Skinfaxi - 01.01.2018, Page 39

SKINFAXI tímarit Ungmennafélags Íslands 39
Ályktun
· Ungmennum á Íslandi finnast vegir landsins vera í niður-
níðslu. Bæta þarf samgöngur um allt land og veita sveitar-
félögum heimildir til að laga vegi sem heyra undir Vegagerð-
ina. Þar má nefna Grindavíkurveginn þar sem mörg alvarleg
slys og banaslys hafa orðið. Ungt fólk notar samgöngur dag-
lega, hvort sem þau eru farþegar eða ökumenn og við viljum
öll að þau komist heilu og höldnu til náms eða í vinnu.
Samgöngubætur má fjármagna með komugjöldum á erlenda
ferðamenn þar sem þeir eru orðnir stór hluti þeirra sem nota
vegakerfi landsins. Aðeins þarf lítils háttar komugjald á
hvern og einn til að fjármagna endurbætur á vegakerfinu.· Kvíði og þunglyndi hefur aukist mikið í röðum ungmenna
á grunnskóla- og framhaldsskólaaldri. Stytting framhalds-
skóla úr fjórum árum í þrjú og minni tími nemenda til að sinna
félagsstörfum eru að stórum hluta orsakavaldur að mati ung-
menna. Festa þarf í lög að sálfræðingar séu starfandi í öllum
grunn- og framhaldsskólum á landinu. Einnig vantar betri
forvarnir í geðheilbrigðismálum og gætu starfandi skóla-
sálfræðingar séð um fræðslu á því sviði.· Þátttakendur í ráðstefnunni ræddu margt um lækkun
kosningaaldurs niður í 16 ár í sveitarstjórnarkosningum.
Lýðræðisfræðslu og stjórnmálafræðslu þarf að auka í grunn-
og framhaldsskólum og nauðsynlegt er að gera heimasíðu
Alþingis aðgengilegri og skiljanlegri.