Muninn - 01.05.2016, Blaðsíða 81

79
Það sem fáir vita er að Doddi Mix er um þessar mundir
að vinna að nýjum sumarhittara með vonarstjörnunni
Hlyn Icefit sem skaust heldur betur hratt uppá
stjörnuhimininn þegar hann gerði sína eigin íslensku
útgáfu af laginu Dare með Shakiru í desember í
hittifyrra.
,,Lagið er klárt. Það á eftir að vinna grunnbeatið reyndar
en lagið kemur út í júní”
En þetta er ekki allt!
Doddi er líka að vinna að sinni fyrstu
plötu sem hann áætlar að komi út 2017.
,,Ég er búin að vera með þetta efni svolítið í felum. Ég
hef aldrei spilað mín eigin lög opinberlega”.
Doddi segist ekki vera komin með nafn á plötuna en í
sumar ætlar hann að fara til Ibiza og leita að innblæstri.
,,Ég er að fara að upplifa það sem allir dj-ar vilja. Ég er
að fara að sjá nöfn sem ég hefði aldrei geta ímyndað mér
að ég fengi að sjá”.
Doddi hyggst koma heim frá Ibiza fullur inblásturs eftir
reynsluríka ferð. ,,Ég ætla samt ekki að gefa plötuna út
undir mínu eigin nafni. Ég ætla að finna mér eitthvað
leyninafn”
En það væri þá ekki í fyrsta sinn sem Doddi
kemur fram undir leyninafni.
,,Ég hef giggað nokkrum sinnum undir
nafninu Dj Bunny en það er eiginlega mitt
svona halloween partý nafn. Það fattaði
enginn hver ég var enda spilaði ég allt
öðruvísi tónlist”
Þorsteinn segir það vera fínt að geta komið fram undir
öðru nafni og þá spilað aðra tónlist. Doddi Mix og
Dj Bunny hafa til dæmis ekki sömu aðdáendur því
stemmingin og tónlistin er öðruvísi. Doddi segir það
vera pínu eins og alter ego að vera með listamannanafn,
hvað þá mörg.
Hann segir Dodda Mix ekki vera þann
sama og Þorsteinn Marínó.
,,Ég er aldrei kallaður Doddi Mix af vinum og
fjölskyldu” segir Þorsteinn en hann kemur sér í allt
öðruvísi gír þegar hann er Doddi Mix.
,,Pro dj peysan mín er í uppáhaldi. Er mikið í henni
þegar ég er að gigga” segir Doddi og bætir við að hann
sé alltaf mættur klukkutíma fyrir gigg til að sötra kaffi.

„Ég hef nú líka spilað í skuggapartýi, það var 2013. Það
var æðisleg stemming síðast! Annars spila ég mest á
Amour - spila þar aðra hvora helgi. Það er uppáhalds
staðurinn minn til að gigga.”
Doddi ætlar sér auðvitað ekki að hætta að spila á Amour
en hann á sér aðra ólíka drauma.
„Sko mig langar alveg rosalega mikið að halda gigg
í náttúrunni, á túni eða inn í firði í rólegheitunum.
Ekki beint tónlistarhátíð en fá nokkra saman og halda
tónlistarveislu. Sé þetta fyrir mér upp í Öxnadal eða
upp við Hólavatn. Já svið í náttúrunni er klárlega
draumurinn. Þar myndi ég vilja spila mitt efni og
annarra efni með. Hugsanlega myndi ég spila með
Prodigy og Tiesto. Páll Óskar væri síðan drauma
meðgiggari.”
Páll Óskar er mikill innblástur fyrir Dodda og
fyrirmynd.
„Ég kynntist honum 2004 og er búinn að þekkja hann
síðan og sjá hann rísa sem stjörnu. Að fara á ball með
mér er svipað og að fara á ball með Palla” Þetta segir
Doddi en hann hefur oft hitað upp fyrir Pál Óskar. Auk
þess trúir Þorsteinn okkur fyrir því að hann detti oft í
Palla gírinn og geti hlustað á lögin hans nær endalaust.
Doddi hefur farið víða en aðspurður segir hann að hann
myndi ekki neita að spila á neinum stað. Hans markmið
er að ná að spila á sem flestum stöðum enda hefur hann
farið um allt Ísland. Einu sinni spilaði Doddi á þremur
böllum sama kvöldið en vinsældir hans hafa færst í
aukana!
„Já fólk hefur alveg beðið um að
taka myndir, jafnvel útá götu og ég
hef líka gefið eiginhandaáritanir í
skíðalyftunum uppí fjalli.”

Hér fyrir neðan er eiginhandaáritun Dodda
Mix svo hægt sé að klippa hana út og eiga.