Mímir - 01.06.2023, Síða 41

39Mímir 53 - Mímishöfuð
Hlutverk
ljóðsins
Lofsverð
umleitan
Magnús Orri Aðalsteinsson
___________________________
Ljóðið er merkilegt fyrirbæri. Það hefur í ár og öld, og
ár og aldir til viðbótar veitt okkur nýja sýn á heiminn, á
þessa veröld sem tekist hefur að skapa ljóðið. Stefnur hafa
fæðst og dáið, straumar gengið af stað og staðnað á miðri leið
eða löngu handan stígsins sem þeim var í upphafi ætlað. Í dag,
á tuttugustu og fyrstu öldinni gegna engin önnur eða ný lögmál
um það, rétt eins og epli falla enn til jarðar og enn kólnar á
veturna (sem þó er að öllum líkindum breytingum háð, en
ég fer ekki út í þá sálmanna hér). Það sem þó er frábrugðið
er miðill ljóðsins. Við þurfum vissulega ekki að leita langt í
annálum mannverunnar til að finna breytingar í miðli ljóða. Að
sjálfsögðu má nefna munnlega geymd sem tíðkaðist fyrir tíma
handritsins, prentvélarinnar eða samskonar tóla. Það er þó
ekki að segja að vegna breytinga sé sá klassíski prentaði miðill
horfinn yfir móðuna miklu – þvert á móti. Helstu rök mín fyrir