Goðasteinn - 01.09.1966, Side 49

Ljósm.: Albert ]óhannsson frá Teigi.
bjó til dauðadags, 1730. Þarna mun að finna það fólk, sem þjóð-
sagan hefur að uppistöðu í vef sínum.
Þjóðsagan er á þessa leið: Einu sinni var sýslumaður í Rangár-
vallasýslu, sem giftist auðugri og mikilsháttar konu. Þau byggðu
eina sæng brúðkaupsnótt sína og aldrei síðan. Um morguninn heimti
brúðguminn hesta sína og reið brott af bænum. Ekki var gerður
skilnaður með þeim hjónum. Sýslumaðurinn bjó á Lambalæk en
kona hans í Teigi. Þau áttu jarðeignir austur undir Eyjafjöllum og
austur í Mýrdal og urðu aldrei ásátt um skiptingu leigna og land-
skulda. Lagði frúin mikið kapp á að verða á undan bónda sínum
með innheimtu þeirra. Fór hún sjálf í þær fjárheimtur.
Nú var það einhvern tíma, að ein slík ferð var fyrir höndum.
Frúin fékk fylgdarmann á Torfastöðum. Hafði sá búið við konu-
ríki venju fremur. Votviðri voru á og vöxtur í vötnum. Ekki segir
af ferð þeirra, fyrr en kom austur að Skógaá undir Eyjafjöllum,
sem þá var í óðavexti. Reið frúin fyrir út í ána, sem var dýpri en
hún hugði. Losnaði hún við hestinn í aðalálnum og beið þar bana.
Hcfur það ekki skeð í Skógaá fyrr né síðar, svo menn viti. Fylgdar-
Goðasteinn
47