Íslenska leiðin - 01.11.2020, Side 22

22
Hvað gerir þú til að slaka á?
Ég vinn í garðinum, prjóna, fer í sund og held matarboð.
Hvert er þitt „guilty pleasure“ sjónvarpsefni?
The Walking Dead – klárlega.
Te eða kaffi?
Kaffi.
Hver er uppáhalds kennslustofan þín?
Oddi 201 – hæfilega stór og björt.
Skemmtileg staðreynd sem fáir vita um þig?
Þegar ég útskrifaðist úr menntaskóla og úr grunnskóla fékk ég verðlaun fyrir
góðan árangur í dönsku – mér fannst það mjööög hallærislegt á sínum tíma en
hef náð sáttum við það með tímanum.
Agnar Freyr
Helgason
Hver er leiðinlegasti áfangi sem þú sast í stjórnmálafræðináminu?
Mér hefur alltaf tekist að finna skemmtilega fleti í námskeiðunum
sem ég hef setið í stjórnmálafræði. Algjörlega hreinskilið svar!
Ef þú mættir búa til og kenna nýjan áfanga, um hvað væri hann?
„Rannsóknir í hagrænni stjórnmálafræði “ sem væri framhaldsnámskeið
af bæði hagrænni stjórnmálafræði og aðferðafræðinámskeiðunum sem
ég hef kennt. Þar myndum við skoða nýlegar rannsóknaraðferðir og beitingu
þeirra við rannsóknir á hagrænum kenningum um stjórnmálaviðhorf
og- atferli, kosningahegðun, stjórnmálastofnanir og opinbera stefnu.
Námskeiðið myndi vera sérstaklega hagnýtt fyrir nemendur sem hafa
áhuga á opinberri stefnumótun, upplýsingamiðlun eða framhaldsnámi í
stjórnmálafræði.
Þú mátt velja einn kennara úr deildinni til að vera með á eyðieyju,
hvern myndir þú velja og af hverju?
Ólafur Þ. Harðarson. Vel lesinn og kann að segja skemmtilegar sögur,
svo manni myndi í það minnsta ekki leiðast veran á eyjunni.
Hvað gerir þú til að slaka á?
Spila, fer í sund og horfi á Man United spila fótbolta.
Hvert er þitt „guilty pleasure“ sjónvarpsefni?
Akkúrat núna er það Love is blind, en ekki hafa það eftir mér.
Te eða kaffi?
Kaffi.
Hver er uppáhalds kennslustofan þín?
Oddi 301.
Skemmtileg staðreynd sem fáir vita um þig?
Ég er mögulega eini háskólakennarinn (í heiminum?) sem hefur grillað þúsund
hamborgara á 90 mínútum.