Morgunblaðið - 21.05.1980, Blaðsíða 5

MORGUNBLAÐIÐ, MIÐVIKUDAGUR 21. MAÍ1980
5
Ekki vitað hvort
Karl prins kemur til
laxveiða í sumar
Karl Bretaprins
„VIÐ vitum ekki hvort hann
kemur í sumar og ekki hefur
verið haft samband við sendi-
ráðið vegna þess enn sem
komið er að minnsta kosti,“
sagði Brian Holt, í sendiráði
Bretlands í gær er hann var
spurður hvort von væri á
Karli Bretaprins til laxveiða
á íslandi í sumar eins og
undanfarin ár.
Prinsinn hefur undanfarin
ár stundað laxveiðar ásamt
vinafólki sínu í Hofsá í Vopna-
firði, og hefur líkað mjög vel
hér á landi, enda hefur hann
algjörlega fengið að vera í
friði fyrir ágangi fólks. Munu
flestir reikna með því að hann
muni koma hingað í sumar, og
þá líklega í ágústmánuði, en
sem fyrr segir hefur sendiráð
Bretlands ekki enn fengið
neinar upplýsingar þar um.
ALBERT Guðmundsson i verksmiðju Sambandsins i Harrisburg,
ásamt Fjólu Guðjónsdóttur Salerno, verkstjóra i fiskréttaverksmiðj-
unni, og Guðjóni B. ólafssyni, framkvæmdastjóra Iceland Seafood
Corporation.
Skoðjaði verksmiðjur S.H.
og SÍS í Bandaríkjunum
ALBERT Guðmundsson alþing-
ismaður var nýlega i Banda-
ríkjunum og kynnti hann sér
þá meðal annars verksmiðjur
Sambandsins í Harrisburg og
Sölumiðstöðvar hraðfrystihús-
anna í Boston. Albert sagði í
samtali við Morgunblaðið, að
hann hefði verið í Bandaríkjun-
um í örðum erindagjörðum, en
gert sér sérstaka ferð til að
kynna sér fyrrnefndar verk-
smiðjur, sem væru endaþáttur-
inn í framleiðstukeðju undir-
stöðuatvinnuvegar þjóðarinn-
ar.
Albert kvaðst hafa haft mjög
gaman af því að sjá hve báðar
þessar verksmiðjur væru vel rekn-
ar, þar væri allt til fyrirmyndar á
öllum sviðum. Sagðist hann hafa
viljað kynna sér þennan þátt
útflutnings okkar og teldi hann
sér það mjög gagnlegt sem stjórn-
málamanni. Ferðina kvað hann
hafa verið afskaplega lærdóms-
ríka, en því miður ættu ekki allir
íslendingar þess kost að sjá fyrir-
tæki þessi með eigin augum. En
mikilvægi þeirra væri mjög mikið
og jafnvel smæstu mistök í fram-
leiðslunni gætu þýtt lækkandi
verðlag á framleiðslunni, sem svo
væri fljótt að koma fram í versn-
andi efnahag hér og versnandi
lífskjörum.
Engin olíuleit
hér í sumar
ENGIN oliuleit mun fara fram á
landgrunni íslands í sumar, að
því cr Páll Flygenring ráðuneyt-
isstjóri iðnaðarráðuneytisins
tjáði Mbl. í gær.
Eins og menn eflaust muna hafa
nokkur erlend fyrirtæki kannað
landgrunnið, aðallega undan
Norðurlandi, undanfarin ár til að
reyna að fá úr því skorið hvort þar
kunni að leynast olía. Síðast var
bandaríska fyrirtækið Western
Geophysical við rannsóknir hér
haustið 1978. Engar óskir hafa
borizt frá erlendum fyrirtækjum
um olíuleit hér í sumar, að sögn
Páls Flygenring.
Alúöarþakkir til allra þeirra fjölmörgu er auösýndu
mér vináttu og bróöurhug á sjötugs afmæli mínu.
Zóphónías Pétursson.
Unnur Sveinbjarnardóttir
vióluleikari
Guðný Guðmundsdóttir
fiðluleikari.
Sinfóníuhljómsveit íslands:
Guðný Guðmundsdóttir hefur
verið konsertmeistari Sinfóníu-
hljómsveitar Islands frá árinu
1974 og kennt fiðluleik við Tón-
listarskólann í Reykjavík. Hefur
hún haldið fjölmarga tónleika í
Reykjavík og úti á landi og víða
erlendis, m.a. farið í tónleikaferð
til ísraels sl. vetur. Eftir nám
við Tónlistarskólann í Reykjavík
stundaði hún framhaldsnám í
Bandaríkjunum og Englandi.
Lauk hún Master of Music prófi
frá Juilliard skólanum í New
York. Unnur Sveinbjarnardóttir
víóluleikari lauk prófi frá Tón-
Leikur nýtt verk
eftir Jón Nordal
SÍÐUSTU áskriftartónleikar
Sinfóníuhljómsveitar íslands
verða í Háskólabíói á morgun,
fimmtudag, kl. 20:30. Á efn-
isskrá eru verk eftir Jón Nor-
dal, sinfónia concertante eftir
Mozart og sinfónia nr. 4 eftir
Brahms. Einleikarar verða
Guðný Guðmundsdóttir og Unn-
ur Sveinbjarnardóttir og
stjórnandi Gilbert I. Levine.
Verk Jóns Nordal, tvísöngur
fyrir fiðlu, víólu og hljómsveit,
var samið haustið 1979 að ósk
Stiftelsen Malmö Konserthus
með Einar Sveinbjörnsson fiðlu-
leikara og Ingvar Jónasson
víóluleikara í huga og frum-
fluttu þeir verkið 8. janúar sl.
með Sinfóníuhljómsveitinni í
Malmö.
listarskólanum í Reykjavík árið
1969 og stundaði síðan nám í
Bretlandi, Ítalíu og Þýzkalandi
og lauk konsertprófi frá Nord-
westdeutsche Musikakademie í
Detmold árið 1977. Hefur hún
leikið með þýzkri kammersveit
og tekið þátt í tónleikaferðum
víða um Evrópu og lék hún fyrst
einleik með Sinfóníuhljómsveit-
inni árið 1978.