Mímir - 01.06.2023, Page 52

50
Nýskorinn
ananas
Táknræn merking ávaxta í
lögum Gísla Pálma
Magnús Már Magnússon
___________________________________________
Nýlega hlustaði ég aftur á plötuna Gísli Pálmi eftir Gísla Pálma.
Platan kom út árið 2015 og fór eins og stormsveipur um landið
þar sem hún varð fljótt eitt af vinsælustu rapp plötum hér á
Íslandi frá upphafi. Gísli Pálmi stimplaði sig þannig inn í Hip-
Hop senu landsins með plötunni sem fjallar að miklu leyti
um líf Gísla og lífstílnum sem hann lifir. Eftir að hafa hlustað
nýlega aftur á plötuna tók ég hinsvegar eftir ákveðnu þema
sem kemur fyrir í sumum lögum Gísla. Gísli nefnir ávexti og
mismunandi tegundir af ávextum alls 9 sinnum á plötunni
sinni Gísli Pálmi. Ég get í fljótu bragði ekki munað eftir að
hafa heyrt ávexti nefnda svona oft á plötu annara Hip-Hop
tónlistarmanna hér á landi. Þessi uppgötvun mín vakti því
hjá mér áhuga þar sem það getur ekki verið að ávextir séu
nefndir svona oft í lögum Gísla fyrir tilviljun. Nema að Gísla
finnst ávextir mjög góðir á bragðið og vill koma því skýrt á
framfæri til hlustenda plötunnar sem ég tel heldur ólíklegt. Því
fór ég í sutta rannsóknarvinnu og í leitirnar kom M.A ritgerð
eftir Kristine Anne Davis, „Get Rich or Die Tryin’: A Semiotic
Approach to the Construct of Wealth in Rap Music“ þar sem
hún rannsakar birtingarmynd auðs í rapp tónlist. Kristine
rannsakaði þar 11 lög eftir mismunandi tónlistarmenn og tók