Morgunblaðið - 01.07.2005, Blaðsíða 6

6 FÖSTUDAGUR 1. JÚLÍ 2005
MORGUNBLAÐIÐ
FRÉTTIR
Forystumenn stjórnarandstöðunnar um álitsgerð tveggja lögfræðinga
Kalla eftir skýringum ríkis-
stjórnar og forsætisráðherra
Eftir Örnu Schram
arna@mbl.is
FORYSTUMENN stjórnarandstöðuflokkanna
segja að forsætisráðherra og ríkisstjómin þurfi að
gefa skýringar á ákveðnum atriðum sem fram
koma í álitsgerð lögmannanna tveggja, sem unnin
vai- að beiðni stjórnarandstöðunnar, um minnis-
blað Ríkisendurskoðunar varðandi hæfi forsætis-
ráðherra til að fjalla um sölu Búnaðarbankans til
S-hópsins. Stjómarandstaðan segir að Ríkisend-
urskoðun skuldi einnig skýringar.
Láras Ögmundsson, lögfræðingur Ríkisendur-
skoðunar, sagði í samtali við blaðamann Morg-
unblaðsins í gær að Ríkisendurskoðun myndi að
svo stöddu ekki tjá sig um álitsgerð lögmannanna.
Upplýsingafulltrúi forsætisráðuneytisins sagði
sömuleiðis að Halldór Asgrímsson forsætisráð-
herra myndi ekki tjá sig um álitsgerðina, þegar
blaðamaður leitaði eftir því í gær.
„Alvarlegar athugasemdir"
Ingibjörg Sólrún Gísladóttir, formaður Sam-
fylkingarinnar, segir að í álitsgerðinni komi fram
mjög alvarlegar athugasemdir, annars vegar
varðandi hæfi Halldórs Asgrímssonar og hins veg;
ar varðandi minnisblað Ríkisendurskoðunar. ,,[I
álitsgerðinni] er sett fram sú skoðun að útboð og
einkavæðing ríkisfyrirtækja lúti reglum stjórn-
sýslulaga um hæfi og að Halldóri Asgrímssyni
Magnús Þór Ögmundur Ingibjörg Sólnín
Hafsteinsson Jónasson Gísladóttir
beri, eins og öðrum, að gæta að hæfi sínu. Og enn-
fremur að hann hefði átt að vekja athygli á aðstöðu
sinni þegar S-hópurinn gerði tilboð í Búnaðar-
bankann, bæði vegna vensla og annarra tengsla
við hópinn," segir hún.
„Mér finnst niðurstaðan í álitinu það afgerandi
og athugasemdirnar það veigamiklar að ríkis-
stjórnin hljóti að taka þetta til alvarlegrar skoð-
unar.“ Spurð um næstu skref stjórnarandstöðunn-
ar í þessu máh, segir hún að þau hljóti að ráðast af
viðbrögðum ríkisstjórnarinnar.
Eigi sér fáar málsbætur
Ögmundur Jónasson, þingflokksformaður
Vinstrihreyfingarinnar - græns framboðs, segir
að í álitsgerðinni sé sett fram rökstudd gagnrýni á
vinnubrögð Ríkisendurskoðunar. „í álitsgerðinni
segir að minnisblað Ríkisendurskoðunar taki ekki
til allra þátta, er varða hæfi ráðherra, í tengslum
við sölu á hlut ríkisins í Búnaðai'bankanum til S-
hópsins," segir hann, en í álitsgerðinni eru m.a.
gerðar athugasemdir við að ekki hafi verið tekin
afstaða til tengsla Halldórs við Finn Ingólfsson,
einn helsta forsvarsmann S-hópsins.
Ögmundur segir að menn hafi hingað til stað-
næmst við fjölskyldutengsl Halldórs, en gefið
minni gaum að hinum pólitísku tengslum. „Þeir
sem högnuðust af sölu bankans era innstu koppar
í fjármálabúri Framsóknarflokksins; fjáröflunar-
menn flokksins og nánir samstarfsmenn." Hann
segir að forsætisráðherra og ríkisstjórnin þurfi
m.a. að svara fyrir þessi atriði.
Magnús Þór Hafsteinsson, varaformaður
Frjálslynda flokksins, segir að Halldór Ásgríms-
son eigi sér afskaplega fáar málsbætur í þessu
máh. Álitsgerðin staðfesti það. „Hann er greini-
lega vanhæfur og ég botna ekkert í honum að hafa
ekki sagt sig frá málinu í upphafi. Tengslin era
augljós; bæði fjölskyldutengslin og póhtísku
tengslin. Það er barnalegt að ætla sér að þræta
fyrir það.“
Magnús segir að málið hljóti að verða tekið upp
á Alþingi í haust. Þar verði ríkisstjórnin að svara
fyrir sig. Hann telur einnig að þetta mál hljóti að
verða sent til umboðsmanns Álþingis, þar sem
óskað verði eftir áliti á því hvort Halldór hafi verið
hæfur eða ekki, til að fjalla um sölu Búnaðarbank-
ans til S-hópsins.
Sýknaður af
ákæru um
líkamsárás
HÉRAÐSDÓMUR Reykjaness hef-
ur sýknað karlmann á þrítugsaldri af
ákæra fyrir að kasta ölglasi í höfuð
annars karlmanns á veitingastað í
Kópavogi í janúar á síðasta ári. Sá
sem fyrir glasinu varð fékk skurð á
augabrún og kúlu á enni.
Fram kemur í niðurstöðum dóms-
ins að engin vitni hafi orðið að atvik-
inu og sá sem fyrir glasinu varð sagði
í lögregluskýrslu að einhver hefði
hent glasinu í hann. Fyrir dómi bar
hann hins vegar að hann hefði séð
ákærða kasta ölglasinu í áttina að
honum.
Hins vegar bar hann ekki kennsl á
ákærða inni í dómsal.
Játaði á leið á slysamóttöku að
hafa lent í átökum við mann
í frumskýrslu lögreglu er haft eft-
ir ákærða að hann hafi játað í lög-
reglubifreið á leið á slysamóttöku
Landspítala - háskólasjúkrahúss að
hafa lent í átökum við einhvern mann
og sá hafi átt þetta skilið. Dómurinn
segir hins vegar að sakfelling
ákærða verði ekki einvörðungu reist
á ætlaðri játningu hans í lögreglu-
bifreiðinni.
Ólöf Pétursdóttir dómstjóri
dæmdi málið. Verjandi var Róbert
Árni Hreiðarsson hdl. og sækjandi
Karl Vilbergsson, fulltrúi lögreglu-
stjórans í Kópavogi.
Á annað þúsund lækna þingar
ÞESSA dagana stendur yfir 28. þing
norrænu svæfinga- og gjörgæslu-
læknasamtakanna. Þingið er eitt
fjölmennasta læknaþing sem haldið
hefur verið hérlendis með yfir 1.000
þátttakendum frá 42 þjóðum. Yfir
100 fyrirlesarar frá 12 löndum verða
með fyrirlestra á þinginu sem haldið
er í fjórða sinn í Reykjavík. Sam-
hliða þessu verður viðamikil sýning
á nýjungum tengdum svæfinga- og
gjörgæslulækningum frá á fjórða
tug fyrirtækja. Nota þingfulltrúar
fundahlé til að fræðast um það sem
nýjast er í faginu. Þingið er haldið á
Nordica Hóteli og stendur fram á
sunnudag. Morgunblaðið/Jim Smart
Kreditkortavelta j dkst
um tæpa sjö milljarða
Á FYRSTU fimm mánuðum ársins
jókst kreditkortavelta heimilanna í
landinu um tæpa sjö milljarða króna
miðað við sama tfmabil í fyrra, eða
um 12,5%. Veltan frá janúar til maí á
þessu ári nam 62,9 milljörðum króna,
samanborið við 55,9 milljarða á sama
tíma árið 2004.
Frá þessu er greint í Hagvísum
Hagstofunnar. Aukning á veltu kreditkorta síðustu tólf mánaða er 6,5%
miðað við tólf mánuðina næstu á undan. Fyrstu fimm mánuði ársins jókst
velta debetkorta um 27% en tólf mánaða aukning er 20%.
Landsmenn juku einnig kreditkortanotkun sína erlendis. Frá janúar til
maí á þessu ári jókst veltan um 20% frá sama tíma árið áður, eða úr 8,1
milljarði í 9,7 milljarða á þessu ári.

meo unDiRLeiK »
20 íSLensKum uppáHau>SLöGum

VeRÐ
ncönGu Fáara.eGiR HJá ous!)
Of snemmt að
ræða um einstaka
virkjanakosti
RÆTT hefur verið við Landsvirkjun
og Hitaveitu Suðurnesja um orku-
sölu vegna hugsanlegrar stækkunar
álversins í Straumsvík en of snemmt
er að segja til um hugsanlega virkj-
unarkosti.
I Morgunblaðinu í gær var greint
frá því að Alcan á íslandi og Orku-
veita Reykjavíkur hafa undirritað
samkomulag um að Orkuveitan út-
vegi 200 MW komi til stækkunar á
álverinu í Straumsvík, sem sé tæp-
lega helmingur af orkuþörf vegna
stækkunarinnar. Rætt hefði verið
við Landsvirkjun og Hitaveitu Suð-
urnesja um hvort fyrirtækin geti út-
vegað þá orku sem upp á vantar. Síð-
ast var fundað í fyrradag, sama dag
og skrifað var undir samkomulagið
milli Alcan og OR.
Engar formlegar viðræður
Að sögn Friðriks Sophussonar,
forstjóra Landsvirkjunar, hafa eng-
ar formlegar viðræður farið fram
heldur hafi fyrirtækin eingöngu
skipst á upplýsingum. Alcan hafi
greint frá sínum áætlunum og
Landsvirkjun gert grein fyrir þeim
virkjunarkostum sem séu fyrir
hendi. Friðrik sagði að virkjunar-
heimildir Landsvirkjunar væra fyrst
og fremst við Þjórsá og Tungná.
Júlíus Jón Jónsson, forstjóri Hita-
veitu Suðumesja, sagði að á fundum
með Alcan hefði í raun ekki verið
mikið um að tala þar sem enn væri
langt í að HS gæti útvegað þá orku
sem þyrfti. Enn væri verið að sækja
um rannsóknarleyfi eða bora til-
raunaholur á þeim svæðum sem
helst væri hægt að virkja í þessum
tilgangi.
Spurður um hvaða svæði kæmu
helst til greina ef af stækkun yrði,
nefndi hann að hugsanlega mætti
bæta við afl Reykjanesvirkjunar en
ákvörðun um það væri þó ekki hægt
að taka fyrr en í fyrsta lagi árið 2008
eða 2009.
Þá væri verið að rannsaka virkj-
unarmöguleika við Trölladyngju og
sótt hefði verið um rannsóknarleyfí í
Brennisteinsfjöllum.