Bændablaðið - 07.09.2023, Blaðsíða 64

64 Bændablaðið | Fimmtudagur 7. september 2023
Haustið er komið og með því
göngur og réttir í sveitum landsins
og meðfylgjandi sauðfjár-
sláturtíð. Þess vegna má hvetja
lesendur til að sækja sér ferskt
lamb nú á næstu vikum og njóta
á meðan lambakjötið fæst ferskt.
Þess má geta að ferskt lambakjöt
rýrnar mun minna við eldun en það
sem hefur frosið. Munurinn er allt
að 15% minni rýrnun samkvæmt
nokkurra ára gamalli rannsókn
Matís, þessi munur skilar sér í
safaríkari niðurstöðu sem gleður
flesta. Við notum að þessu sinni
svokallaðan framhryggjarvöðva
sem flestir kalla „rib-eye“, en sem
fyrr þá má nota uppskriftina til
viðmiðunar og velja annan vöðva
henti hann betur.
Notið svo endilega kjöthitamæli
því það er eina örugga leiðin til
að ná bestu mögulegu niðurstöðu!
Fæstir þekkja sólrót, en hún er
afar bragðgott rótargrænmeti sem
einnig kallast ætifíflar, en fleiri
þekkja þá undir dönskuslettunni
„jarðskokkar“. Plantan á uppruna
sinn í Norður-Ameríku en er nú
ræktuð víða um heim.
Stutt íslensk sumur hafa komið
í veg fyrir að plantan hafi verið
ræktuð hérlendis í einhverju magni,
en ræktun í gróðurhúsum ætti að
skila árangri.
Nánar má fræðast um þessa
ágætu matjurt í fróðlegri samantekt
Vilmundar Hansen, sem birtist í
Bændablaðinu 7. febrúar 2020 og
má finna við leit á vefnum.
Best er að byrja á meðlætinu
og sósunni, og enda á því að
steikja kjötið.
Steikt lamba rib-eye
800 g lamba rib-eye
3 msk. olía
100 g smjör
4-5 hvítlauksgeirar, kramdir
3-4 timjan-kvistar
Salt
Nýmulinn svartur pipar
Látið kjötið ná stofuhita áður en
þið hefjist handa við matreiðsluna.
Þerrið bitana, saltið vandlega og
brúnið vandlega í olíu á vel heitri
pönnu. Þegar þið hafið snúið kjötinu
er smjöri, hvítlauk og timjan bætt í.
Ausið smjörinu með matskeið
yfir kjötið á meðan þið ljúkið við að
brúna steikurnar. Færið í ofnskúffu,
piprið og eldið í ofni í 10-15 mínútur,
eða þar til kjarnhiti nær 58 °C.
Takið úr ofninum og látið hvíla í
a.m.k. 10 mínútur áður en þið skerið
í kjötið og berið fram.
Kartöflumús
3 bökunarkartöflur
1 rósmarín-stilkur
3 dl rjómi
50 g smjör
Salt
Skrælið kartöflur og skerið í
jafnstóra bita, setjið í pott með
rósmarín og sjóðið þar til eru mjúkar.
Sigtið vatnið frá, hendið rósmarín
kvistinum og maukið kartöflurnar
í gegnum sigti eða til þess gerða
kartöflupressu.
Sjóðið rjóma í víðum potti á
hægum hita þar til hann hefur
soðið niður um helming. Blandið
kartöflum saman við rjómann, bætið
smjörinu saman við og smakkið til
með salti.
Ofnbökuð sólrót
300 grömm sólrót
2 msk. olía
20 g smjör
Salt
Setjið sólrótina í vatn og skrúbbið
af henni lausan jarðveg og sand.
Yfirborðið er oftast frekar ójafnt og
þess vegna þarf að þrífa hana vel.
Skerið í tvennt og setjið í eldfast
form, kryddið og veltið upp úr
olíunni, bætið smjöri við og eldið í
160 °C heitum ofni í 20-30 mínútur
eða þar til eru mjúkar.
Gufusteiktur blaðlaukur
2 blaðlaukar
3 msk. olía
20 g smjör
4 msk. sojasósa
1 dl vatn
Skerið græna hluta blaðlauksins
frá og skerið rótarendann af.
Eftir stendur hvíti hluti blaðlauksins
og við eldum hann í heilu lagi.
Brúnið vandlega á vægum hita í
olíu og smjöri.
Færið í eldfast mót og bætið
sojasósu við ásamt vatni, lokið
mótinu með álpappír og eldið á 120
°C í 30 mínútur, eða þar til laukurinn
er mjúkur í gegn.
Skerið í 4-5 cm langa skammta
áður en þið berið fram.
Soðsósa
1 hvítur laukur
3 hvítlauksrif
3 msk. skírt smjör
2-3 stilkar timían
3 msk. rauðvínsedik
150 ml rauðvín
200 ml lambabeinaseyði
200 ml nautabeinaseyði
50 g kalt smjör
Sjávarsaltflögur
Nýmulinn svartur pipar
Skrælið og saxið lauk og hvítlauk,
setjið í víðan pott á meðalhita ásamt
timjan og svitið í smjöri. Ath. að
laukurinn má ekki brúnast! Setjið
rauðvínsedik í pottinn og sjóðið
niður, því næst rauðvíni og sjóðið
niður um helming. Þá er bæði
lambabeinaseyði og nautabeinaseyði
bætt í og soðið niður um helming.
Sigtið sósuna yfir í annan pott,
rétt áður en sósan er borin fram er
smjörinu pískað saman við og sósan
smökkuð til með salti, nýmuldum
pipar og e.t.v. ögn af ediki.
MATARKRÓKURINN
Ætlar að verða bóndi!
Hún Sigrún Lind er
sex ára stúlka sem æfir
bæði fimleika og sund
en þykir meðal annars
skemmtilegast að smala.
Nafn: Sigrún Lind
Birkisdóttir
Aldur: 6 ára
Stjörnumerki: Krabbi
Búseta: Fellabær
Skóli: Fellaskóli
Skemmtilegast í
skólanum: Leika úti.
Áhugamál:Fimleikar og
að vera uppi í sveit.
Tómstundaiðkun: Er að
æfa fimleika og sund.
Uppáhaldsdýrið: Kisur.
Uppáhaldsmatur:
Tortilla, pítsa, píta og
pylsur.
Uppáhaldslag:Power með Diljá.
Uppáhaldslitur: Rauður.
Uppáhaldsmynd: Pétur Pan, 101
dalmatíuhundur og refurinn og
hundurinn.
Fyrsta minningin: Leika við
bróður minn.
Hvað er það skemmtilegasta sem
þú hefur gert: Smala og fara í
rush.
Hvað langar þig að verða þegar
þú verður stór: Bóndi.
ERFINGJAR LANDSINS
Setja skal inn tölur frá 1–9, í eyðurn ar. Sama talan má ekki koma fyrir tvisvar í línu lárétt og lóð rétt
- og heldur ekki innan hvers reits sem afmarkaður er af sverari lín um.
SUDOKUÞRAUTIR Bændablaðsins
Þung Þyngst
Létt Miðlungs
Hafliði Halldórsson
haflidi@icelandiclamb.is
Við hvetjum sem flesta til að hafa samband ef ykkur langar að vera með!
Hafið samband: sigrunpeturs@bondi.is
Steikt lamba rib-eye
- fyrir fjóra