Póllinn - apr. 2024, Side 19

18
Margret Atwood, rithöfundur er líklega hvað þekktust fyrir bókina sína Saga þernunnar (e. The
Handmaid’s Tale) en hún sagði í viðtali sínu við tímaritið Rolling Stones „We’ve Seen This Before“.
Þar gefur hún til kynna að það sem kemur fram í Sögu þernunnar sé í rauninni ekki nýtt af nálinni
heldur höfum við séð dæmi um þetta í gegnum söguna. Sögu þernunnar má flokka sem feminíska
dystópía en í henni málar Atwood upp samfélag þar sem konur gegna aðalega tveimur hlutverkum,
að bera börn og sjá um þau. Líkamar kvennanna eru í rauninni ekkert annað en tól fyrir karlmenn til
ánægju og nýtingu. Við sjáum dæmi um þetta í raunveruleikanum þar sem að líkamar kvenna eru
notaðir sem pólitískt tól og þá sérstaklega í stríðum þar sem það er fremur algengt að hermenn
misnoti konur til að sýna ákveðið vald yfir þeim og þar með því landi sem þær koma frá. Annað
dæmi um þetta eru lög um þungunarrof í Bandaríkjunum en það er ekki óalgengt að karlmenn taki
ákvarðanir um líkama kvenna og hvaða merkingu þeir bera í samfélaginu.
Það sem allar þessar bækur eiga sameiginlegt er að þær segja okkur sögu. Sögu af samfélagi sem er
fremur óaðlaðandi. Þær vara okkur við því sem koma skal ef við höfum ekki varann á en á sama tíma
þá endurspegla þær söguna okkar. Sagan endurtekur sig alltaf og margt af því sem kemur fram í
þessum bókum hefur gerst, gæti eða mun gerast.