Goðasteinn - 01.09.1966, Síða 31

gengnisárum, er svo merkum áfanga hefur verið náð, er svo margir
sigrar hafa unnizt og er svo vel hefur tekizt að bæta svo mörg
,,harmasár hins horfna", skuli heyrast raddir, er tala niðrandi um
landið ckkar. Þessar raddir hjala gjarna um, að ísland sé á mörkurn
hins byggilega heims og því hljóti öll afkoma þjóðarinnar ætíð að
verða ótrygg og erfið. Sem betur fer, er þetta argasti misskilningur,
því að að bæði gæði lands og sjávar eru það mikil og fjölbreytileg,
að jafnvel er leitun á öðru eins í miklu suðlægari löndum. Því er
samt ekki að neita, að um margt hefur landið verið grátt leikið
af mönnum á ýmsum tímum, og margt stendur til bóta. Á því leik-
ur enginn vafi, að með margvíslegri ræktun, friðun og verndun má
gera landið miklu notadrýgra og verðmætara en það er í dag.
Það eru því mörg og aðkallandi verkefni framundan, sem koma
til með að hafa heilladrjúg áhrif á þjóðlífsþróun í landi okkar, ef
við vinnum vel. Sum þessara verka eru aðeins hafin, önnur bíða
þess að bjartsýn og dugmikil þjóð, er trúir á landið og köllun sína,
hcfjist handa í náinni framtíð.
Lífskjör þjóðar okkar hafa tekið svo stórfelldum framförum síð-
ustu áratugina, að allur samanburður þess, sem er, við það, scm
var, er næsta erfiður og óraunverulegur. Unga fólkið okkar á afar
bágt með að setja sig inn í óblíða lífsbaráttu genginna kynslóða og
alla aðbúð, nema afla sér fyrst mikillar þekkingar og beita síðan
ímyndunarafli í ríkum mæli. Þessi breyting hefur og gengið svo
hratt yfir, að ævintýri er líkast. Með því að taka nærtækt dæmi, sem
ekki fyrir löngu hefði þótt þjóðsögu líkast, þá rná fullyrða, að enginn
svelti á íslandi í dag og að enginn þurfi að bera kvíðboga fyrir
næsta degi, hvað snertir brýnustu lífsnauðsynjar. Ríkuleg samhjálp
og gagnkvæm tryggingarstarfsemi þjóðfélagsþegnanna veitir öllum
það öryggi, að nú þarf enginn að óttast að verða úti milli bæja.
Sú mikla atvinnubvlting, er nútíma véltækni og kunnáttusemi lands-
manna hratt af stað, hefur gjörbreytt öllu þjóðlífi okkar á svip-
stundu og skipað okkur í sveit mestu velmegunarþjóða heimsins.
Kunnáttan, tæknin og gæði landsins eru undirstöður hinna góðu
lífskjara. Á miklum umbrotatímum, er gengið hafa yfir þjóðfélag
okkar, hafa skapazt margar andstæður og átök orðið um skiptingu
Goðasteinn
29