Bændablaðið - 07.09.2023, Blaðsíða 45

45Bændablaðið | Fimmtudagur 7. september 2023
Smiðjuvellir 9 300 Akranes 430 6600 akur@akur.is
AKURShús - timbureiningahús
íslensk hönnun
& framleiðsla
Afhent uppsett á byggingarstað eða í einingum
– Við allra hæfi –
„
Kynntu þér
húsabæklinginn
okkar á akur.is
og fáðu
verðáætlun í
húsið þitt
Margar gerðir og
stærðir
„Þórunn er reyndar ættuð héðan
af Skarðsströnd, en okkur bauðst
kaup á þessu landi árið 1997,“ segir
Haraldur.
Hvítlaukurinn stækkar í
samræmi við lífrænan massa
„Við vorum bara með gamalt tún
hér sem alltaf var borinn tilbúinn
áburður á. En á síðustu þremur
árum hefur ekkert verið borið á,
nema við byrjuðum á síðasta ári að
setja moltu, hænsnaskít og þaramjöl
í þessi fyrstu 24 beð sem við vorum
með tilraunaræktunina núna í. Þetta
er liður í því að ræktunin verði
lífrænt vottuð. Á meðan við erum að
undirbyggja ræktunina megum við
nota þessi áburðarefni en ekki þegar
kemur að því að fá sjálfa vottunina,
nema að þau sé viðurkennd sem
slík,“ segir Þórunn.
Hún telur að það taki um tvö til
þrjú ár að byggja upp lífrænan massa
í jarðveginum og þau reikni með að
Dalahvítlaukurinn stækki jafnt og
þétt á hverju ári.
Harður eða mjúkur háls
Að sögn Haraldar skiptast hvítlauks-
tegundirnar í tvo yfirflokka. Annars
vegar „hardneck“ (harður háls) og
hins vegar „softneck“ (mjúkur háls).
Í hvorum flokki fyrir sig séu margar
tegundir eða yrki af hvítlauk.
Hann segir að „hálsinn" í nöfn-
unum vísi til stilksins sem vex upp
frá lauknum. „Harðhálsar“ séu með
stilk sem stafar frá miðju lauksins og
verður stífur við þroska. Laukar með
„mjúka hálsa“ hafi lauf frekar en
miðlægan stilk. Blöðin á „mjúkum
hálsi“ haldast mjúk og sveigjanleg
við þroska og eru þannig veikari
fyrir sterkum vindi. Því sé talið
að „harðhálsa“ hvítlaukur henti
almennt betur fyrir norðlægar slóðir.
„Eftir tilraunir okkar hefur komið
í ljós að „harðhálsa“ gerðin hentar
okkur betur og munum við leggja
aðaláherslu á hana og vera með
fjögur yrki af þeim, en einnig prófa
tvö til þrjú yrki af „mjúkhálsa“
gerðinni,“ segir Haraldur.
Gróðurhús til þurrkunar
Þurrkunin fer fram í gróðurhúsi og
reikna þau með að þurfa að bæta
tveimur húsum við, en laukinn þarf
að þurrka í þrjár til fjórar vikur.
Þau segjast vera með viðskipta-
samning í höndunum við stóran
íslenskan smávörusala, sem sé búinn
að tryggja sér nánast alla uppskeru
næsta árs – en vilja að svo stöddu
ekki gefa upp hver sá aðili er.
„Við værum ekki í þessari stöðu
ef við hefðum ekki fengið stuðning
úr sjóðum sem við leituðum til;
DalaAuði, Brothættum byggðum
og Uppbyggingarsjóði Vesturlands.
Svona verkefni, þótt ekki séu mjög
stór, hafa smitandi áhrif út frá sér í
atvinnulífið og út í sveitirnar.
Við ætlum líka að selja beint frá
býli og til annarra aðila hér í kring,“
segir Haraldur.
Eru hjónin sammála um að bakgrunnur þeirra beggja fari vel saman er kemur
að ræktun hvítlauksins.
Hvítlaukurinn
þarf frjósaman
jarðveg og þrífst illa í
bleytu. Þá þolir hann
ekki illgresi ...“