Goðasteinn - 01.09.1966, Page 22

Saga þessarar skógarferðar er enn ekki öll sögð. Viðarbaggarnir
sex, sem áður um getur, lágu einhvern tíma á húsagarði heima, án
þess að reipin væru af þeim leyst. Þá gjörði stórveður á norðan, og
einn bagginn fauk, svo að hann sást ekki meir, ekki ein einasta
hrísla úr honum, cn reipið fannst langt út í hraunum, niður undir
Arnarbælissundi.
Þetta eru þær sagnir, sem ég man, að mynduðust um þessa skóg-
arferð og ég hlustaði á eða varð sjónarvottur að á -bernskudögum
mínum. Það hafði ekki heyrzt, að þarna væri álagablettur.
☆ ☆ ☆
Brot úr viðlagskvæði
Krumminn á skjánum, kallar hann inn:
„Gef mér bita af borðum þínum, bóndi minn“.
Bóndinn svarar, býsna reiður:
„Burtu farðu, krummi leiður.
Lízt mér að þér lítill heiður,
ljótur ertu á tánum,
krumminn á skjánum,
nema þú sért í svörunum greiður
og segir mér tíðindin".
Gef mér bita af borðum þínum, bóndi minn.
Krumminn á skjánum, kallar hann inn:
„Gef mér bita af borðum þt'num, bóndi minn.
í morgun, þar sem vítt um velli,
var ég citt sinn snemma á felli,
hálfdauðan ég sá á svelli
sauðinn liggja á knjánum
- krumminn á skjánum -
þá var sem mér flísin félli
og fengin máltíðin.
Gef mér bita af borðum þínum, bóndi minn“.
Eftir handriti frá urn 1860.
20
Goðasteinn