Mímir - 01.06.2023, Blaðsíða 33

31Mímir 53 - Mímishöfuð
Er tímabært
að snúa við
blaðinu?
Hugleiðing um
íslenskukennslu í
grunnskólum
Diljá Böðvarsdóttir
____________________________
Af eigin reynslu vitum við eflaust flest að sú
íslenskukennsla sem fer fram í grunnskólum einkennist
af eilífri málfræðikennslu. Verkefnin sem voru sett fyrir í
nánast hverjum einasta íslenskutíma snerust um að greina
langar setningar í orðflokka og fallbeygja heilu blaðsíðurnar
af nafnorðum, auk annarra sambærilegra verkefna. Þetta
fyrirkomulag kom sér reyndar ágætlega fyrir mig, mér þótti
slík verkefni sem hér eru upptalin fremur skemmtileg, enda
er ég núna í íslenskunámi í háskóla. Auk þess hef ég reynslu
af starfi í grunnskóla og tel mig því geta sagt það með vissu
að flestir nemendur falla ekki í þann flokk. Þeir nemendur
sem ég vann með gerðu hvað sem þau gátu til að komast
hjá því að vinna slík verkefni. Með þessu á ég þó alls ekki
að ég hafi verið metnaðarfyllri en samnemendur mínir eða
grunnskólanemendur dagsins í dag. Flest börn vilja leggja sig