Sveitarstjórnarmál - 2021, Blaðsíða 29

Stefánsson hafði þá verið sveitarstjóri
í fimm ár, en hann var kosinn á þing
vorið 1995 og því losnaði starfið og var
auglýst. Ég lít á það sem forréttindi að
hafa verið treyst fyrir þessu verkefni
á sínum tíma og svo aftur núna og er
þakklát fyrir það. Þetta er skemmtilegt
starf og ég hef ánægju af því að taka
þátt í samfélagsbreytingum. Störf að
sveitarstjórnarmálum hafa tekið æði
miklum breytingum frá því ég byrjaði
hér 27 ára og það er mjög forvitnilegt að
bera þetta saman. Mér finnst þekking og
fagmennska hafa aukist, og samstaða
sveitarstjórnarfólks meiri, til dæmis á
mínu svæði, Vesturlandi“ segir Björg.
Hugurinn leitaði aftur vestur
Hún segist hafa átt afar ánægjulega
æsku í vaxandi samfélagi þar sem
hafnarbætur og uppgangur í útgerð og
fiskvinnslu héldust í hendur. Skammt varð
þó stórra högga á milli í lífi Bjargar þegar
kom fram á unglingsár. Faðir hennar
lést skyndilega þegar hún var 14 ára.
Og tveimur árum síðar útskrifaðist hún
29
Ég lít á það sem forréttindi
að hafa verið treyst fyrir
þessu verkefni á sínum tíma
og svo aftur núna og er
þakklát fyrir það.
úr grunnskóla í héraði þar sem engan
framhaldsskóla var að finna. Móðir
hennar tók sig þá upp með dætur sínar
þrjár og flutti suður til Reykjavíkur.
Að lokinni útskrift úr Verzlunarskólanum
nam Björg lögfræði við Háskóla Íslands
og útskrifaðist þaðan. Síðan hefur
hún bætt við sig diplóma í opinberri
stjórnsýslu og stjórnun og mastersgráðu í
verkefnastjórnun, MPM.
Hugurinn leitaði sífellt vestur á ný og
Björg og eiginmaður hennar frá unga
aldri fluttu aftur vestur til Grundarfjarðar.
Hún fékk starf sem löglærður fulltrúi
hjá sýslumanninum í Stykkishólmi
og ók daglega á milli, oft við afar
erfiðar aðstæður. Þá var engin brú yfir
Kolgrafafjörð sem var mikið veðravíti og
oft mikill farartálmi að vetri.
Börnin fóru suður og
fjölskyldurnar með
„Ferðirnar hér á milli Grundarfjarðar og
Stykkishólms voru oft æði skrautlegar
og veturinn sem ég ók þar á milli var
afar erfiður, snjóþungt og illviðrasamt.
Þverun Kolgrafafjarðar er frábært
dæmi um hvernig uppbygging innviða
getur haft afgerandi áhrif á samfélög
og búsetugæði því hún fór saman við
stofnun Fjölbrautaskóla Snæfellinga árið
2004. Skólinn er staðsettur í Grundarfirði.
Brúin var tekin í notkun sama ár og var
algjör forsenda fyrir því að unnt er að
halda uppi daglegum skólaakstri á milli
byggðanna. Hið sama gildir um miklar
endurbætur vegarins um Búlandshöfða,
sem lauk 1999.
Fjölbrautaskólinn hefur haft gífurleg áhrif
á þróun samfélaganna á Snæfellsnesi.
Ég er af einni af síðustu kynslóðunum
sem þurfti að fara suður í framhaldsskóla.
Ég kom reyndar alltaf heim á sumrin
þegar ég var í námi og var síðan svo
heppin að fá þetta starf hjá sýslumanni,
gat þannig flutt aftur vestur og nýtt
menntun mína í starfi. En um fjölskyldu
mína gilti það sama og um svo
margar aðrar sem fluttu í burtu á eftir
unglingunum sem fóru í framhaldsnám.
Þetta var mjög algengt á þessum tíma
og allur gangur á því hvort fólk skilaði
sér aftur heim að loknu námi. Það eru
mikil lífsgæði fólgin í því að geta haft
ungmennin heima til 19 ára aldurs og í
dag finnst manni eiginlega óhugsandi að
senda heilan aldurshóp burt af svæðinu
svona ungan, á þessum mikilvægu
mótunarárum. Þetta hefur mikið
uppeldisgildi fyrir fjölskyldurnar og er stórt
fjárhagslegt spursmál. Þú getur ímyndað
þér hvernig samfélagið, til dæmis félagslíf
og íþróttastarf, breytist þegar heill
aldurshópur er fjarverandi stærstan hluta
ársins,“ segir Björg.
Gríðarleg áhrif fjölbrautaskólans
Hún segir að sveitarfélögin á svæðinu
hafi komið sér saman um að knýja á
um stofnun framhaldsskóla á svæðinu
og, þvert á spár, komið sér saman um
staðsetningu hans. Árið 2000 fóru þau
sameiginlega í greiningarvinnu um áhrif
af stofnun slíks skóla fyrir samfélögin og
lögði til að hann myndi nýta sér fjarnám
og þá óhefðbundnar aðferðir til að styrkja
starf hans.
Björg tók virkan þátt í undirbúningi, var
formaður undirbúningsnefndar og átti
ásamt félögum sínum samskipti um
málið við þrjá menntamálaráðherra. Til
að flýta fyrir byggingu skólans stofnuðu
sveitarfélögin fasteignafélag sem byggði
húsnæðið og leigir ríkinu enn þann
dag í dag. Eins og algengt er þegar
samið er við ríkið hefur leigan þó ekki
Allt frá árinu 2006 hafa nýfædd börn í Grundarfirði verið boðin velkomin í heiminn með veglegri
gjöf frá Grundarfjarðarbæ í samstarfi við fleiri aðila. Gjöfin hefur verið kölluð “sængurgjöf
samfélagsins” og er hluti af fjölskyldustefnu Grundfirðinga. Hér eru börn ársins 2019 með
fjölskyldum sínum, í kaffisamsæti á Gamlársdag.
FORSÍÐUVIÐTAL