Bókatíðindi - 01.12.2018, Síða 33

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I Endurútgáfa B Ó K A T Í Ð I N D I 2 0 1 8
E F
Átta fjöll
Paolo Cognetti
Þýð.: Brynja Cortes Andrésdóttir
Einstæð saga um sterka og einlæga vináttu tveggja
drengja með ólíkan bakgrunn, uppvöxt þeirra og sam-
band sem þróast í áranna rás. Þótt leiðir þeirra skilji og
Bruno verði um kyrrt í fjöllunum en Pietro flakki um
heiminn slitnar bandið sem tengir þá aldrei. Átta fjöll
hlaut Strega-verðlaunin, virtustu bókmenntaverðlaun
Ítala, árið 2017.
233 bls.
Forlagið – Mál og menning
E
Áttunda dauðasyndin
Rebecka Aldén
Þýð.: Sigurður Þór Salvarsson
Áttunda dauðasyndin er spennusaga um hluti sem við
viljum halda leyndum, um mannlegan breyskleika og
skelfileg leyndarmál.
Nóra er vinsæll álitsgjafi, rithöfundur og fyrirlesari.
Hennar skilaboð eru að allir geti orðið hamingjusamir
og náð árangri í lífinu. Það gerði hún nefnilega sjálf fyrir
tíu árum, eftir að hún datt ofan af sjöundu hæð og var
næstum dáin. Hægt og bítandi eltir fortíðin hana uppi.
Kannski var það sem gerðist fyrir tíu árum ekkert slys?
336 bls.
Drápa
C
Bak við luktar dyr
B.A. Paris
Þýð.: Ingunn Snædal
Lesari: Álfrún Helga Örnólfsdóttir
Allir þekkja pör á borð við Jack og Grace. Hann er
myndarlegur og heillandi, hún glæsileg og hæfileikarík.
Þau eru vel stæð og heimili þeirra óaðfinnanlegt. Þig
langar ekki endilega til að láta þér líka við þau en annað
er ekki hægt. Þú vilt kynnast Grace betur. Það er þó
erfitt. Af því að þau eru óaðskiljanleg. Sumir myndu
kalla það sanna ást. Aðrir myndu furða sig á því að hún
svarar aldrei símanum og fer aldrei neitt án Jacks.
H 7:35 klst.
Storytel
E F
Beckomberga-geðsjúkrahúsið
Sara Stridsberg
Þýð.: Tinna Ásgeirsdóttir
Þegar Jimmie Darling er vistaður á Beckomberga-geð-
sjúkrahúsinu verður það líka heimur dóttur hans,
Jackie.
Heillandi frásögn eftir einn virtasta höfund Svíþjóðar
þar sem sjúkrahúsið verður táknmynd samfélags sem
reynir að halda utan um þá veiku en líka halda þeim
fjarri.
351 bls.
Bjartur
Skáldverk
Þýdd
E
Afhjúpun Olivers
Liz Nugent
Þýð.: Valur Gunnarsson
„Ég hafði búist við meiri viðbrögðum þegar ég kýldi
hana í fyrsta sinn.“
Eftir þessa nístandi opnunarsetningu er enginn vafi
hver gerandinn er í þessum taugatrekkjandi sálfræði-
þriller. Það er ástæðan að baki sem heillar lesandann á
meðan höfundurinn flettir fagurfræðilega ofan af sann-
leikanum. Hvaða leyndarmál hefur Oliver að fela sem
þolir ekki dagsins ljós og lætur hann gjörsamlega missa
stjórn á sér?
227 bls.
Portfolio Publishing
D
Alein
Mary Higgins Clark
Þýð.: Pétur Gissurarson
Celia fer í siglingu með lúxusfarþegaskipinu Queen
Charlotte. Hún vill forðast sviðsljósið eftir að unnusti
hennar er handtekinn fyrir fjármálasvindl. Um borð í
skipinu ríkir glaðværð en ekki er allt sem sýnist. Sumir
samferðamennirnir sigla undir fölsku flaggi. Einn
daginn finnst stórrík vinkona Celiu myrt og dýrmætu
hálsmeni hennar hefur verið stolið. Celia er staðráðin í
að finna morðingjann en hún áttar sig ekki á því strax
að sjálf er hún í mikilli lífshættu. Æsispennandi met-
sölubók eftir meistara háspennunnar.
270 bls.
Ugla
E
Allt sundrast
Chinua Achebe
Þýð.: Elísa Björg Þorsteinsdóttir
Skáldsagan Allt sundrast eftir nígeríska höfundinn
Chinua Achebe (1930–2013) er talin höfuðrit afrískra
nútímabókmennta. Hún segir sögu hins óttalausa
Igbo-stríðsmanns Okonkwos í upphafi nýlendutímans
þegar ágengir Evrópumenn ógna heimi ættflokkanna á
svæðinu.
Allt sundrast hefur verið þýdd á 58 tungumál og selst
í yfir 20 milljónum eintaka.
272 bls.
Angústúra
33