Goðasteinn - 01.03.1967, Page 81

að leggja nokkuð af mörkum, svo að okkur farnist vel í sambúðinní
við landið okkar.
Þá er annað erindi af skyldum toga, sem mér liggur á hjarta þessa
hátíðisdaga náttúrunnar og er einnig snar þáttur í sambúð okkar
við landið. Öll erum við sammála um, að ljót og hirðuleysisleg.
umgengni hæfi ekki fögru umhverfi og eigi raunar hvergi við á
landi okkar. En hver hefur ekki séð gapandi skurði og sundur-
tætta jörð meðfram þjóðvegum landsins? Hver hefur ekki séð illa
hirtar og ófrágengnar lóðir umhverfis mannabústaði? Hver hefur
ekki séð illa máluð og vanhirt hús bæði í sveitum og kaupstöðum?
Hver hefur ekki séð skakkar og skældar og hálffallnar girðingar
umhverfis tún og haga? Hver hefur ekki séð pappír, blikkdósir,.
flöskubrot og hvers kyns annað rusl óprýða jörðina og það ekki
sízt á fögrum og fjölsóttum stöðum?
Ég hygg að svarið sé á eina leið. Við vitum að mjög skortir á,.
að umgengnisvenjur fjölmargra séu nægilega góðar. En því minnist
ég á þetta hér, að ég veit, að hér eru margir saman komnir, sem
betur vilja gera. Ég veit, að hér eru margir, sem leggja vilja hönd á
plóginn og hefja úrbætur. Við viljum öll gera ísland að grónara,
betra og fegurra landi en það er nú. Þetta getum við gert, og ár-
angurinn verður því betri sem fleiri standa saman. Hér er vissu-
lega hugsjón og verkefni fyrir Rótaryfélag Rangæinga og önnur
menningarleg félagssamtök til að starfa fyrir. Stöndum samanf
Hefjumst handa, í orði og athöfn! Vinnum til heilla fyrir land og
þjóð!
(Ávarp flutt á stofnhátíð Rótaryfélags Rangæinga að Hvoli
19. júní 1966).
Goðasteinn
79-