Bókatíðindi - 01.12.2018, Blaðsíða 62

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I EndurútgáfaB Ó K A T Í Ð I N D I 2 0 1 8
D
Jómsvíkinga saga
Umsj.: Þorleifur Hauksson og Marteinn Helgi Sigurðsson
Ritstj.: Þórður Ingi Guðjónsson
Jómsvíkinga saga er síðasta bindi konungasagna í
Íslenzkum fornritum. Hún er talin rituð kringum 1200
og er fyrst og fremst skemmtisaga; höfundur lætur
sér staðfræði og sannfræði í léttu rúmi liggja og sýnir
konungum og höfðingjum algert virðingarleysi. Tvær
drápur fylgja útgáfunni auk nokkurra þátta, einkum úr
Flateyjarbók.
430 bls. + 12 myndasíður
Hið íslenska fornritafélag
D F
Kaupthinking
Bankinn sem átti sig sjálfur
Þórður Snær Júlíusson
Kaupthinking er saga um breyskleika valdamikilla
athafnamanna og undirmanna þeirra sem olli gríðar-
legum skaða. Þetta er saga um ofmetnað og græðgi,
blekkingar og svik, ris og fall. Einstök bók um það sem
gerðist á bak við tjöldin í einu sögulegasta gjaldþroti
heims með upplýsingum úr innsta hring.
371 bls.
Veröld
D
Kirkjur Íslands 29
Skálholtsdómkirkja
Ritstj.: Þorsteinn Gunnarsson og Jón Torfason
Kirkjur Íslands er grundvallarrit um friðaðar kirkjur á
Íslandi þar sem horft er á þær frá sjónarhóli byggingar-
listar, stílfræði og þjóðminjavörslu. Í þessu bindi er
fjallað um Skálholtsdómkirkju.
280 bls.
Hið íslenska bókmenntafélag, Þjóðminjasafn Íslands,
Minjastofnun Íslands og Biskupsstofa
D
Kirkjur Íslands 30
Hallgrímskirkja í Saurbæ á Hvalfjarðarstönd
Ritstj.: Þorsteinn Gunnarsson og Jón Torfason
Kirkjur Íslands er grundvallarrit um friðaðar kirkjur
á Íslandi þar sem horft er á þær frá sjónarhóli bygg-
ingarlistar, stílfræði og þjóðminjavörslu. Í þessu bindi
er fjallað um Hallgrímskirkju í Saurbæ á Hvalfjarðar-
strönd.
133 bls.
Hið íslenska bókmenntafélag, Þjóðminjasafn Íslands,
Minjastofnun Íslands og Biskupsstofa
D
Kirkjur Íslands 31
Ritstj.: Þorsteinn Gunnarsson og Jón Torfason
Kirkjur Íslands er grundvallarrit um friðaðar kirkjur á
Íslandi þar sem horft er á þær frá sjónarhóli byggingar-
listar, stílfræði og þjóðminjavörslu. Þetta síðasta bindi
ritraðarinnar geymir yfirlitsgreinar og skrár sem taka til
ritverksins í heild.
372 bls.
Hið íslenska bókmenntafélag, Þjóðminjasafn Íslands,
Minjastofnun Íslands og Biskupsstofa
E
Íslenskar rúnir
1000 ára saga
Teresa Dröfn Freysdóttir Njarðvík
Áður en latneskt skrifletur og bókmenning barst í
Norðurálfuna voru rúnir notaðar sem letur. Á Íslandi
voru rúnir notaðar frá landnámi og áfram fram undir
19. öldina miðja. Hér þróaðist sér íslenskt rúnakerfi sem
hélt velli langt fram eftir öldum. Rakin er í stuttu máli
saga og þróun hinna íslensku rúna, notkun þeirra og
menningarlegt gildi.
52 bls.
Almenna bókafélagið
D
Íslenskir heyskaparhættir
Bjarni Guðmundsson
Mannfrekir heyskaparhættir hér á landi höfðu lítið
breyst í rás aldanna þar til vélar komu til sögunnar á
tuttugustu öldinni, og tækninni fleygði síðan svo hratt
fram að nú á dögum snertir mannshöndin vart heyið.
Í þessari bók eru helstu atriði þeirrar sögu rakin. Hún er
systurbók Íslenskra sláttuhátta sem komu út árið 2015.
346 bls.
Hið íslenska bókmenntafélag og Bókaútgáfan Opna
G
Íslenskt lýðræði
Starfsvenjur, gildi og skilningur
Ritstj.: Vilhjálmur Árnason og Henry Alexander Henrysson
Í bókinni er íslenskt lýðræði skoðað út frá siðfræði,
sagnfræði, stjórnmálafræði, stjórnsýslufræði, fjölmiðla-
fræði og menntaheimspeki. Áhersla er lögð á að greina
starfshætti og stefnumótun í ljósi hugmynda rökræðu-
lýðræðis. Ritið er framlag til þess að bæta lýðræðislega
stjórnarhætti svo að endurheimta megi traust á stjórn-
málum og stofnunum fulltrúalýðræðisins.
280 bls.
Háskólaútgáfan
G
Jane Austen og ferð lesandans
Skáldkonan í þremur kvennagreinum samtímans
Alda Björk Valdimarsdóttir
Verk Jane Austen hafa aldrei verið vinsælli en nú og
ekki sér fyrir endann á þeim skáldsögum og kvik-
myndum sem sækja í þau. Í Jane Austen og ferð lesand-
ans er kannað hvernig ímynd Austen lifir áfram innan
þriggja kvennagreina sem njóta gríðarlegrar hylli, þ.e. í
ástarsögum, skvísusögum og sjálfshjálparritum.
464 bls.
Háskólaútgáfan
G
Jarðvegur
Myndun, vist og nýting
Þorsteinn Guðmundsson
Bókin er í senn almennt fræðirit þar sem leitast er við
að vitna í nær allar heimildir um íslenskan jarðveg á
síðustu áratugum og um leið grundvallarrit til kennslu
í jarðvegsfræði á háskólastigi. Hún er jafnframt hand-
hægt og aðgengilegt uppsláttarrit fyrir þá sem koma að
ákvörðunartöku um skipulag og nýtingu lands og alla
sem hafa áhuga á náttúru íslands.
224 bls.
Háskólaútgáfan
62
Fræði og bækur almenns efnis