Læknaneminn - 01.01.2017, Side 77

Fr
óð
lei
ku
r
76
Sérnám
á Íslandi
Flestir íslenskir læknar fara erlendis í sérnám en nú hefur framboð af sérnámi á Íslandi
aukist og því áhugavert fyrir læknanema að kynna sér hvað er í boði. Fullt sérnám er yfir-
leitt fimm ár en margar sérgreinar bjóða upp á að taka hluta sérnámsins á Íslandi og klára
það síðan erlendis. Það eru þó fáeinar sérgreinar sem bjóða upp á fullt sérnám hér á landi.
Fengnar voru upplýsingar frá mats- og hæfisnefnd um hvaða sérgreinar bjóða upp á
viðurkennt sérnám á Íslandi, að hluta eða í heild, eða hafa áhuga á því á næstunni. Haft
var samband við kennslustjóra viðkomandi sérgreina sem gáfu upplýsingar nar sem hér er
að finna. Mikilvægt er þó að hafa í huga að prógrömmin eru mörg hver í hraðri þróun og
því ber að taka þessum upplýsingum með fyrirvara um breytingar.
Eins og er þá hefur mats- og hæfisnefnd viðurkennt sérnám í lyflækningum, geðlækningum
og bæklunarlækningum. Nánar má lesa um stöðu mála í viðurkenningu sérnáms á bls. 82.
LYFLÆKNINGAR
Hófst haustið 2015.
Fjöldi ára: Allt að 3 ár. Lýkur með MRCP gráðu
(Membership of the Royal Colleges of Physicians).
Fjöldi staða: 12­15 á ári.
Alþjóðleg viðurkenning: Vottað og viðurkennt af
Royal College of Physicians í Bretlandi.
Skipulögð kennsla: Í hádeginu á þriðjudögum og
miðviku dögum og fimmtudags eftirmiðdögum, auk
kennslu á morgun fundum og deildum. Kennsla felst
í tilfella fundum, próf undirbúningi og kennslu í helstu
viðfangsefnum lyflækninga. Einn heill dagur fer í
þver faglega hermikennslu og fjórum sinnum á ári eru
skipulagðar færnibúðir til að þjálfa hin ýmsu inngrip.
Mat: Byggir á fjölþættu mati á þekkingu, verklegri færni
og reynslu, auk mats frá samstarfsfólki unglæknis. Allt
er skráð og fært inn á e-portfolio. Einnig eru bæði skrifleg
próf og próf í skoðun sjúklinga og samskiptafærni.
Flestir sérfræðingar á sviðinu hafa fengið sérstaka
handleiðaraþjálfun. Hverjum námslækni er úthlutaður
handleiðari fyrir öll þrjú árin og klínískur handleiðari
á hverri vist (e. rotation).
Rannsóknarvinna: Ætlast er til að námslæknar taki
þátt í bæði rannsóknarverkefnum og gæða verkefnum.
Nemendur í doktorsnámi eru hvattir til þess og
fá stuðning. Flestir námslæknar á öðru og þriðja
ári fá rannsóknar mánuð. Rannsóknarráðstefna er
haldin árlega.