Bókatíðindi - 01.12.2018, Blaðsíða 58

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I EndurútgáfaB Ó K A T Í Ð I N D I 2 0 1 8
E
Geggjaðar GÁTUR og góðar
Guðjón Ingi Eiríksson
Hvað verður sá aldrei sem aldrei er forvitinn? Hvenær
lykta allir menn eins? Af hverju rignir aldrei tvo daga
í röð? Hver af forsetum Íslands, á undan Guðna Th.,
notaði stærstu skóna? Hvað gera allir á sama tíma?
Hver á alltaf síðasta orðið? Hvar er hnífur þess manns
sem á í stökustu vandræðum? Hvernig gabbarðu fiðlu?
Þessar gátur og margar fleiri, léttar og erfiðar, en allar
skemmtilegar í þessari bráðsmellnu bók sem fólk á
öllum aldri mun elska að glíma við.
64 bls.
Bókaútgáfan Hólar
G
Gleðilega fæðingu
Vellíðan, valkostir og verkjastilling í fæðingu
Aðalbjörn Þorsteinsson, Hildur Harðardóttir og Þorbjörg
Marinósdóttir
Rannsóknir sýna að allur fæðingarundirbúningur
styrkir verðandi foreldra, dregur úr kvíða og eykur
líkur á jákvæðri upplifun af fæðingunni. Hér er fjallað
um aðdraganda fæðingar og valkosti þegar kemur að
fæðingarstöðum. Í seinni hluta bókarinnar er fjallað
ítarlega um mismunandi leiðir til að lina fæðingarverki,
ekki síst mænurótardeyfingu. Höfundar, auk Þorbjargar
Marinósdóttur, eru Hildur Harðardóttir fæðingarlæknir
og Aðalbjörn Þorsteinsson svæfingalæknir.
136 bls.
Forlagið – Vaka-Helgafell
D F
Gleðin að neðan
Píkan, legið og allt hitt
Nina Brochmann og Ellen Stökken Dahl
Þýð.: Saga Kjartansdóttir
Myndir: Hanne Sigbjørnsen
Allt sem þú þarft að vita um kynfærin og kynlíf,
leyndardóma snípsins, villtan hormónadans tíðahrings-
ins og hvernig getnaðarvarnir virka á líkamann. Gagn-
reyndar upplýsingar um algenga kyn- og kvensjúkdóma
og svör við viðkvæmum spurningum. Leikandi létt,
aðgengileg og fordómalaus bók eftir læknanemana
Ellen Støkken Dahl og Ninu Brochmann.
352 bls.
Forlagið – Vaka-Helgafell
G
Gleymna óskin
Ólafur Stefánssson og Kári Gunnarssson
Þessi saga á engan sinn líka. Í heillandi og mannbætandi
frásögn býður Óli Stef. upp á óvenjulega bjarta sýn á
veruleikann og lífið. Þetta er ævintýri fyrir alla. Kári
Gunnarsson teiknari skapar undurfagran myndheim
sem hæfir sögunni.
52 bls.
Sögur útgáfa
D I
Gorgías
Platón
Þýð.: Eyjólfur Kjalar Emilsson
Gorgías er ein glæsilegasta samræða Platóns og telst til
hinna svokölluðu sókratísku samræðna. Gorgías fjallar
að nafninu til um mælskulist, en þegar líður á verkið
leiðir sú rökræða til þess að leita þarf svara við mikil-
vægum spurningum um mannlegt líferni og stjórnarfar.
210 bls.
Hið íslenska bókmenntafélag
G
Framtíðarmúsík
Ritstj.: Kristín Valsdóttir
Sl. 20 ár hefur orðið mikil gerjun og endurnýjun á sviði
tónlistarmenntunar. Nýjar aðferðir og ný viðmið hafa
rutt sér rúms í tónlistar- og tónmenntakennslu. Bókin
inniheldur 12 greinar sem byggjast á nýjum rann-
sóknum og þróunarverkefnum um efnið og er fyrsta
bók sinnar tegundar sem gefin er út á íslensku og
fengur fyrir alla sem áhuga hafa á tónlistarmenntun á
Íslandi.
250 bls.
Háskólaútgáfan
G
Frá miklahvelli til mannheima
Ólafur Halldórsson
Hér segir frá síaukinni fjölbreytni tilverunnar eftir
miklahvell. Þróun alheimsins og lífsins á jörðinni er
einnig gerð skil og því lýst hvers vegna við erum eins og
raun ber vitni.
360 bls.
Urður bókafélag
D
Frelsi mannsins
Jiddu Krishnamurti
Þýð.: Kristinn Árnason
Í þessu klassíska verki skorar lífspekingurinn á okkur
lesendur að leggja til hliðar allar fyrirfram mótaðar
hugmyndir um ást, hamingju, ofbeldi, fegurð og dauða
– og læra að horfast í augu við okkur sjálf eins og við
erum. Krishnamurti er talinn einn merkasti hugsuður
20. aldar og hafði meðal annars mikil áhrif á þá Halldór
Laxness og Þórberg Þórðarson.
172 bls.
Bókaútgáfan Sæmundur
D
Frjálst og fullvalda ríki
Ísland 1918–2018
Ritstj.: Guðmundur Jónsson
Ritn.: Guðmundur Hálfdanarson, Ragnhildur Helgadóttir
og Þorsteinn Magnússon
Hvaða hugmyndir hafa Íslendingar gert sér um full-
veldi? Er hægt að framselja hluta þess? Hvaða áhrif
hefur það haft á íslenskt samfélag og samskipti þess við
önnur ríki? Getur Ísland haldið fullveldi sínu í hnatt-
væddum heimi? Í tilefni þess að nú eru 100 ár frá því að
Ísland varð fullvalda ríki skoða 13 fræðimenn fullveldið
frá ólíkum sjónarhornum.
416 bls.
Sögufélag í samstarfi við Afmælisnefnd aldarafmælis
sjálfstæðis og fullveldis Íslands
E
Fyrstu mánuðirnir –
Ráðin hennar Önnu ljósu
Anna Eðvaldsdóttir og Sylvía Rut Sigfúsdóttir
Hér eru ráð hinnar þaulreyndu ljósmóður Önnu
Eðvaldsdóttur, sem betur er þekkt sem Anna ljósa,
handa foreldrum ungbarna. Bókin er full af gagn-
legum upplýsingum um þegar barnið kemur í heiminn,
brjóstagjöf, grátur, meltingu, líðan móður, veikindi
barna og allt annað sem mikilvægt er að vita um fyrstu
mánuði í lífi barnsins.
188 bls.
Bókafélagið
58
Fræði og bækur almenns efnis