Læknaneminn - 01.11.1969, Qupperneq 70

60
LÆKNANEMINN
SIGMUNDUR SIGFÚSSON, stud. med.:
Norrœn tengsl í Stokkhólmi
Dagana 10. til 12. október síðastliðinn voru haldnir í Stokkhólmi
fundir í tvennum norrænum samtökum, sem íslenzkir læknanemar eiga
aðild að. Annars vegar var þriðji fulltrúafundur Norræna læknanema-
ráðsins (Nordisk Medicinarrád, NM) og hins vegar þriðji fræðslufund-
ur og aðalfundur Norræna læknakennslusambandsins (Nordisk Federa-
tion för Medicinsk Undervisning, NFMU). Fulltrúi Félags læknanema
á fundum þessum var Sigmundur Sigfússon (II. hluta). Fulltrúi Lækna-
deildar H. 1. á fundum kennslusambandsins var Jónas Hallgrímsson
dósent, sem tók sæti íslands í stjórn þess í stað próf. Tómasar Helga-
sonar.
Á fundi fulltrúa norrænu læknanemafélaganna var m. a. fjallað
um aukningu námslýðræðis við norrænu læknadeildirnar, útgáfu-
starfsemi læknanema og upplýsingadreifingu meðal stúdenta við
ólíkar læknadeildir, menntun læknanema til starfa að verkefnum í
þróunarlöndunum og störf og áætlanir Svíanna þar að lútandi. Einna
merkust var þó samþykkt um að reyna, að breyta NM úr einberum
rabbsamtökum (,,ett kontaktorgan, som bara organiserar prat-
möter“) í samtök, sem starfa á virkan hátt að ákveðnum verkefn-
um. I þessu skyni voru nýkjörnum aðalritara NM, dönskum, fengnir
4 ritarar frá hinum löndunum (nationale sekretarare) honum til
fulltingis. Mauri Johansson, bráðlega cand. med., sem verið hefur
eins konar U Thant norrænna læknanema undanfarin ár, lét þarna
af störfum aðalritara NM og stjórnarmanns í NFMU. Er nokkur
eftirsjá að þessum áhugasama og viðfelldna náunga. Hann reyndist
heppilegur tengiliður milli norrænu læknanemafélaganna fimmtán, m. a.
vegna góðrar kunnáttu sinnar í finnsku, sænsku og dönsku. Mauri kom
til íslands í ágúst 1968 á mót Norræna sumarháskólans. Ræddi
hann þá við nokkra framámenn í F. L., sem buðu honum í Naustið
og Klúbbinn. Á Stokkhólmsfundinum voru honum þökkuð störf í
þágu norrænna læknanema. Töluverðrar gagnrýni gætti engu að síð-
ur á lítt virka starfsháttu NM þessi fyrstu tvö ár, einkum af hálfu
norsku og finnsku stúdentanna. Unphaflegur grundvöllur Norræna
læknanemaráðsins var reyndar aðallega þörfin, sem þótti á. að nor-
rænir læknastúdentar kæmu fram með nokkuð samræmd sjónarmið
á fundum NFMU eftir umræður í sínum hóp. NM var einnig ætlað
að velja einn fulltrúa norrænna læknanema, í siö manna stiórn lækna-
kennsíusambandsins. Nefna ber ennfremur, að NFMU styrkir NM fjár-
hagslega að verulegu leyti. Nú þótti sem sagt full ástæða til að víkka
starfsvið NM út, fara að sinna meir sjálfstæðum verkefnum, láta ekki