Helgarpósturinn - 19.03.1987, Blaðsíða 41

Helgarpósturinn - 19.03.1987, Blaðsíða 41
r»VciiV< iiN nfií'fj! v/' i'i'- H? Bjarnaborg árið 1902, myndin er líklegast tekin um haustið eða seinna þann vetur. Samkvæmt manntali voru íbúar hússins í desember það ár 11 talsins. Gasluktin á suðurhlið hússins var eina götulýsingin fram eftir þriðja áratugnum. (Þjóðminjasafn islands) "X Magdalena M. Oddsdóttir sem ólst upp ( Bjarnaborg. GOTT AÐ BUA I BJARNABORG 9) BJARNABORG Teikning að Bjarnaborg, gerð af Nikulási Friðrikssyni áriö 1923. Svona mun Bjarnaborg líta út þegar breytingum verður lokið. Séð frá norðri til suðurs eftir Vitastígnum. VITATORG VERÐUR TIL A NY Byggingarfélagið Dögun keypti Bjarnaborg þegar hún var auglýst til sölu af hálfu borgarinnar. HP fór þess á leit við forsvarsmenn fyrir- tækisins að þeir skýrðu frá áætlun- um varðandi endumýjun hússins. Þeir sögðu að umtalsverðar breyt- ingar yrðu gerðar á húsinu að innan en að utan myndi það halda sínu lagi, þar yrði ekki hróflað við neinu, þ.e.a.s. í útliti. Hins vegar verður húsið að miklu leyti endurbyggt, gler, gluggar og bárujárn endurnýj- að og að auki má nefna að byggðir verða nýir kvistir og svalir. Húsið verður rýmkað að innan, stigagangar verða fjarlægðir, en í stað þeirra verður steypt upp nýtt stigahús í bakgarðinum. Alls verða 10 einingar í húsinu, 5 á neðri hæð og 5 á efri hæð. Á neðri hæðinni er gert ráð fyrir tveimur veitingastof- um og verslunum en á efri hæðinni verða tvær íbúðir með vinnustofum í risi, auk skrifstofa og vinnustofa fyrir arkitekta eða aðra. Fyrir framan húsið verður steypt- ur upp pallur sem nýtist sem eins- konar útitorg, þar verður aðstaða fyrir útveitingarekstur og fleira. Reykjavíkurborg hefur fallist á að færa Vitastíginn vestar, frá húsinu, þannig að fyrir framan það myndast vísir að torgi, enda stóð Bjarnaborg upphaflega við Vitatorg en ekki Vitastíg. Meðfylgjandi eru teikning- ar af húsinu og umhverfi þess sem segja meira en mörg orð. Magdalena M. Oddsdóttir flutti inn í Bjarnaborg árið 1916 og bjó þar í 15 ár ásamt fjölskyldu sinni. Hún er fœdd árid 1909, á Laugavegi 66, og eyddi því œskuárum sínum að mestum hluta í Bjarnaborg. Hún féllst á að skýra ögn frá því hvernig var ad búa í húsinu á fyrsta fjórð- ungi aldarinnar. „Við fluttum inn 1916, þegar Reykjavíkurborg eignaðist húsið, við misstum föður okkur tveimur árum fyrr og þess vegna varð mamma að vinna úti en amma hélt heimilið með aðstoð minni. Þess vegna fór ég ekki strax að vinna annars staðar." — Var þaö algengt að börn fœru snemma að vinna á þessum árum? „Já, já. Ég fór sjálf að vinna í fiski á sumrin þegar ég var 10 ára gömul, systir mín, Margrét, var látin passa krakka þegar hún var 8 ára og yfir- leitt voru allir að vinna, bróðir okk- ar var til dæmis sendill í ýmsum verslunum, elsta systir okkar í vist. Það voru allir farnir að vinna um leið og þeir gátu gert gagn." — Var litið niður á ykkur krakk- ana í Bjarnaborg vegna fátœktar? „Já, það var gert, en það þjappaði okkur bara saman, reyndar var lagt að okkur að koma fram sem heild út á við og standa saman. Þetta var fá- tækt fólk sem þarna bjó en það stóð alveg fyrir sínu. Þetta var eins og ein stór fjölskylda, samkomulagið var mjög gott og ef einhvern vantaði mat þá gaf einhver honum hann." — Var einhver merkjanleg óregla á þessum tímum? „Nei, það var yfirleitt engin óregla þegar ég bjó þarna og engin vandræði út af slíku. Þetta voru reglumenn sem þarna bjuggu, menn sem unnu mikið og héldu sín- um fjölskyldum gangandi. Þetta breyttist mikið eftir að ég flutti það- an, upp úr 1930. Þá fækkaði mikið í húsinu og ég held að þeir hafi tekið inn meira af utangarðsfólki svoköll- uðu." — Var gott að búa í Bjarnaborg, þegar litið er til baka? „Já, ég held ég megi segja það. Þó það hafi verið þröngt þá var gott samkomulag þarna og allir höfðu það gott." — Hvernig líst þér á þær áœtlanir sem nú eru uppi um að endurnýja húsið og taka það í notkun að nýju? „Mér líst vel á þetta, það er gott að húsið fái að standa. Mér fannst alltaf leiðinlegt þegar ég gekk framhjá og sá að húsið var komið í niðurníðslu." HELGARPÓSTURINN 41

x

Helgarpósturinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Helgarpósturinn
https://timarit.is/publication/47

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.