Goðasteinn - 01.06.1978, Blaðsíða 11

um var hafður í milliskyrtur og millipils. Þetta var jafnan með alla-
vega litum. Einskefta var ofin í svuntudúk.
Kembukassar eða lárar voru hafðir undir ull við kembingu og
spuna.
I baðstofunni var ofn og hvergi annarsstaðar í híbýlum manna
þar í nærsveitum Þingeyjarsýslu. Þetta var í tíð Helgu og Kristjáns.
Einu sinni kom upp eldur frá ofnpípunni. Höfðu þau húsbændurnir
Kristján og Helga, riðið til kirkju að Hálsi með öllu vinnufólki
sínu.. Eftir voru aðeins börnin. Var Þóra, síðar húsfreyja á Víði-
völlum og Espihóli þá 14 ára og elst. Fór hún með yngri börnin í
útihús. Stærri krakkarnir fóru á móti messufólkinu og mættu því
hjá Langhóimi. Var þar saman margt kirkjufólk af bæjum í kring
og tókst brátt að að slökkva, en í bænum voru þrjár sviðnaðar
fjalir.
Hefiíbekkurinn var í miðbaðstofunni undir glugga, rennismiðjan
var hinum megin á móti og þar voru rúmin, engin á hinni hliðinni.
I hjónahúsinu voru fjögur rúm og rúm voru einnig í innstu bað-
stofunni.
Ur bæjargöngunum var gengið inn í búr og eldhús, sem lá innar
cn búrið. 1 göngunum voru tvær skellihurðir til að varna kulda.
Innangengt var frá eldhúsi í taðkofann, sem var stórt hús og kall-
aður eldaskemma. Búr voru tvö, stórabúr og litlabúr. I stórabúri
var skyrið gert upp. Það mesta, sem Helga man eftir af súru skyri
undan sumri, var 13 tunnur en vanalega minna. Skyrkeröldin voru
tveggja tunnu ílát. Smjör var geymt í kistu fyrst þegar Helga man
cftir. Sýrutunnur og sláturmatur var í stórabúri. Saltketið var geymt
í litlabúri. Það var venja hjá Skúla og Elísabetu að leggja fjórar
saltketstunnur til heimilisins. Ein átti að duga til jóla, önnur til
sumardagsins fyrsta, þriðja til sláttarins og sú fjórða um sláttinn.
Farið var úr eldhúsinu bakatil í hlöðuna og svo haldið áfram
eftir svolitlum gangi og þaðan í fjósið. Lengra áfram var salerni
og renna frá því í for þar úti fyrir, sem hellt var í skolpi öllu og
hlandi. Svo var gengið úr fjósinu nokkurn veg og varð þá fyrir
mjólkurskemma, þar sem mjólkin og skyrið var haft á sumrin.
Mjólkin var sett í bala og tappi í. Trog sá Helga þá fyrst, er hún
kom á Suðurland. í áframhaldi af mjólkurskemmunni var brunn-
húsið og langur gangur á milli. Brunnurinn var 18 álna djúpur.
Goðasteinn
9