Læknaneminn - 01.01.2017, Qupperneq 51

Ri
trý
nt
ef
ni
5050
Tekin var röntgenmynd af lungum sem sýndi loftbrjóst
hægra megin og loft í miðmæti (mynd 1). Því var settur
brjóstholskeri hægra megin í brjósthol. Drengurinn var
fyrst settur á hefðbundna öndunarvél en þar sem hann
þurfti töluvert háan innöndunarþrýsting var skipt yfir
í hátíðniöndunarvél (e. oscillator). Súrefnisþörfin fór vaxandi
og þegar lýst var í brjóstkassa drengsins með þar til gerðum
ljósgjafa (e. transilluminator) lýsti hann upp vinstra megin
sem gaf til kynna að hann væri kominn með loftbrjóst
þeim megin (mynd 2). Ný röntgenmynd sýndi hins vegar
mikið loft í miðmæti sem teygði sig yfir til vinstri (mynd
3). Drengurinn var því lagður í vinstri hliðarlegu til að flýta
fyrir því að loftið í mið mætinu hyrfi. Gerð var ómskoðun
af hjarta sem sýndi merki um háþrýsting í lungna slagæðum
og skertan samdrátt beggja slegla sem talið var skýra
versnandi ástand hans. Því var hafin meðferð með niturildi
(e. nitric oxide, NO) og dóbútamíni. Við það batnaði ástand
hans og súrefnis þörf fór á skömmum tíma úr 100% niður
fyrir 30%. Blóð þrýstingur var hins vegar lágur og svaraði
ekki vökvagjöf og því var blóðþrýstings hækkandi meðferð
breytt í dópamín með góðum árangri.
Sjúkdómsgangur
Öndunarfæri
Við tveggja sólarhringa aldur var drengurinn ekki lengur
með loftleka og því var brjóstholskerinn fjarlægður og
morfíndreypi sem hafði verið notað til verkjastillingar
stöðvað. Hann var þá kominn á tiltölulega lítinn stuðning
á hátíðniöndunarvélinni og því skipt aftur yfir á
hefðbundna öndunarvél. Áfram var klínískur gangur góður
og við fjögurra sólarhringa aldur var drengurinn tekinn úr
öndunarvél og settur á síþrýsting með 21% súrefni.
Við rúmlega tveggja vikna aldur, það er 30 vikna
meðgöngualdur (e. postmenstrual age), fór súrefnisþörf
drengsins smám saman vaxandi og við tæplega þriggja
vikna aldur (31 viku meðgöngualdur) var hafin meðferð
með innúðasterum. Eftir að hafa verið á síþrýstingi í um
mánuð var reynt að skipta öndunarstuðningi yfir í háflæði
(e. high flow) súrefnisgjöf en þar sem það gekk ekki sem skyldi
var ákveðið að gefa stutta meðferð með þvagræsilyfjum til
viðbótar við innúðasterana. Drengurinn komst að lokum
alfarið af síþrýstingi yfir á háflæði súrefnisgjöf við 36 vikna
Mynd 2. Þar sem ástand drengsins versnaði nokkuð skyndilega var þar til gerður ljósgjafi (e. transilluminator) notaður til að lýsa í brjóstkassa
drengsins og lýsti hann upp vinstri brjóstholshelming. Því vaknaði grunur um að drengurinn væri einnig kominn með loftbrjóst þeim megin.
Mynd 3. Röntgenmynd af lungum tekin eftir að settur hafði verið keri í brjóstholið hægra megin og var loftbrjóstið þá ekki lengur til staðar.
Grunur um loftbrjóst vinstra megin reyndist vera loft í miðmæti (e. pneumomediastinum).