Bætið volgum kjúklingabitum ofan á.
Berið fram með hvítlauksbrauði.
Athuga, best er að steikja kjúklinginn þegar
allt hitt er tilbúið því hann þarf svo stutta
steikingu.
Starbucks Lemmon Loaf
Geir Hólmarsson
Þetta er upphaflega voða flott kaka sem boðin
er á kaffishúsum Starbucks. Ég breytti henni
þannig að ég get bara hennt öllu hráefninu í eina
skál, þeytt það saman og hellt í ofnskúffu. Bakað
og gúffað í mig. Góð kaka án fyrirhafnar.
420 grömm hveiti
1 1/2 teskeið baking powder
1 1/2 teskeið baking soda
1 1/2 teskeið salt
600 grömm sykur (stundum bara 400 gr)
9 egg, ekki of köld
1 bolli af matarolíu
Þeyta vel.
3 teskeiðar vanilludropar
6 teskeiðar sítrónudropar
Safi úr 5 til 6 sítrónum (nota stundum sítró-
nusafa úr belg og finn ekki endilega muninn á
því. Magnið er c.a. bolli af safa)
Fínt rifin börkur af 3 sítrónum –þessu má ekki
sleppa.
Þeyta vel, vel, vel.
Ég set þetta í þessari röð ofan í eina skál og
þeyti saman annað slagið með handþeytara.
Læt stundum standa smá til að leysa upp
sykurinn almennilega. Þeyti svo aftur og smyr
(sprey) skúffukökuformið, helli þessu í inn í
ofn sem er 180 gráðu heitur. Þetta tekur oftast
á sig smá brúnan lit á toppinn, doppur og
flekkir, allt í góðu. Sting í með gaffli, ef hann
kemur hreinn upp þá er þetta klárt. Tekur alls
ekki langan tíma. Styttra en maður heldur.
Ég set svo glassúrinn fljótlega á kökuna. Hún
er svolítið viðkvæm, fara varlega. Glassúrinn
er svolítið þykkur en bráðnar ofan á kökuna.
Glassúrinn sem ég útbý á meðan kakan er í
ofninum. Oft þarf ég að bleyta betur í honum.
600 gr. Flórsykur - 6 matskeiðar mjólk - 1,5 til
2 teskeiðar af sítrónudropum