Mímir - 01.06.2023, Side 17

15Mímir 53 - Mímishöfuð
Við þurfum
nýjan
íslenskan
málstaðal
Eiríkur Rögnvaldsson
_____________________________
Íslenskur málstaðall, viðmið um „rétt“ mál og „rangt“,
mótaðist á seinni hluta nítjándu aldar en viðmiðin urðu
ákveðn ari og ein strengingslegri snemma á tuttugustu öld, m.a.
í tengslum við aukna þjóðernis kennd. Þau hafa lítið breyst í
marga áratugi og eru mörg hver orðin fjarlæg venju legu máli.
Mikilvægt er að breyta þeim til að fæla ungt fólk ekki frá
íslenskunni og koma þarf upp vettvangi til að semja nýjan
íslenskan málstaðal. Ný íslensk málstefna fyrir árin 2021-
2030 liggur fyrir og er góð svo langt sem hún nær, en í hana
vantar umfjöllun um mikilvæg atriði, s.s. stöðu ensku á Íslandi,
réttindi ýmissa minnihlutahópa og kynhlutlaust mál. Í þessari
grein er farið yfir tilurð og sögu málstaðalsins og gerð grein
fyrir mikilvægi breytinga á honum.