Morgunblaðið - 21.05.1980, Blaðsíða 14

14
MORGUNBLAÐIÐ, MIÐVIKUDAGUR 21. MAÍ1980
Unnið að uppsetningu sýningarinnar í Asmundarsal i gær.
I.jÓ8m. Mbl. Kristján.
Fræðslusýning um
hvali og hvalvernd
Greenpeacemenn og íslenskir
umhverfisverndarmenn opnuðu í
gær fræðslusýningu um hvali og
hvalvernd í Ásmundarsal við
Freyjugötu. Sýningin er sér-
staklega útbúin fyrir ísland og
eru allir skýringartextar á
islensku. Á hverjum degi verða
sýndar litskuggamyndir og eftir
n.k. helgi verða einnig kvik-
myndasýningar dag hvern. Sýn-
ingin verður opin kl. 14—22 alla
daga til mánaðamóta. Ger Boor-
er frá Greenpeace og Jón B.
Hlíðberg hafa sett sýninguna
upp.
Arnarflug:
A annað hundr-
að umsóknir
um 20 störf
NOKKUÐ á annað hundrað um-
sóknir hafa borist Arnarflugi er
það auglýsti nýverið eftir um 20
flugliðum, þ.e. flugmönnum,
flugfreyjum og flugvirkjum.
Sagði Stefán Halldórsson, starfs-
mannastjóri Arnarflugs, að rúm-
lega 5 umsóknir hefðu borist um
hvert starf.
Stefán Halldórsson sagði eiga
ráða í 4 stöður flugmanna í
innanlandsflugi. Bárust um 50
umsóknir og var þegar valinn
helmingur þeirra til að gangast
undir skrifleg próf. Tíu úr þeim
hópi verða síðan valdir í frekari
próf í flugþjálfunartæki og sem
fyrr segir verða síðan fjórir flug-
menn ráðnir. Milli 40 og 50
umsóknir bárust um flugfreyju-
störf og kvað Stefán eiga að ráða
10—15 vegna verkefna félagsins í
Jórdaníu í sumar og munu flug-
freyjurnar þá væntanlega dvelja
þar samfleytt í 3 mánuði. Þá sóttu
um 30 manns um störf flugvirkja í
viðhaldsdeild félagsins, en Stefán
sagði ekki ákveðið hversu margir
yrðu ráðnir þar.
Skrifstofa
stuðningsmanna
Guðlaugs opnuð
á Sauðárkróki
Stuðningsmenn Guðlaugs Þor-
valdssonar á Sauðárkróki hafa
opnað kosningaskrifstofu að Aðal-
götu 2.
Halldór Hafstað er í fyrirsvari
fyrir skrifstofunni.
(Fréttatilkynning)
SINDRA
STALHE
SINDRA STAL
C
Íþvíliggur
styrknrinn
Það sem steypt er þarf að styrkja
með stáli — Steypustyrktar stáli.
Steypustyrktarstál er ein af okkar
sérgreinum.
Við geymum stálið í húsi, sem
heldur því hreinu og gljáandi,
þannig verður það þægilegra í
vinnslu og sparartíma. Markmið
okkar er fljót og góð sendingar-
þjónusta.
Notaðu aðeins gott steypustyrktar-
stál, í því liggur styrkurinn.
Borgartúni31 sími27222
Ásmundur J. Jóhannsson fyrir framan húsið á Vesturgötu 22, en þar
átti Ásmundur heima á striðsárunum ásamt foreldrum sinum.
„ÞETTA kort, ef kort skyldi kalla, rissaði Þjóðverj-
inn upp í sandhrúgu á vinnustað okkar. Þarna
staðsetti hann Reykjavíkurhöfn og innsiglinguna til
hafnarinnar, eyjarnar voru á sínum stað og þessi
einfalda teikning sannfærði mig um sannleiksgildi
frásagnar hans um undirbúning SS-sveita eða sér-
stakra víkingasveita til árásar á Reykjavík með það í
huga að eyðileggja flugvöllinn og höfnina“.
Það er Ásmundur J. Jóhanns-
son, tæknifræðingur, sem mælir
þessi orð, en í stuttu bréfi til
Velvakanda Morgunblaðsins, sem
birtist í gær, greinir hann frá því
að SS-herdeild hafi verið þjálfuð
til árásar á Reykjavík árið 1941.
Bréf Ásmundar til Velvakanda fer
hér á eftir, millifyrirsagnir eru
Morgunblaðsins:
„í fróðlegri Morgunblaðsgrein
10. maí síðastliðinn undir fyrir-
sögninni „Forsendur hernámsins"
eftir Þór Whitehead, lektor, er
sagt að mánuði eftir að Bretar
hernámu Island, hafi Þjóðverjar
lagt drög að innrásaráætlun í
landið, en hún hafi verið andvana
fædd og þýzka flotastjórnin talið
hana óframkvæmanlega.
Áætluninni breytt
Ég tel aftur á móti, að Hitler og
herstjórn hans hafi ekki hætt við
„Ikarus“-áætlun sína fyrr en all-
nokkru seinna. Þegar flotastjórn-
in hafi talið áætlunina ófram-
kvæmanlega hafi öðrum aðila
verið falið að breyta áætluninni og
að framkvæma hana svo. En í
upphafi árs 1941 mun hafa verið
hafinn undirbúningur árásar á
ísland með þjálfun SS-herdeildar
í Noregi. Þessa fullvissu mína
byggi ég á eftirfarandi frásögn:
Sumarið 1957 vann ég sem
múrari í Þýskalandi. Þá bar svo
við dag einn, að ekill hjá fyrirtæk-
inu, sem ég vann hjá, sagði
eitthvað á þá leið við mig, að á
stríðsárunum hefði átt að senda
sig til íslands. Ég varð auðvitað
forvitinn og spurði hann nánar út
í þetta. Sagði hann mér þá undan
og ofan hvað fyrir sig hefði komið
í stríðinum. T.a.m. það, að hann
hefði verið í Waffen — SS-her-
deild og tekið þátt í innrásinni í
Pólland og síðar inn í Noreg. I
ársbyrjun 1941 var herdeild hans
haldið til leynilegra æfinga á stað
einum í Noregi, sem ég man ekki
nú hver var. Tilgangurinn var að
æfa víkingaárás á Reykjavík. Eins
og hann sagði mér frá, var þessi
árásaráætlun þannig í stórum
dráttum:
Flugvöllurinn og höfnin
skyldu gerð ónothæf
Herdeildina átti að flytja með
flugvélum frá Noregi og varpa
henni niður í fallhlífum yfir
Reykjavík. Við lendingu átti hún
að skipta sér í tvo hópa. Annar
hópurinn átti að ráðast á flugvöll-
inn og eyðileggja hann. Hinn
hópurinn, sá sem hann var í, átti
að sækja að höfninni, sprengja
upp bryggjur og hafnargarða, svo
og að sökkva skipum í hana
þannig að hún yrði ónothæf eftir.
Þegar hóparnir höfðu lokið
áætlunum sínum, áttu þeir, sem
uppi stóðu, að sameinast og halda
austur úr bænum til sportflugvall-
ar, sem var um 20 km austur frá
Reykjavík. Þangað áttu að koma
flugvélar til að flytja þá aftur til
Noregs.
Til að gera þessar æfingar
raunverulegar, voru gerð líkön af
árásarmörkunum í Reykjavík oog
skoðaðar myndir af bænum, bæði
loftmyndir og myndir af húsum og
götum. Hafði hann lagt þetta svo
vel á minnið, að þá, sextán árum
seinna, rissaði hann þarna upp
fyrir mig Reykjavíkurhöfn ásamt
Orfirisey, Engey og Viðey. Var
þetta það rétt gert, að hann
sannfærði mig algjörlega um
sannleiksgildi frásagnar sinnar.
Samkvæmt frásögn hans var
ákveðið að framkvæma árásina
einhverja nóttina í síðustu tveim-
ur vikunum í ágúst, eða í fyrstu
viku septembermánaðar 1941. En
þá í byrjun ágúst var hætt við
árásina, þar sem ófyrirsjáanlegt
atvik hafði skeð. En það var það,
að bandarískur her kom til
íslands 7. júlí það ár, og ef árásin
hefði verið framkvæmd, mundi
það hafa kostað styrjöld við
Bandaríkin, samkvæmt því, sem
hann sagði. I staðinn fyrir að fara
drepandi og eyðandi um Reykja-
vík, var þessi herdeild send til
austurvígstöðvanna, þar sem hún
var, þangað til Þjóðverjar lögðu
niður vopn í maí 1945.
Það væri mikill fengur fyrir
íslenska sagnfræði að fá upplýs-
ingar um þennan árásarundirbún-
ing Þjóðverja, einkanlega þar sem
framvindan staðfestir, að sú
ákvörðun ríkisstjórnarinnar og
Alþingis í júlí 1941 að gera
herverndarsamning við Bandarík-
in var heillarík ákvörðun og forð-
aði okkur frá því, að Reykjavík
yrði orustuvöllur með þeim skelfi-
legu afleiðingum sem af hefði
hlotist fyrir okkur íbúana.
Ásmundur J. Jóhannsson