Bókatíðindi - 01.12.2018, Qupperneq 29

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I Endurútgáfa B Ó K A T Í Ð I N D I 2 0 1 8
E C
Myrkrið veit
Arnaldur Indriðason
Lesari: Þorsteinn Bachmann
Óupplýst mannshvarf fyrir þrjátíu árum kemst aftur
í fréttir þegar lík finnst frosið fast í ísinn á Langjökli.
Málið hefur alla tíð ásótt Konráð, lögreglumanninn
sem rannsakaði það í upphafi, og nú er hann kallaður
til. Margbrotin glæpasaga um eitruð leyndarmál sem
tíminn færir um síðir upp á yfirborðið. Mögnuð bók
eftir vinsælasta höfund landsins.
283 bls. / H 9:29 klst.
Forlagið – Vaka-Helgafell
D F
Nornasveimur
Emil Hjörvar Petersen
Norn er myrt í Trékyllisvík. Fórnarlömb galdrabrenna
ganga aftur. Illskeytt kynjaskepna ræðst til atlögu og
válegir andar eru á sveimi. Huldumiðillinn Bergrún
og dóttir hennar Brá takast á við skelfilegt ástandið
en samhliða því þurfa þær að horfast í augu við eigin
breyskleika og innri ógnir.
256 bls.
Veröld
D F
Óbundið slitlag
Sigurjón Bergþór Daðason
Dýralæknir er sendur austur á firði, bifvélavirki missir
tökin á lífi sínu, leiðsögumaður þarf að horfast í augu
við skelfilegan atburð úr æsku og fornleifafræðingur
rannsakar nýfundin mannabein. Allir þessir þræðir
fléttast saman í atburðarás sem tekur óvænta stefnu.
203 bls.
Veröld
E F
Meistararnir
Hjörtur Marteinsson
Þegar Rósant litli fer með afa sínum og nafna á Evr-
ópumót öldunga í frjálsum íþróttum í Finnlandi opnast
fyrir honum heill ævintýraheimur og ljóst er að stærstu
áskoranirnar eru ekki alltaf inni á keppnisvellinum.
Hér er á ferð gamansöm og hlý frásögn af breyskum
mönnum þar sem heimur hinna fullorðnu og dularfullir
heimar bernskunnar rekast á. Hjörtur Marteinsson
hefur áður sent frá sér verðlaunabækurnar AM 00 og
Alzheimertilbrigðin. Meistararnir er hans fimmta bók.
217 bls.
Forlagið – JPV útgáfa
E F I
Mistur
Ragnar Jónasson
Mistur eftir Ragnar Jónasson var ein mest selda bók
ársins 2017, hlaut einróma lof gagnrýnenda og bóksalar
völdu hana sem eina af þremur bestu skáldsögum árs-
ins. „Spennandi og vel fléttuð saga, tvímælalaust besta
bók höfundar.“ Brynhildur Björnsdóttir, Fréttablaðinu
256 bls.
Veröld
G
Mojfríður einkaspæjari
Marta Eiríksdóttir
Mojfríður er engin venjuleg kona, hún er kynlegur
kvistur sem lætur engan ósnortin sem fær að kynnast
henni.
158 bls.
Draumsýn
29
Skáldverk ÍSLENSK