Goðasteinn - 01.03.1972, Síða 79

að Mosfelli og fékk það prestakall við uppgjöf hans 24. nóv. 1798,
en skipti á því og Reynisþingum, 20. okt. 1801, við sr. Markús
Sigurðsson, sem þá flutti að Mosfelli, en sr. Auðunn fór ekki til
Reynisþinga, heldur hafði brauðskipti við síra Sigurð Ögmunds-
son í Krossþingum í Landeyjum og Reynisþingum í Mýrdal og
flutti Sigurður þangað en sr. Auðunn að Krossi. Það var 14. apríi
1802 að sr. Auðunn flutti að Krossi.
Þar cr hann prestur til 1811, en þá eru honum veitt Selvogsþing,
cfiaust eftir eigin ósk. Fer þó ekki þangað, heldur fær skipti á
Krossþingum og Landþingum 1. okt. sama ár og flytur að Stóru-
Völlum á Landi vorið 1812, fylgdi því brauði þá þrjár kirkjur,
Stóru-Vellir, Stóri-KIofi og Skarð. Þar er séra Auðunn prestur
í fimm ár, eða til 8. ágúst 1817, að hann drukknar í Ytri-Rangá
á Snjallsteinshöfðavaði, var hann á leið suður í Landeyjar, að
heimsækja sín gömlu sóknarbörn, hafði verið beðinn að skíra
barn. Ef til vill hefur prestur líka ætlað að biðja Landeyinga að
fóðra fyrir sig kú um veturinn, því grasleysi var þetta sumar.
Ekki er greint með hverjum hætti, að prestur fórst í ánni,
líklega fallið af hestbaki, því ekki var um ferju að ræða, enda
Rangá ekkert stórvatnsfall þarna. Ekki fannst lík prests, fyrr en
löngu seinna að sagt er að fyndist annað stígvél hans með rista-
beinum í, en hvar veit ég ekki.
Islenzkar æviskrár lýsa sr. Auðuni Jónssyni þannig: „Hann var
gáfumaður og ágætur kennimaður, fjörmaður mikill, hestamaður,
snar og frækinn, hraustur að afli og glímumaður ágætur, en
hneigður til drykkju“, og er þar kannski að finna ástæðuna fyrir
slysadauða hans.
Kona sr. Auðuns, (5.júlí 1799), var Sigríður (d. 13. jan. 1834)
Magnúsdóttir á Indriðastöðum í Skorradal, Árnasonar. Börn þeirra
cr upp komust:
a. Vigdís, átti Vigfús Gunnarsson frá Hvammi á Landi, var hún
fyrri kona hans. Fluttust þau að Grund í Skorradal og bjuggu
þar, er frá þcim komin ætt sú er enn býr þar, (um 1960).
b. Gróa Auðunsdóttir átti Stein Steinsson í Bakkakoti.
c. Guðrún Auðunsdóttir átti Ólaf hreppstjóra að Núpi í Fljóts-
hlíð, Einarsson frá Skógum, Högnasonar.
Goðastehin
77