Morgunblaðið - 21.05.1980, Blaðsíða 3

MORGUNBLAÐIÐ, MIÐVIKUDAGUR 21. MAÍ 1980
3
i
o
Ajax - hvílíkur munur
Ajax þvottaefni losar úr bletti og óhreinindi strax i forþvotti.
Það er sama hvort um er að ræða hvítan, mislitan eða mjög
Íviðkvæman þvott, sama hvaða hitastig er notað eða þvotta*
stilling. Með Ajax skilar árangurinn sér í tandurhreinum dk
blettalausum þvotti. |
Ajax lágfreyðandi
þvottaefni fyrirallan þvott

Ajax
skilar tandurhreinu
MENNTAMÁLARÁÐ úthlutaði
í gær styrkjum úr Menningar-
sjóði. Úthlutað var átta dvalar-
styrkjum til listamanna. hverj-
um að upphæð 500 þúsund
krónur, einum styrk til útgáfu
tónverks, svo og tólf styrkjum
til visinda- og fræðimanna, þar
sem 100 þúsund krónur komu í
hlut hvers.
33 umsóknir bárust um þá átta
dvalarstyrki, sem til ráðstöfunar
voru að þessu sinni, en þeir eru
ætlaðir listamönnum, sem hyggj-
ast dveljast erlendis um a.m.k.
Formaður Menntamálaráðs
ásamt þeim, sem veittu viðtöku
styrkjum í gær, talið frá vinstri:
Kristin G. Magnús, Leifur Þór-
arinsson, Magnús Pálsson,
Brict Héðinsdóttir, Tryggvi ól-
afsson, Ragnheiður Jónsdóttir,
Edda Jónsdóttir, Einar Lax-
ness, Gréta Sigfúsdóttir og
Margret Guttormsdóttir, kona
Jóhannesar Helga, en hún veitti
styrknum viðtöku fyrir hans
hönd.
(Ljósm. Öl. K.Magn.)
Níu listamenn
hlutu dvalarstyrk úr Menningarsjóði
tveggja mánaða skeið til að vinna
þar að listgrein sinni. Um
vísinda- og fræðimannastyrki
sóttu 20 menn, en í ræðu við
styrkveitinguna í gær sagði Einar
Laxness, formaður Menntamála-
ráðs, m.a., að þar sem ekki væri
um að ræða meira ráðstöfunarfé
til að styrkja vísinda- og fræði-
menn en 1200 þúsund krónur,
væri sá háttur hafður á að veita
viðurkenningu ýmsum ágætum
fræðimönnum, sem lengi hefðu
stundað þjóðleg fræði og rann-
sóknir af miklum áhuga og að
eigin frumkvæði, en hlytu yfir-
leitt lítinn sem engan opinberan
styrk.
Listamennirnir, sem hlutu
dvalarstyrki úr Menntamálaráði,
eru:
Bríet Héðinsdóttir leikari, til
dvalar í Stokkhólmi og/eða Berlín
til að kynna sér stjórn útvarps-
leikrita og vinnubrögð, sem lúta
að því að breyta leiksviðsverkum,
svo að þau hæfi til útvarpsflutn-
ings.
Edda Jónsdóttir og Ragnheið-
ur Jónsdóttir, myndlistarmenn.
Þær fá einn styrk sameiginlega til
dvalar í París eða New York
vegna starfa að grafíklist. Vegna
þessarar sameiginlegu styrkveit-
ingar hlutu þær, auk dvalar-
styrksins 200 þúsund króna ferða-
styrk í sameiningu.
Gréta Sigfúsdóttir, rithöfund-
ur, til dvalar í Noregi vegna
skáldverks, sem hún vinnur að.
Jóhannes Helgi, rithöfundur,
til dvalar erlendis vegna ritstarfa.
Kristin G. Magnús, leikari, til
kynningar á íslenzkri menningu
erlendis, m.a. með uppfærslu á
leiksýningum í London.
Leifur Þórarinsson, tónskáld,
til dvalar á Ítalíu vegna tónsmíða.
Magnús Pálsson, myndlistar-
maður, til dvalar á Ítalíu, m.a.
vegna þátttöku í myndlistarsýn-
ingu Biennale di Venezia á þessu
ári.
Tryggvi ólafsson, myndlistar-
maður, til dvalar á Ítalíu til að
kynna sér myndlist.
Um styrk til útgáfu íslenzkra
tónverka barst ein umsókn. Atli
Heimir Sveinsson, tónskáld, sótti
um styrkinn til að gefa út Litlar
ferjur, en verkið er samið fyrir
kammerkór og nokkur hljóðfæri
við sex ljóð Olafs Jóhanns Sig-
urðssonar úr Að laufferjum og
brunnum.
Vísinda- og fræðimannastyrki
hlutu:
Einar Einarsson, Skammadals-
hóli,
Eirikur Jónsson, Reykjavík,
Eyjólfur Jónsson, ísafirði,
Flosi Björnsson, Kvískerjum,
Guðmundur Finnbogason,
Innri-Njarðvík,
Jón Gislason, Reykjavík,
Jón Guðmundsson, Fjalli,
Sigvaidi Jóhannesson, Ennis-
koti,
Skúli Helgason, Reykjavík,
Stefán Jónsson, Höskulds-
stöðum,
Torfi Jónsson, Reykjavík, og
Þórður Tómasson, Skógum.
í Menntamálaráði eiga sæti:
Einar Laxness, Áslaug Brynjólfs-
dóttir, Gunnar Eyjólfsson,
Matthías Johannessen og Sigur-
laug Bjarnadóttir.

r