Muninn - 01.05.2016, Blaðsíða 101

99
4. Íslandsbanki
5. Landsbankinn
6. Stela kaffi af Brák
Í Íslandsbanka er ýmsilegt sem var þyrnir í augum
smakkaranna. Þar er lítil og fremur óhlýleg setuaðstaða
sem ekki býður uppá huggulegar samverustundir enda
er yfirleitt mikið öngþveiti og stress í kringum þennan
banka. Kaffið er heldur þunnt en þó bragðgott. Kaffivél
Íslandsbanka býður upp á marga valkmöguleika en
einnig er uppáhellt í könnu við hliðin á. Það allra versta
við kaffið eru ferðamálin sem líkt og í Ráðhúsinu eru úr
þunnu plasti sem er mikill ókostur.
Landsbankinn er ekki staður til að setjast niður
og fá sér kaffisopa. Húsnæðið er yfirþyrmandi,
heldur kuldalegt og frekar stofnanalegt. Birtan í
Landsbankanum er léleg og skemmdi það upplifun
kaffidrykksins að miklu leyti. Hins vegar er hátt til lofts
og er það mikill kostur. Kaffi Landsbankans er svo sem
ágætt en kaffimálin eru með þeim verri sem smakkarar
hafa séð. Þau eru svo lítil að þau minna helst á skotglös.
Það er greinilegt að Landsbankinn er ekki tilbúinn að
tjalda öllu til fyrir viðskipta vini sína.
Þetta er hættulegt ráð og algjört neyðarúrræði. Það
felur í sér að stela sopum af Brák sem situr gjarnan
á hinum ýmsu kaffihúsum bæjarins. Brák er afar
athugul ung kona og því verður maður að vera snar
í snúningum og láta lítið á sér bera til að næla sér í
sopa. Brák er með góðan kaffismekk og því verður
fólk sjaldnast fyrir vonbrigðum við notkun þessarar
aðferðar en ráðið lendir í síðasta sæti vegna áhættunnar
sem fylgir.