Goðasteinn - 01.06.1978, Síða 58

að allt það göfugasta og besta í landinu væri nú samankomið undir
sínu þaki, nema hinn góði vinur hans, Banquo, væri enn ókominn.
Samt kvaðst hann vona að fremur þyrfti að ávíta hann fyrir van-
rækslu en að hryggjast yfir því að eitthvað hefði komið fyrir hann.
I þeirri andrá sem hann mælti þessi orð, gekk svipur Banquos, þess
er hann hafði látið myrða, inn í salinn og fékk sér sæti á stól við
veisluborðið, þar sem Macbeth hafði verið í þann veginn að setjast.
Þótt Macbeth væri hugdjarfur maður og treysti sér jafnvel til að
standa óttalaus frammi fyrir sjálfum djöflinum, þá náfölnaði hann
við þessa skelfilegu sýn og stóð sem lamaður og starði á drauginn.
Kona hans og gestirnir, sem ekkert sáu óvenjulegt, tóku eftir því
að hann horfði fast á auðan stólinn að því er þeim virtist og töidu
víst að eitthvað hefði komið yfir hann, er gerði hann svo utan við
sig. Drotnningin ávítaði hann í hljóði og hvíslaði að honum að
þetta væri sama ímyndunarveilcin og þegar hann þóttist sjá rýting
í loftinu um nóttina, sem hann myrti Duncan konung. En Macbeth
hélt áfram að horfa á vofuna og gaf engan gaum að orðum þeirra.
Síðan tók hann að ávarpa drauginn með sundurlausum orðum, en
þó svo augljóslega að drottningin óttaðist að hið skelfilega leyndar-
mál kynni að komast upp, svo að hún sendi gestina brott í miklum
flýti og afsakaði það með lasleika konungs, sem hann ætti vanda
til.
Þessar voðalegu ofskynjanir komu oft yfir Macbeth og þungir
draumar þjökuðu bæði hjónin, en samt var það ekki morðið á
Banquo, sem olli þe.im mestum sálarkvölum, heldur það, að Fleance
skyldi komast undan, en þau litu á hann sem ættföður nýrrar kon-
ungsættar í landinu og þar með mundu afkomendur þeirra verða
útilokaðir frá hásætinu. Sakir þessara ömurlegu hugrenninga fundu
þau engan frið og Macbeth ákvað þá að leita e.inu sinni enn á fund
nornanna og fá að vita allan sannleikann, hversu beiskur sem
hann kynni að verða. Hann hitti á þær í helli einum á heiðum
uppi og þar sem þær vissu af hyggjuviti sínu að von væri á honum,
voru þær önnum kafnar við að undirbúa hinn hræðilega seið, sem
þær beittu til að særa upp anda úr undirheimum og láta þá segja
fyrir um ókomna atburði.
H.ið hryllilega innhald í galdrabruggi nornanna var sett saman
úr froski, leðurblöku og höggormi, ferfætluauga og hundstungu, eðlu-
56
Goðasteinn