Goðasteinn - 01.09.1996, Qupperneq 94

Goðasteinn 1996
á tveimur eins og hálfs tonns bílum og
þótti þetta ganga mjög vel, þótt það
tæki marga daga. Þótti gott ef farnar
voru þrjár ferðir á dag. Bílstjórar við
þessa flutninga voru Isleifur Einarsson
frá Miðey í Austur-Landeyjum og Sig-
urður Sveinbjörnsson frá Torfastöðum í
Fljótshlíð.
Vinnsla og fleyting
Ætla ég nú í stuttu máli að lýsa
hvernig var unnið að því að gera viðinn
tilbúinn til flutnings og lýsi því, þegar
viðað var í Þverárbrúargarðana. Þetta
mun hafa verið um eða fyrir miðjan
júní 1932. Milli 15 og 20 manns unnu
að verkinu. Notaðar voru skógarklippur
við að losa hríslurnar og einnig var
höggið með öxum sem gjarnan voru
nefndar skógaraxir.
Ekki mátti höggva eða klippa allt á
sama stað eða rjóðurfella, eins og það
var kallað. Síðan var viðnum safnað
saman og hann borinn þangað sem
hann var síðan bundinn í bagga. Þar
var hríslunum raðað í hæfilega stór
knippi sem helst skyldu vera sem líkust
að stærð. Stofnar hríslanna voru látnir
vera í miðjum bagga. Til þess að herða
knippin saman var notaður kaðalspotti
með högld á öðrum enda (helst horn-
högld), tveir menn voru við hvern
bagga til að herða þá saman eftir því
sem þeir höfðu krafta til. Þegar búið
var að herða baggann saman á þennan
hátt, var brugðið um hann sléttum vír á
tveimur stöðum sem átti að halda bagg-
anum saman í ílutningi og á görðunum.
Síðan voru festir saman þrír baggar
með vír, þegar það var búið var þetta
kallað flot. Öllum böggunum var safn-
að saman á eyri við ána, þaðan sem
þeir voru síðan látnir fljóta frá. Helst
þurfti að vera logn þegar fleytt var svo
flotin ræki ekki upp á grynningar og
þau sætu þar föst. Þessu verki fylgdi
mikið vos á mönnum og hestum, því
oft þurfti að losa strandaða bagga af
eyrum og þá yfir sundvatn að fara.
Oddur Oddsson á Heiði var umsjón-
armaður við þessi verk, bæði þegar
viðað var í Djúpósfyrirhleðsluna og
Þverárbrúargarðana.
Varðveist hefur kvittun fyrir kostn-
aði fyrir að viða og fleyta viðnum niður
að Þingskálum. Má af henni sjá að ekki
hefur þar verið um mikið gróðafyrir-
tæki að ræða; 586,70 kr. greiðsla fyrir
vinnu 15-18 manna og hesta í rúma
viku.
-92-