Bókatíðindi - 01.12.2018, Blaðsíða 44

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I EndurútgáfaB Ó K A T Í Ð I N D I 2 0 1 8
D
Melgras
Birna Guðrún Friðriksdóttir
Birna Guðrún Friðriksdóttir fæddist í Brekku í
Svarfaðardal árið 1924. Hún ólst upp í Hverhóli í sömu
sveit og var húsfreyja á Melum í 3 áratugi.
Í ljóðum hennar kemur berlega í ljós hve íslensk
náttúra, fuglarnir, grösin og blómin stóðu hjarta hennar
nærri. Hún var söngvin og ljóðelsk og ljóð voru stór
hluti þeirra bókmennta sem hún átti og naut. Hún lést
í júlí 2011.
280 bls.
Tindur
G
Mín klukka, klukkan þín
Baldur Gunnarsson
Ljóðabókin Mín klukka, klukkan þín er sjötta bók
Baldurs Gunnarssonar sem hefur getið sér gott orð fyrir
skáldsögur sínar. Í ljóðum hans falla möskvar tungu-
málsins vítt yfir mannheim og ánetja þann sannleik sem
fer oft huldu höfði; hið undraverða í hinu algenga, hið
dýrmæta í hinu látlausa.
230 bls.
Bergó útgáfan
G
Reykjavíkurmyndir
Óskar Árni Óskarsson
„Ef Óskar væri tónlistarmaður … væri hann þá ekki
munnhörpuleikari í blúshljómsveit, sem ætti það til
að breytast í dreymna djasssveit?“ skrifar Jón Kalman
Stefánsson í formála. Ljóðasafn þetta hefur að geyma
úrval ljóða Óskars Árna. Fjölbreytt og fögur ljóðin eiga
það sameiginlegt að fjalla um Reykjavík, stundum á
augljósan og stundum dulmagnaðan hátt.
206 bls.
Benedikt bókaútgáfa
G F C
Rof
Bubbi Morthens
Lesari: Bubbi Morthens
Í þriðju ljóðabók sinni yrkir Bubbi af hugrekki og yfir-
vegun um atburð sem hafði ómæld áhrif á líf hans, reif
niður sjálfsmyndina og sambönd við annað fólk. Rof er
er í senn mögnuð lýsing á sálrænum afleiðingum mis-
notkunar og leit að friði og sátt. Ljóðin eru þarft innlegg
í umræðu samtímans en ekki síst áminning um hve
brothætt við erum, öll sem eitt.
64 bls. / H 15 mín.
Forlagið – Mál og menning
D F
Sálumessa
Gerður Kristný
Sálumessur flytja bæn þeirra sem lifa um að sál þess
látna megi bjargast. Í þessum ljóðabálki er sungin
messa yfir konu sem féll fyrir eigin hendi svo að þjáning
hennar og líf fái ekki að gleymast. Gerður Kristný er eitt
víðlesnasta samtímaskáld okkar og ljóðabálkar hennar
hafa hlotið verðskuldaða athygli innan lands og utan
fyrir meitlað ljóðmál og brýnt erindi.
88 bls.
Forlagið – Mál og menning
E
Í bakkafullan lækinn
Bjarni Bjarnason
Ljóðskáldið Bjarni Bjarnason, fyrrverandi lektor og
leiðsögumaður, yrkir hér um lífið, ástina, guðdóminn
og töfrandi náttúru. Í bakkafullan lækinn er önnur
ljóðabók höfundar. Bókin Brot í bundnu máli, sem út
kom árið 2011, hlaut góða dóma og viðtökur ljóðelskra
lesenda.
42 bls.
Bókaútgáfan Sæmundur
G F
Í huganum ráðgeri morð
Eyrún Ósk Jónsdóttir
Ný ljóðabók frá Eyrúnu Ósk sem hlaut Bókmennta-
verðlaun Tómasar Guðmundssonar árið 2016 fyrir
síðustu bók sína, Góðfúslegt leyfi til sígarettukaupa.
80 bls.
Bjartur
G F
Jökulhvörf
Kári Tulinius
Kári Tulinius sendir að þessu sinni frá sér ljóðabókina
Jökulhvörf. Áður hafa komið út eftir hann skáldsög-
urnar Píslarvottar án hæfileika (2010) og Móðurhugur
(2017). Kári er einn af stofnendum Meðgönguljóða. Í
Jökulhvörfum er ort um mátt náttúrunnar, mennskuna,
ástina og lífið.
56 bls.
Forlagið – JPV útgáfa
D
Kver um kerskni og heimsósóma
Helgi Ingólfsson
Hér er skopast að dægurþrasi líðandi stundar og
stjórnmálamenn teknir á beinið, stundum nokkuð stór-
karlalega, en inn á milli eru alvarlegri ljóð og stökur.
Form ljóðanna er fjölbreytt – kvæði, drápur, limrur,
ferskeytlur, slitrur, sléttubönd – en jafnan fylgt hefð-
bundinni bragfræði, með ljóðstöfum og rími.
192 bls.
Bókaútgáfan Sæmundur
D
Ljóð muna ferð
Úrval úr ljóðum Sigurðar Pálssonar
Sigurður Pálsson
Sigurður Pálsson (1948–2017) var einstaklega hug-
myndaríkt og listfengt skáld og ljóð hans búa yfir sér-
stökum töframætti. Hann var einlægur fegurðarunn-
andi en orti jafnframt af innsæi og næmi um þær flóknu
og stundum sáru tilfinningar sem fylgja því að vera
manneskja. Hér hefur Kristján Þórður Hrafnsson valið
efni úr öllum sextán ljóðabókum Sigurðar. Hann ritar
jafnframt formála og Ragnar Helgi Ólafsson eftirmála.
271 bls.
Forlagið – JPV útgáfa
44
Ljóð og leikrit