Árbók Tryggingarstofnunar ríkisins - 01.12.1963, Blaðsíða 15

13
skal það frá gjalddaga greiða dráttarvexti, er séu 1% hærri en hæstu útlánsvextir
banka á hverjum tíma.
28. gr. Framlagi atvinnurekenda, sbr. 23. gr. d., skal jafna niður á þá, sem hafa
í þjónustu sinni launþega, sbr. 31. gr., með iðgjöldum miðuðum við vinnuvikur,
unnar í þjónustu þeirra. Sé um tímavinnu að ræða, telst vinnuvikan 48 stundir.
Iðgjald þetta greiða og bifreiðastjórar, sem aka eigin bifreið í atvinnuskyni. Upphæð
iðgjalds skal ákveðin með reglugerð íyrir eitt ár í senn. í reglugerð skal og ákveða,
hversu meta skuli til vinnuvikna störf foreldra, sem dveljast og starfa á heimilum
barna sinna eða fósturbarna, störf barna og fósturbarna eldri en 16 ára, sem dveljast
og starfa á heimilum foreldra sinna, svo og störf barna, unglinga, gamalmenna og
öryrkja, sem dveljast og vinria hjá vandalausum án verulegrar kaupgreiðslu.
III. KAFLI
Slysatryggingar.
A. Almenn ákvæði.
29. gr. Slys er það samkvæmt lögum þessum, ef maður slasast við vinnu, svo að
hann deyr eða verður óvinnufær, sbr. þó 2. málsgr. 34. gr.
Maður telst vera við vinnu, ef hann er í sendiferðum í þágu atvinnurekstrar eða
í nauðsynlegum ferðum til vinnu og frá, enda sé aðeins um að ræða ferðir, sern farnar
eru samdægurs milli vinnustaðar og heimilis eða matstaðar. Sama gildir um ferðir
sjómanna í erindum í þarfir útgerðarinnar eða fyrir sjálfa sig í erindum, er leiðir
beint af starfi þeirra sem sjómanna.
Til slysa teljast sjúkdómar, er stafa af skaðlegum áhrifum efna, geislaorku eða
öðru hliðstæðu, sem ríkjandi eru í hæsta lagi fáeina daga og rekja verður til vinn-
unnar.
Ákveða skal með reglugerð, að tilteknir atvinnusjúkdómar skuli teljast bótaskyldir
samkvæmt þessum kafla.
30. gr. Þegar að höndum ber slys, sem ætla má bótaskylt samkvæmt þessum kafla,
skal atvinnurekandi, eða hinn tryggði, ef ekki er um atvinnurekanda að ræða, tafar-
laust senda tilkynningu um slysið í því formi, sem Tryggingastofnunin skipar fyrir
um, til lögreglustjóra eða umboðsmanns hans (í Reykjavík til Tryggingastofnunar-
innar). Lögreglustjóri sendir tilkynninguna til Tryggingastofnunarinnar ásantt nauð-
synlegum upplýsingum. Ilinum slasaða eða þeim öðrum, sent gera vilja kröfu til
bóta vegna slyssins, ber að fylgjast með því, að tilkynningarskyldunni sé fullnægt.
og geta þessir aðilar leitað aðstoðar lögreglustjóra, ef atvinnurekandi vanrækir til-
kynninguna. Ef atvik að slysinu eru óljós eða mál ekki nægilega upplýst eða ástæða
til að ætla, að slysið hafi orðið af hirðuleysi eða lélegum útbúnaði, svo og ef Trygg-
ingastofnunin eða annar hvor aðila, atvinnurekandi eða hinn slasaði eða fyrirsvars-
maður hans, óskar þess, skal lögreglustjóri rannsaka málið fyrir rétti.
Ef sá, sem átti að tilkynna slys, hefur vanrækt það, skal það eigi vera því til fyrir-
stöðu, að sá, sem fyrir slysi varð, eða eftirlátnir vandamenn hans, geti gert kröfu
til bóta, ef það er gert áður en ár er liðið, frá því að slysið bar að höndum. Trygg-
ingaráð getur þó ákveðið að greiða bætur, þó að lengri tími líði, ef atvik eru svo
ljós, að drátturinn torveldar ekki gagnaöflun um atriði, er máli skipta.