Helgarpósturinn - 15.05.1986, Blaðsíða 10

HELGARPÓSTURINN
Ritstjórar:
Ingólfur Margeirsson og
Halldór Halldórsson
Ritstjórnarf ulltrúi:
Sigmundur Ernir Rúnarsson.
Blaðamenn: Friðrik Þór
Guðmundsson, Jóhanna
Sveinsdóttir, Jónfna Leósdóttir
og G. Pétur Matthíasson
Útlit: Jón Óskar Hafsteinsson
Ljósmyndir: Jim Smart
Handrit og prófarkir:
Magnea J. Matthíasdóttir
Útgefandi: Goðgá h/f
Framkvæmdastjóri:
Hákon Hákonarson
Auglýsingar:
Steinþór Olafsson
Hinrik Gunnar Hilmarsson
Sigurður Baldursson
Dreifing:
Garðar Jensson
(heimasfmi: 74471)
Afgreiðsla:
Berglind Björk Jónasdóttir
Ritstjórn og auglýsingar eru
að Ármúla 36, Reykjavík, sími
68-15-11. Afgreiðsla og skrifstofa
eru að Ármúla 36.
Sími 68-15-11
Setning og umbrot:
Leturval s/f
Prentun: Blaðaprent h/f
Pólitískt ramakvein
Nú eru ekki nema um tvær
vikur til sveitarstjórnakosninga
hér á landi. Allt fram á þennan
dag hefur farið ákáflega lítið
fyrir þessum kosningum í um-
ræðum manna á meðal og f
fjölmiðlum. Tveimur mánuðum
fyrir kosningar þótti mönnum
áhuginn harla lítill og þá var
fastlega gert ráð fyrir að áhugi
manna myndi aukast þegar
nær drægi kosningum. Sú hef-
ur ekki orðið raunin, a.m.k. ekki
f Reykjavík og stærri kaupstöð-
um nema ef vera skyldi á Akur-
eyri.
Áhugaleysi kjósenda í
Reykjavík ætti að vera öllum
stjórnmálamönnum verulegt
áhyggjuefni. Þrátt fyrir tiltölu-
lega öfluga fjölmiðla og á köfl-
um spræka frambjóðendur er
hið stóra einkenni þessara höf-
uðborgarkosninga, að ekki hef-
ur tekist að skapa hina minnstu
agnarögn af borgarmálaum-
ræðu meðal „atkvæðanna" úti
í bæ eða á vinnustöðum. Und-
antekning er að sjálfsögðu á
þessu, þegar frambjóðendur
heimsækja sjálfir vinnustaðina.
Þá tala ÞEIR um borgarmálin.
Hvernig stendur á þessu
makalausa áhugaleysi?
Fyrsta svar er sjálfsagt það,
að almenningur á íslandi sé
orðinn þreyttur á pólitík, og
raunar svo þreyttur, að hann er
orðinn leiður á þeim „leik",
þeirri keppni, sem kosningar
hafa ávallt verið á íslandi.
En það nægir ekki að segja,
að fólk sé orðið þreytt á pólitík.
Hér er einnig um að ræða
vandamál einhverrar ósýnilegr-
ar fjarlægðar á milli almennings
annars vegar og stjórnmála-
mannanna og viðfangsefna
þeirra hins vegar. Það er eins og
fólk skynji ekki á nógu raun-
verulegan hátt, að það kemur
hverjum einum einasta manni
við hvernig bæjarfélagi er
stjórnað og hverjir gera það.
Og það er í þessu viðfangi,
sem sjálfir stjórnmálamennirnir
hafa brugðist. Þeir ná ekki til
fólks, a.m.k. þeir sem eru í
minnihluta. Þeir eru lélegir
áróðursmenn. Og svo eru það
hinir, sem fara með völdin og ná
til fólks. Þeir ala á tortryggni og
forðast alla málefnalega um-
ræðu um borgarmálin. Hins
vegar láta þeir sér ekkert tæki-
færi úr greipum ganga til þess
að koma fram fyrir hönd borg-
arinnar. Úr borgarstjóranum
verður til toppfígúra, sem borg-
arfulltrúarnir úr sama flokki slá
skjaldborg um þegjandi og
hljóðalausir.
Það er kannski engin furða,
að fólk hafi ekki áhuga á borg-
arstjórnarkosningunum, því
umræðan er nánast engin. Áð-
eins ramakvein við og við.
un safnar m.a. upplýsingum um
auglýsingar í fjölmiðium. Við at-
hugun Miðlunar á auglýsingum í
blöðunum á nokkurra mánaða
tímabili kom í Ijós, að stærsti ein-
staki auglýsandinn í hverjum mán-
uði reyndist DV og Frjáls fjölmiðl-
un. Og þegar DV var sjálft kannað
kom i ljós, að 15% allra auglýsinga
í DV, að frádregnum smáaugíýsing-
unum, reyndust vera frá fyrirtækinu
sjálfu. Þetta svarar til einnar blað-
síðu í hverju tölublaði DV...
A
Húsavík virðast menn fús-
ir til samstarfs, ef marka má fram-
boðslista í kosningunum í lok maí.
Þar hafa alþýðubandalagsmenn
gert kosningabandalag við ,,óháða“,
sem munu flestir hafa stutt Kvenna-
listann í síðustu þingkosningum.
Einnig er á Húsavík svokaliað þver-
pólitískt framboð, en þar er m.a. að
finna á lista tryggan stuðningsmann
Bandalags jafnaðarmanna til
skamms tíma, Sigurjón Bene-
diktsson tannlækni. Síðarnefnda
framboðið hélt fund á þriðjudags-
kvöld í þessari viku og mun hann
hafa verið afar vel sóttur. Taivísir
menn giska á, að þarna hafi verið
saman komnir tæplega 200 fundar-
gestir. . .
Í^Hnn hafa engar ákvarðanir ver-
ið teknar um mögulegan flutning
Byggðastofnunar norður til Akur-
eyrar. Til stóð að taka málið fyrir á
stjórnarfundum 5.-6. maí, en til
þess vannst ekki tími, að sögn Guð-
mundar Maimkvist forstjóra. Sem
kunnugt er gerði Hagvangur út-
tekt á kostum og göllum þess að
stofnunin flytti norður. Eitt af því
sem Hagvangur sleppti í skýrslu
sinni var að taka fyrir álit starfsfólks
stofnunarinnar. En á félagsfundi
starfsfólksins hefur afdráttarlaust
verið tekin sú afstaða að stjórn
stofnunarinnar beri að taka ákvörð-
un sem fyrst, en láta fólkið ekki bíða
í óvissu. Þannig er nefnilega mál
með vexti að ekki einn einasti af
starfsmönnum stofnunarinnar tek-
ur í mál að flytja norður! Því má ljóst
vera, að flytji stofnunin þarf að hefja
allt starf frá grunni — því mest öll
reynslan og þekkingin verður eftir í
Reykjavík...
LAUSNÁ
SKAKÞRAUT
LAÚSNIR
03 Boswell
1. Da8 b2 2. Kb4
c3 2. Kxb3
d4 2. Dhl
Ætli ekki sé rétt að vekja athygli á þvi
að 1. Db7 strandar á c3, en 1. Da4 og
1. Db5 á d4.
04 Hage
Lykilleikurinn er 1. Rg5 sem undirbýr
2. Hcl+ Hxcl 3. Rxf3 mát. 1. - b6 2.
d3 (en ekki d4 vegna Da6) og 3. Hfl
1. - b5 2. d4 (en ekki d3 vegna Da7) og
3. Hfl 1. - Hf8 2. Hfl + Ke2 3. Bc4 1.
- Hxc3 2. Hxc3 og hótar bæði He3 og
Rxf3. Þetta er falleg og innihaldsrik
þraut.
A ,
málum er mismikill í byggðum
þessa lands. Nýlega fréttist af því að
í Vogum á Vatnsleysuströnd yrði
enginn listi í framboði í væntanleg-
um kosningum. Ástæðan mun vera
bág staða hreppsins, sem er því sem
næst gjaldþrota, og því hafi enginn
áhuga á að stjórna þar sem ekkert
er hægt að gera nema spara. Sveit-
arstjórinn Kristján Einarsson
sagði í samtali við HP að fjárhags-
erfiðleikar nú stöfuðu fyrst og
fremst af miklum framkvæmdum
og lántökum á því kjörtímabili sem
var næst á undan því kjörtímabili
sem nú er að líða. Það eina sem gæti
bjargað Vatnsleysustrandarhreppi
er að fyrirtækið Lindarlax sem hef-
ur haft í hyggju að fara út í viðamik-
inn fiskeldisrekstur í Vogunum láti
verða úr þeim framkvæmdum. Þá
getur verið að framboðsáhugi verði
meiri næst þegar kosið verður. Við
síðustu kosningar voru tveir fram-
boðslistar í Vogum, báðir óháðir og
næst á undan þrir. Nú verða kosn-
ingarnar óhlutbundnar og allir á
kjörskrá í framboði nema einn. Odd-
vitinn og sveitarstjórinn Kristján
•Einarsson hefur beðist undan end-
urkjöri. Búinn að fá nóg.. .
A
ritstjórn tímaritsins Þjóð-
lífs heyrum við að menn velti nú
fyrir sér hvað það kosti að fá gott
viðtal. Poppstjarnan Egill Ólafs-
son mætti í viðtal fyrir nýútkomið
hefti Þjóðlífs. Gengið var frá viðtal-
inu, Egill gerði sínar athugasemdir
og handritið var komið í setningu.
Þá var ein myndataka eftir en til
stóð að Egill yrði á forsíðu. Þegar
haft var samband við Egil vildi hann
ekki láta birta af sér mynd á forsíðu
og kvaðst vera að velta því fyrir sér
hvort rétt væri að viðtalið birtist yfir
höfuð. Eftir nokkrar vangaveltur,
pex og rex, varð það úr að viðtalið
var tekið út. Þjóðlíf kom svo út á
sama tíma og 2. tbi. af Heimsmynd,
en síðarnefnda blaðið prýddi ein-
mitt mynd af Agli og viðtal við kapp-
ann...
því að Sjónvarpið hefji rekstur
myndbandaleigu á hausti komanda.
Þar verða þá á boðstólum allslags
þættir sem stofnunin hefur umboð
fyrir frá erlendum sjónvarpsstöðv-
um, ýmist efni sem það hefur áður
sýnt eða hyggst ekki sýna af mis-
munandi ástæðum, svo sem þeirri
að það sé of sértækt. Ónefndir eru
svo innlendir þættir sjónvarpsins,
sem að sönnu eldast misvel, en
ættu, margir hverjir að minnsta
kosti, að koma til álita sem ágæt
markaðsvara. Að öllu samanlögðu
er óhætt að spá þessari nýju deild
stofnunarinnar góðri hlutdeild í út-
leigu myndbanda á landinu...
iflionsmenn á íslandi hafa stað-
ið sig vel í baráttunni gegn vímuefn-
um, má í því sambandi minna á úti-
fund á Lækjartorgi nú í vetur. Dag-
ana 6.-8. júní halda Lionsmenn árs-
þing sitt, að þessu sinni í Kópavogi.
Ljónin ætla síðan að halda stór-
veislu að kvöldi þess 7. júní sem er
laugardagskvöld. Áætlað er að um
1000 manns muni sækja veisluna í
íþróttahúsi nokkru. Því húsi þarf að
breyta dálítið fyrir svo stóra veislu,
m.a. þarf að smíða 60 metra af bör-
um. Með því er tryggt að ekki mynd-
ist þröng þegar Lionsmenn sækja
sér drykki. Enda óþarfi að láta
menn þreytast við að afla sér hins
löglega vímuefnis...
N
■ ú er að ganga í garð sá tími,
þegar þingmenn dusta af sér borg-
arrykið og halda út í kjördæmin til
þess að messa yfir landsbyggðar-
fólki. Stjórnarliðar fara um og segja
frægðarsögur af afrekum vetrarins.
Stjórnarandstöðuþingmenn lýsa
hins vegar vonsku og illvirkjun rík-
isstjórnarinnar og hennar manna,
um leið og þeir gefa gullin loforð og
fögur fyrirheit.
Eitthvað hefur heyrst af ferðum
sjálfstæðismanna á Austfjörðum
og nú stendur fyrir dyrum herferð
BJ-manna í Norðurlandskjördæmi
eystra alveg á næstunni. Munu þau
Kolbrún Jónsdóttir og Stefán
Benediktsson verða þar á ferðinni
og flytja Norðlendingum fagnaðar-
erindið...
| væntanlegum sveitarstjórna-
kosningum er aðeins boðið fram í
nafni Bandalags jafnaðarmanna
á einum stað á landinu. Það er i
Njarðvík og er Þorsteinn Há-
konarson, varaformaður lands-
nefndar BJ, aðalhvatamaður þess
framboðs. Þrátt fyrir dræma aðsókn
á opinn fund, sem haldinn var áður
en framboðslistinn var settur sam-
an, mun Þorsteinn vera hinn bjart-
sýnasti. Til stendur að halda sam-
eiginlegan kappræðufund í Njarð-
vík, þó Sjálfstæðisflokkurinn hafi
að vísu afþakkað boð um að taka
þátt í slíkum fundi. Mótherjarnir
gáfust hins vegar ekki upp, heldur
sendu formlegt bréf, þar sem fram-
bjóðendum Sjálfstæðisflokksins er
gefinn frestur til 17. maí til þess að
gefa skýringu á því hvers vegna þeir
vilja eicki vera með í hanaslagn-
um...
SPENNUM
BELTIN
sjálfra okkar
vegna!
BÍLEIGENDUR
B0DDÍHLUTIR!
Trefjaplastbretti á lager fyrir eftirtaldar bifreiðir:
Subaru '77—79, Mazda 929, 323 og Pickup, Daihatsu Charmant '78 og ’79,
Lada 1600,1500,1200 og sport, Rolonez, AMC Eagle og Concord, Datsun 180
B og Sunny. Brettakantar á Lödu Sport Toyota Landcruiser og Blazer. Einnig
samstæða á Willy's.
BÍLPLAST
Vagnhöfða 19, simi 688233. I Tökumaðokkurtrefjaplastvinnu.
Póstsendum. I Veljið íslenskt.
RETTA LAUSNIN!!

MÚRBOLTAR
OG FESTINGAR
verkprýái Kf
SlÐUMÚLA 10, 108 REYKJAVÍK,
P.O. BOX 8712, SIMI 688460.
10 HELGARPÓSTURINN