Sveitarstjórnarmál - 2021, Blaðsíða 24

24
strengi á uppbyggilegan og hvetjandi hátt.
Mikilvægt er að við nýtum niðurstöður
þeirra rannsókna og kannana sem lagðar
eru fyrir árlega innan skólasamfélagsins
og gefa til kynna þær áskoranir sem við
stöndum frammi fyrir á hverjum tíma.
Þannig gefst okkur einstakt tækifæri til að
stilla saman strengi og standa vörð um
það sem vel er gert en einnig að sýna
menntun og líðan barnanna okkar áhuga,
koma sjónarmiðum á framfæri og leita
leiða til umbóta öllum til góðs.
Ef við gerum ekkert þá breytist
ekkert
Það skiptir okkur öll máli að börnunum
okkar líði vel, þeim vegni vel og þau
nái árangri í bæði leik og starfi og á
sínum forsendum. Að því sögðu er
upplýsingagjöf til foreldra ekki það
sama og samtal, auk þess sem góður
og uppbyggjandi skólabragur verður
heldur ekki til af sjálfu sér. Starfsumhverfi
kennara og nemenda varðar okkur öll
sem myndum skólasamfélagið sem og
vísbendingar og niðurstöður kannana um
líðan og hagi barna og ungmenna hverju
sinni.
Ábyrgðin er allra
Hér deilum við nefnilega öll ábyrgð og
því brýnt að við sýnum hana í verki. Fyrst
þá náum við árangri og vörðum leiðina
að öflugu, styðjandi og góðu skólastarfi
með hagsmuni barna og ungmenna og
samfélagsins alls að leiðarljósi.
SVEITARSTJÓRNARMÁL
Meðferð eineltismála og erfið samskipti í
grunnskólum
Á vef Umboðsmanns barna var í sumar fjallað um meðferð
eineltismála og erfið samskipti í grunnskólum. Margar
ábendingar hafa borist embættinu vegna þessa og í upphafi
júnímánaðar sendi umboðsmaður barna ásamt Sambandi
íslenskra sveitarfélaga, Grunni, félagi fræðslustjóra og
stjórnenda skólaskrifstofa, Félagi grunnskólakennara,
Skólastjórafélagi Íslands og Heimili og skóla bréf til mennta- og
menningarmálaráðuneytisins vegna þeirra mála.
Í bréfinu kemur m.a. fram að mikilvægt sé að börn geti á fyrstu
stigum máls leitað til hlutlauss aðila sem hefur það hlutverk að
gæta hagsmuna þeirra þegar eineltismál koma upp innan skóla.
Það getur einnig stuðlað að því að fyrirbyggja erfið samskipti
milli barna og/eða foreldra þeirra annars vegar og starfsfólks og/
eða stjórnenda skóla hins vegar. Hinn hlutlausi aðili myndi m.a.
stuðla að því að mál séu strax tekin til meðferðar á viðeigandi
hátt, sem er til þess fallið að fyrirbyggja samskiptavanda milli
aðila máls en algengt er að slíkur vandi myndist milli skóla og
foreldra og á þá oft rætur sínar að rekja til óánægju foreldra
með fyrstu viðbrögð skóla.
Einnig er bent á mikilvægi þess að skólar fái frekari stuðning
við gerð eineltisáætlana, en algengt er að skólar leiti til fagráðs
eineltismála með slíkar beiðnir. Fagráðið veitir eingöngu
ráðgefandi álit ef ekki hefur tekist að finna fullnægjandi lausn á
eineltismálum innan skóla eða sveitarfélags eða vegna meints
aðgerðaleysis sömu aðila. En ráðgjöf ráðsins er því sjaldan til
þess fallin að stuðla að farsælli lausn málsins.
Lagt er til við mennta- og menningarmálaráðherra að taka
verklag við úrlausn eineltismála til gagngerrar endurskoðunar
í samstarfi við bréfritara. Áhersla verði lögð á að flýta og
bæta meðferð við úrlausn eineltismála og gæta hagsmuna
þeirra barna sem í hlut eiga, með því að tryggja aðgengi að
hlutlausum aðila sem komi að meðferð á fyrstu stigum. Þá verði
einnig komið á aðgerðum sem miða að því að styðja við barnið
innan skólans eftir að eineltismál eða erfið samskipti hafa komið
upp og meðferð þeirra er lokið, til að tryggja velferð barnsins og
farsæla skólagöngu þess.
Mynd: Julia M Cameron / Pexels
Mynd: Mikhail Nilov / Pexels