Bókatíðindi - 01.12.2018, Blaðsíða 52

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I EndurútgáfaB Ó K A T Í Ð I N D I 2 0 1 8
D F
Skúli fógeti – faðir Reykjavíkur
Saga frá átjándu öld
Þórunn Jarla Valdimarsdóttir
Skúli Magnússon varð fógeti fyrstur Íslendinga og flutti
vísi iðnbyltingarinnar til Íslands. Hann var líka búðar-
strákur, framagjarn embættismaður, kvennagull og
svallari, sýslumaður Skagfirðinga og baráttumaður gegn
einokun – og lífsþreytt gamalmenni sem endaði ævina í
skjóli andstæðinga sinna. Allar þessar hliðar Skúla sýnir
Þórunn á sinn einstaka hátt og lýsir samferðafólki hans
og samtíð af innlifun.
256 bls.
Forlagið – JPV útgáfa
G
Stalín – ævi og aldurtili
Edvard Radzinskij
Þýð.: Haukur Jóhannsson
Ítarlegust og merkust af öllum þeim fjölda ævisagna
sem komið hafa út um hinn goðumlíka harðstjóra.
Bókin er afrakstur eigin reynslu höfundar og áratuga
rannsókna. Hér koma fram ýmis áður óþekkt atriði, s.s.
trúarlegar vísanir í harðstjórn Stalíns, undirbúningur
þriðju heimsstyrjaldarinnar og að lokum frásagnir af
dularfullum dauða Stalíns.
708 bls.
Bókaútgáfan Sæmundur
D
Stefán sterki
Þórir Stephensen
Presturinn Stefán Stephensen var þjóðsagnapersóna í
lifanda lífi, annálaður kraftamaður, stórhuga hugsjóna-
maður og dugnaðarforkur sem skilaði merku ævistarfi.
En hann var einnig breyskur drykkjumaður og á köflum
fljótfær og mistækur.
Hér segir frá pereatinu, símamálinu og margs-
konar brambolti. Yfir öllu er svo stórfengleg ættarsaga
Stefánunga.
350 bls.
Þórir Stephensen
D C
Hljóðbók frá Storytel
Ærumissir
Davíð Logi Sigurðsson
1927. Jónas frá Hriflu er orðinn valdamesti stjórnmála-
maður landsins. Hugsjónaríkur umbótamaður eða
pólitískt óargadýr? Nú mun á það reyna. Sýslumaðurinn
Einar M. Jónasson verður fórnarlamb Jónasar, eða er
hann jafn vanhæfur og Jónas vill vera láta? Ærumissir
er átakanleg saga einstaklinga sem urðu leiksoppar í
mögnuðu valdatafli, skrifuð á næman og spennandi
hátt.
Bókin fæst einnig sem hljóðbók. Lesari Jakob Þór
Einarsson.
229 bls. / H
Sögur útgáfa
D
Nú brosir nóttin
Theódór Gunnlaugsson
Ævisaga refaskyttunnar Guðmundar Einarssonar
sem var goðsögn í lifanda lífi. Hér er lýst samskiptum
náttúrubarns 19. aldar við landið og lífríki þess. Ævi-
sögunni, sem fyrst kom út 1960, fylgir hér margskonar
ítarefni. Lífsviðhorf Guðmundar refaskyttu kallast á við
umhverfisvitund nútímans og á fullt erindi við okkar
tíma.
320 bls.
Bókaútgáfan Sæmundur
E
Nytsamur sakleysingi
Otto Larsen
Þegar Stalín gaf upp öndina vorið 1953, hírðust þrjár
milljónir manna í þrælabúðum hans. Einn þeirra var
norskur fiskimaður, Otto Larsen, sem hafði tekið að
sér njósnir fyrir ráðstjórnina. Mikla athygli vakti, þegar
hann var haustið 1953 látinn laus eftir átta ára vist í
Gúlaginu og sagði sögu sína. AB gaf bók hans út 1956 í
þýð. Guðmundar G. Hagalíns.
160 bls.
Almenna bókafélagið
D C
Hljóðbók frá Storytel
PQ-17 skipalestin
Sigling Alberts Sigurðssonar til heljar og heim
Kolbrún Albertsdóttir
Ein allra dramatískasta saga sjóhernaðar í seinni
heimsstyrjöld. Skipalestin PQ-17 fór frá Hvalfirði til
Rússlands með hergögn handa Stalín. Lestin sætti ógur-
legum árásum Þjóðverja. Íslenskur háseti fylgdist með
öllu saman. Skip hans var eitt fárra sem komust alla leið
til Rússlands þar sem tók við nöturleg vist. Mögnuð
frásögn um djörfung og ótta andspænis tröllslegum
örlögum.
Bókin fæst einnig sem hljóðbók. Lesari Tinna
Hrafnsdóttir.
295 bls. / H
Sögur útgáfa
G
Riddarar hringavitleysunnar
Ágúst Kristján Steinarrsson
Einstök frásögn af upplifun manns á fjórum ævi-
skeiðum lífsins af erfiðum líkamlegum áföllum og óút-
reiknanlegum andlegum veikindum. Sagan einkennist
af leiftrandi frásagnargleði, berskjöldun, kærleika og
dásamlegum húmor. Sannarlega bók sem á erindi til
allra.
280 bls.
Folda
G
Skrifað á vegg
Einskonar ævisaga
Þorsteinn Antonsson
Mannsævin meðan hún endist frá sjónarmiði þolanda
með tilvísun á hina sem hlutu að taka þátt í ævi hans og
þá sem slógust í för á leiðinni. Höfundur leggur áherslu
á sannleikann. Og á ekkert umfram hann. Líf kviknar á
mörkum borgar og sveitar og reynir að skapa sér ævi.
Hér er árangurinn. Handa börnunum.
262 bls.
Sagnasmiðjan
52
Ævisögur og endurminningar