Læknaneminn - 01.01.2017, Side 146

Sk
em
m
tie
fn
i
14
5
Að grunnnámi loknu
Bryndís Dagmar Jónsdóttir
Útskriftarár úr Læknadeild: 2015
Frumburður fæddur: Vigdís dóttir mín fæddist í
júní 2016 um það leyti sem ég var að klára
kandídatsárið.
Hverjir eru helstu kostir þess að hefja
barneignir á þessum tíma? Við vissum að við
vildum eignast börn. Mér fannst þessi tímamót rétt eftir útskrift
kjörinn tími til að hefja barneignir. Mig langaði að eignast barn áður
en ég færi út í sérnám. Auk þess var ég ekki búin að velja sérgrein og sá
það sem kost að velja framtíðarstarf með hliðsjón af fjölskyldulífi.
Hvað var erfiðast? Ég var mjög hraust á meðgöngunni en það var
krefjandi að vera ólétt nær allt kandídatsárið, á þeim tíma þegar allt er
nýtt og lærdómskúrfan brött.
Hvaða áhrif hafði þetta á þinn námsferil? Ég náði að klára allt nema
tvær vikur á kandídatsárinu svo þetta var nokkuð heppileg tímasetning.
Hversu þétt stuðningsnet hafðirðu? Ég tók níu mánuði í
fæðingarorlof og kærastinn minn tæpa þrjá mánuði. Við erum með
margt fólk í kringum okkur sem var tilbúið að hjálpa. Það var í raun
helst þegar við vorum bæði byrjuð að vinna aftur að það fór að reyna
virkilega á það.
Hvað myndirðu gera öðruvísi í dag? Mitt fæðingarorlof tók beint við
af kandídatsárinu. Ég varði miklum tíma í að velta fyrir mér hvað tæki
við eftir orlofið. Í dag myndi ég vera afslappaðari með það og leyfa því
að koma í ljós.
Hefurðu einhver ráð til læknanema/unglækna í
barneignahugleiðingum? Ég mæli með þessari tímasetningu til að
fara út í barneignir. Dæmin sýna að þetta er vinsæll tími. Nýútskrifaðir
læknar eru að stórum hluta ungar konur á barneignaaldri svo það ætti
ekki að koma neinum á óvart.
Fæðingarorlof
Kandídatar og læknar fá greitt fæðingarorlof en lækna nemar
svokallaðan fæðingarstyrk. Eftirfarandi tölur miðast við árið
2017:
• Læknanemar og aðrir námsmenn fá greiddan fæðingar­
styrk. Sé miðað við foreldri í 75­100% námi er upphæðin
164.003 kr á mánuði.
• Vinnandi foreldrar fá greitt úr fæðingar orlofssjóði.
Mánaðar legar greiðslur eru 80% af meðaltali heildar launa
fyrir tiltekið tímabil, þó aldrei hærri en 500.000 kr.
• Mánaðarleg greiðsla í fæðingarorlofi til foreldris í 25­49%
starfi er að lágmarki 118.335 kr.
• Mánaðarleg greiðsla í fæðingarorlofi til foreldris í 50­100%
starfi er að lágmarki 164.003 kr.
Guðrún Dóra
Bjarnadóttir
Útskriftarár úr
Læknadeild: 2009
– Ungverjaland
Frumburður fæddur:
2014. Átti ár eftir
í sérfræðinginn.
Hverjir eru helstu kostir þess að hefja
barneignir á þessum tíma og hvað myndirðu
gera öðruvísi í dag? Ég held að ég sé pínulítið
þroskaðari en þegar ég var tuttugu­ og
eitthvað... bara pínulítið. Ég átti stutt eftir
í sérnámsprógramminu og því kannski minna
álag á mér vinnulega séð. Svefnleysið tekur
á og með hverju árinu sem líður er erfiðara að
vaka á næturnar og út frá því er ókostur að
eignast barn seint.
Hvað var erfiðast? Tvímælalaust svefnleysið!
Um tíma fannst mér fólk sem eignaðist fleiri
börn augljóslega eiga við einhverja alvarlega
pathólogíu að stríða. Hver fer sjálfviljugur
aftur í gegnum svona svefnleysispakka?
Hvaða áhrif hafði þetta á þinn námsferil?
Seinkaði mér um tvo til þrjá mánuði. Hausinn
var ekki alveg 100% til staðar út af þreytu og
ég var algjörlega hömlulaus þegar kom að
kaffi­ og pepsimax drykkju!
Hversu þétt stuðningsnet hafðirðu? Góður
stuðningur frá fjölskyldum okkar. Verð líka að
nefna velvild Geðdeildar, ég gat tekið tvo
mánuði í frítökurétt til að lengja
fæðingarorlof.
Hefurðu einhver ráð til læknanema/
unglækna í barneignahugleiðingum? Orðið
orlof er tvímælalaust mesta rangnefni sem til
er! Sofið eins mikið og þið getið og kaupið
bókina Draumalandið um leið og þvagprufan
er jákvæð til að vera alveg örugg!