Goðasteinn - 01.06.1978, Page 96

son nú bónda á Brekkum í Holtum: „Ef staðið er uppi á Hrúta-
brekku sést í norðri lágur grashóll og liggur garður yfir hann,
Skothóll. Ólafur í Húsagarði hefur sagt mér að Guðmundur Guð-
mundsson skáld og bræður hans hafi kallað þenna hól Kirkjuhvol,
og um hann sé hið alkunna kvæði hans, ,,Hún amma mín það sagði
mér“, o. s. frv.“ (Handrit í Örnefnastofnun Þjóðminjasafnsins).
Ólafur Sigurðsson var fæddur í Húsagarði 1847, átti þar heima
alla ævi og lést 1933. Hann „var góðum gáfum gæddur og fróður
um marga hluti. Hann var frábærlega næmur og minnugur. - Ætt-
fróður var hann og mundi margt frá fyrri tímum.“ (Isl. sagnaþ. og
þjóðs. XI). Hæpið er að skella skolleyrum við því, sem haft er eftir
slíkum manni, sem auk þess var samtímamaður og nágranni Guð-
mundar skálds.
Fyrir nokkrum árum var þeim, er þetta ritar, sagt frá ummælum
háaldraðrar konu, sem í æsku dvaldi í Hrólfsstaðahelli sumarið
1897, fyrsta búskaparár Sigurbjargar Sigurðardóttur þar, en hún
og synir hennar tóku við jörðinni er Guðmundur faðir skáldsins
flutti þaðan. Kona þessi hét Ólafía Kristrún (1881-1975) Magnús-
dóttir frá Stokkseyri Teitssonar. Hún sagði Guðríði Árnadóttur frá
Hrólfsstaðahelli, sonardóttur Sigurbjargar, að sér hefði verið sagt að
Kirkjuhvoll væri „einhver brekka“ rétt hjá eða „fyrir neðan“ Skot-
hól. (Sögn Guðríðar 11. 11. 1970).
I Árbólc Ferðafélags Islands 1966 ritar dr. Haraldur Matthíasson:
„Uppi á túninu er dálítill hóll og graslaut norðaustan við. Nefnist
hann Kirkjuhvoll“. Báðir þessir höfundar fullyrða meira en var-
kárir heimamenn, sem kalla hólinn ævinlega Skothól, enda mun það
vera gamalt örnefni. En líkurnar á því að Skothóll sé Kirkjuhvoll
eru óneitanlega mjög sterkar.
17. júní 1976.
94
Goðasteinn