Sveitarstjórnarmál - 2021, Qupperneq 50

SVEITARSTJÓRNARMÁL
50
þeirrar könnunar er sá grunnur sem
myndar forgangsröðun sameiginlegra
stafrænna verkefna fyrir næsta ár. Nú
eru verkefnatillögur úr þessari könnun
í frekara umfangs-, ávinnings- og
kostnaðarmati fyrir fjárhagsáætlun
samstarfs sveitarfélaga í stafrænni
þróun,“ segir hún.
Þýðir hagkvæmari rekstur sveitarfélaga
þá meðal annars færra starfsfólk?
„Ekki endilega en það er ljóst að
störfin munu breytast rétt eins og
gerst hefur í fyrri iðnbyltingum.
Gæði þjónustunnar munu jafnframt
aukast. Nú fer til dæmis mikill tími hjá
starfsfólki félagsþjónustunnar í alls
kyns pappírsumstang og að leiðbeina
fólki um gagnaöflun. Þegar umsóknar-
og afgreiðsluferli verða stafræn gefst
starfsfólki meiri tími í að sinna faglegri
aðstoð við íbúa og sinna skjólstæðingum
betur en nú er unnt.
Að sama skapi verða öll samskipti íbúa
við sveitarfélög og ríki einfaldari, minni
tími fer í að finna og útvega nauðsynleg
gögn og svo framvegis. Fólk þarf ekki
lengur að mæta inn á þjónustuborð hjá
sveitarfélaginu heldur fer inn á netið og er
leitt rétta leið í gegnum ferlið. Það gildir
um þetta eins og margt í okkar daglega
lífi. Við afgreiðum okkur sjálf í bankanum,
pöntum mat heim og margt fleira og
spörum okkur þannig tíma sem við getum
varið í eitthvað annað og mikilvægara,“
segir Fjóla María.
Ávinningurinn af samstarfi
Fjóla María segir að ávinningurinn
af samstarfi sveitarfélaga geti verið
margvíslegur, svo sem lægra verð við
hugbúnaðarkaup, sameiginleg hönnun
og þróun, sameiginleg hýsing, tengingar
við gagnaskrá og viðhald lausna fyrir
sveitarfélögin.
„Sveitarfélögin geta deilt og fengið opnar
lausnir (e.open source) á miðlægum vef
stafraen.sveitarfelog.is, deilt þekkingu og
reynslu og sótt sér ýmiss verkfæri. Hægt
er að setja upp sameiginlega fræðslu og
innleiðingarefni. Nýta má sameiginlega
starfskrafta og fækka vinnustundum í
samskiptum við birgja.
Hægt er að spara tíma í undirbúningi
verkefna eins og hugmyndavinnu,
ferlagreiningum, þarfagreiningum, í
leit að lausnum, við mat á lausnum,
við samningagerð, við innleiðingu og
breytingar verklags og menningar. Ef við
getum stytt þann tíma sem fer í það sem
ég taldi hér upp um helming fyrir hvert
sveitarfélag er kominn mikill ávinningur.
Ávinningurinn fyrir íbúa landsins verður
betri þjónusta sem felur í sér þjónustu
sem veitt er rafrænt og aðgengileikinn
verður meiri, meiri sjálfsafgreiðsla, færri
ferðir og minni tími sem þarf að eyða til
að sinna erindum sínum við sveitarfélög.
Við sjáum öll hvers vegna það er svo
mikilvægt að vinna saman og í takt hjá
sveitarfélögunum þar sem lögbundin
skylda sveitarfélaga er sú sama en einnig
er mikilvægt að vinna saman og í takti við
ríkið. Þjónustur taka við hvor af annarri og
það væri mikil sóun á fjármagni að hugsa
þessi stjórnsýslustig í sílóum þegar við
höfum tækifæri til þess að endurhugsa
og endurhanna þjónustur um leið og við
erum að byggja upp kerfin og ferlin með
stafrænni tækni. Við þurfum að hanna
út frá íbúanum, það er notendamiðað.
Stíga skrefin sem notandinn þarf að
stíga í gegnum kerfið, fyrstu skrefin eru
oft hjá ríkinu og svo í framhaldinu hjá
sveitarfélögum.“
Rétt að byrja
Fjóla María segir Íslendinga standa
nágrannalöndunum nokkuð að baki í
stafrænni þróun, svo sem Danmörku og
Noregi, enda sé ólíku saman að jafna.
„Hjá sambandi sveitarfélaga í Danmörku
starfa 40 manns í stafrænu deildinni og
svo eru stafrænir leiðtogar fyrir hvern
málaflokk. Þar í landi starfa einnig um
200 manns að gerð rammasamninga fyrir
sveitarfélögin. Svo þarna er sannarlega
mikill aðstöðumunur. Við erum bara rétt
að byrja okkar vegferð í samanburði
Fjóla María Ágústsdóttir er leiðtogi stafræna
teymis sambandsins.
Skjáskot af vefnum www.stafraen.sveitarfelog.is.