Bókatíðindi - 01.12.2018, Qupperneq 43

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I Endurútgáfa B Ó K A T Í Ð I N D I 2 0 1 8
E
Homo economicus I
Sigfús Bjartmarsson
Homo economicus I eru ljóðmæli sem fjalla um gleði-
leikinn íslenska fram að hruni og þessa manntegund
sem aðhyllist frjálshyggju og markaðstrú. Einum kann
að finnast ljóðin háð og spott, öðrum öfugmæli, þriðja
skopstæling, fjórða oflof og þar með níð – en eitt er
ljóst að aldrei áður hefur hinu íslenska „hagmenni“
verið gerð viðlíka skil í bundnu máli.
256 bls.
mth útgáfa
E
Hrafnaklukkur
Kristian Guttesen
Hrafnaklukkur er ellefta ljóðabók Kristians Guttesen.
Hún fjallar um mennsku, anda og sjálf.
Áður hefur Kristian gefið út ljóðaúrval og skáldsögu-
þýðingu, en fyrir hana var hann tilnefndur til Íslensku
þýðingaverðlaunanna 2007.
Verk Kristians hafa m.a. verið þýdd á ensku og
úkraínsku.
83 bls.
Bókaútgáfan Deus
G
Hryggdýr
Sigurbjörg Þrastardóttir
Sigurbjörg Þrastardóttir hefur sent frá sér skáldsögur
og ljóð, Hryggdýr er áttunda ljóðabók hennar og skiptist
í fimm hluta. Hér yrkir Sigurbjörg meðal annars um
eilífar tilraunir manneskjunnar til að standa upprétt,
um náttúrukrafta og glæfralega nánd. Ljóð hennar
einkennast af léttleika og hárf ínni myndvísi en undir
niðri kraumar ævinlega dauðans alvara. Hún hlaut Bók-
menntaverðlaun Tómasar Guðmundssonar fyrir skáld-
söguna Sólar sögu og tilnefningu til Bókmenntaverð-
launa Norðurlandaráðs fyrir ljóðsöguna Blysfarir.
80 bls.
Forlagið – JPV útgáfa
G
Fiðrildi í rökkrinu
Magnús Skúlason
Fiðrildi í rökkrinu hefur að geyma safn ljóða þar sem
litið er yfir farinn veg og lífið í öllum sínum tilbrigðum.
Reynsla og innsýn í mannlega tilveru vekja hugrenn-
ingar sem birtast hér á myndrænan, hlýjan og fágaðan
hátt. Höfundur hefur starfað við geðlækningar um
áratugaskeið og hefur áður birt ljóð í blöðum og tíma-
ritum. Þetta er fyrsta ljóðabók hans.
51 bls.
Forlagið – JPV útgáfa
D
Flekaskil
eða nokkrar hugleiðingar út frá jarðfræði og kenningum
Alfreds Wegeners sem hvílir frosinn á miðjum aldri djúpt
í Grænlandsjökli
Lárus Jón Guðmundsson
Hver er sprettan á andlegum akri miðaldra karlmanns
sem skynjar eigin dauðleika handan við hornið? Á
hvaða vegferð er hann? Hvernig líður honum? Verður
jarðarförin fjölmenn?
Ljóðabókin Flekaskil er fjórða bók höfundar.
Flekaskil fæst á www.hugall.is, verð 3690 m.vsk.
Frí heimsending.
72 bls.
Hugall ehf.
G
Fræ sem frjóvga myrkrið
Eva Rún Snorradóttir
Fræ sem frjóvga myrkrið fjallar meðal annars um nær-
fatakaup í sólarlandaferðum, vináttu kvenna, samfarir
og saumaklúbba.
Eva Rún er sjálfstætt starfandi sviðslistakona og ljóð-
skáld. Hún hefur áður sent frá sér tvær ljóðabækur:
Heimsendir fylgir þér alla ævi og Tappi á himninum.
80 bls.
Benedikt bókaútgáfa
D
Haustaugu
Hannes Pétursson
Haustaugu eru ellefta ljóðabók Hannes Péturssonar,
en tólf ár eru liðin frá því han gaf síðast út bók með
frumsömdum ljóðum. Hér yrkir maður sem er síungur
í ljóðmáli sínu og viðhorfi. Hann hvarflar haustaugum
yfir umhverfi sitt og tíma, vekur okkur til vitundar um
aðkallandi mál og minnist genginna vina á ljúfsáran
hátt. Ný ljóðabók frá Hannesi er bókmenntaviðburður
og hvalreki öllum þeim sem unna ljóðlist og íslenskri
tungu.
68 bls.
Bókaútgáfan Opna
D
Hjarta landsins
Ómar Ragnarsson
Myndir: Friðþjófur Helgason
Ómar Ragnarsson reynir hér með nýju hugtaki, ljós-
myndaljóðabók, að fanga þá stórkostlegu og fjölbreyttu
stemningu sem tengsl þjóðarinnar við náttúru landins
hafa skapað gegnum aldirnar. Þótt ljóðin standi fyllilega
undir sér ein og óstudd og myndirnar séu listaverk hver
um sig, skapast órofa heild þegar ljósmyndir og ljóð
mætast í þessari einstöku bók.
Friðþjófur Helgason, helsti samverkamaður Ómars
um áratugaskeið, tók ljósmyndirnar í þessari bók af
sinni alkunnu list.
192 bls.
Tindur
43
Ljóð og leikrit