Morgunblaðið - 21.05.1980, Blaðsíða 23

I
MORGUNBLAÐIÐ, MIÐVIKUDAGUR 21. MAÍ1980
23
Minning — Anna
Sigríður Ólafsdóttir
Fædd 23. febr. 1900.
Dáin 13. maí 1980.
Á árunum 1887—1920 bjuggu í
Brimnesgerði í Fáskrúðsfirði
hjónin Sigríður Bjarnadóttir og
Ólafur Finnbogason, en foreldrar
hans höfðu búið á þeirri jörð og
hann verið fyrirvinna hjá móður
sinni eftir að faðir hans dó. Þau
Sigríður og Ólafur hýstu jörðina
vel, svo að af bar á þeim tíma. Þau
eignuðust 11 börn og var Anna
Sigríður það sjöunda í þeim hópi.
Tvö fyrstu börnin dóu á fyrsta
ári, en hin komust til fullorðins
ára. Af þeim lifa fjögur og búa
þau öll í Reykjavík: María Ragn-
hildur, f. 16. febrúar 1896, Elín-
borg Pálína, f. 14. júní 1906, Ólöf
Sigurrós, f. 21. febrúar 1910, og
Jón Emil hæstaréttarlögmaður, f.
27. febrúar 1893. Auk þess var í
fjölskyldunni hálfbróðir og upp-
eldisbróðir (bróðursonur Ólafs),
og eru þeir báðir dánir.
Anna ólst upp hjá foreldrum
sínum, fyrst í Brimnesgerði, og
vann þeim af dugnaði og mynd-
arskap. Árið 1920 hættu þau
búskap og fluttu í kauptúnið í
Fáskrúðsfirði og síðan til Reykja-
víkur árið 1933.
Anna fór til Reykjavíkur 1921
og vann þar um árabil, en 1925—
1926 dvaldi hún um eins og hálfs
árs skeið í Kaupmannahöfn, með-
al annars við saumaskap, en Jón
bróðir hennar átti þá heima þar
og stundaði lögfræðistörf.
Skömmu eftir heimkomu frá Dan-
mörku setti hún á stofn straustofu
í Reykjavík, en varð að hætta við
það vegna heilsuleysis. Fór hún
austur til foreldra sinna og var
hjá þeim þar til þau fluttu suður.
I Reykjavík bjó Anna lengst af
með foreldrum sínum. Faðir henn-
ar dó 23. maí 1935, en móðir 27.
janúar 1942.
Um þetta bil verða tímamót í
lífi Önnu. Hún kynnist Steini
Minning:
Júlíusi Árnasyni húsasmíðameist-
ara. Hann var giftur Guðríði
Guðmundsdóttur frá bæ í Súg-
andafirði, en missti hana frá
nýfæddri dóttur og 10 ára syni, 5.
júlí 1941.
Þau Anna og Júlíus gengu í
hjónaband 24. desember 1943.
Bjuggu þau fyrstu árin á Karla-
götu og Miklubraut, en fluttu
haustið 1952 í nýbyggt hús sitt í
Njörvasundi 32. Hefur Anna búið
þar síðan með manni sínum, þar
til að hann andaðist 9. maí 1976,
tengdamóðir, en hún dó 26.
febrúar 1960, og stjúpdóttur.
Steinn Júlíus var ágætur iðnað-
armaður, duglegur, vandvirkur og
sanngjarn. Hann var góður heim-
ilisfaðir og áttu þau Anna saman
rúmlega 32 ár í farsælu hjóna-
bandi. Þau eignuðust ekki börn
saman, en Anna gekk í móðurstað
börnum Júlíusar, þeim Árna, sem
er fæddur 6. október 1931, deildar-
stjóri hjá Eimskipafélagi íslands,
og Guðríði Ingibjörgu, fædd 19.
júní 1941, skrifstofustúlka hjá
Smjörlíki hf.
Anna Sigríður var framúrskar-
andi myndarleg og dugleg í hverju
starfi, traust og vinur vina sinna,
ekki síður þeirra er minna máttu
sín. Heimili hennar og Júlíusar
var myndarlegt og gestrisni mikil.
Fáar húsmæður hef ég þekkt, sem
tóku Önnu fram um fljótar og
góðar veitingar, þegar gesti bar að
garði.
Anna var stjúpbörnum sínum
sem besta móðir. Árni flutti að
heiman 1958, er hann kvæntist
Gyðu Ragnarsdóttur frá Eskifirði,
og eiga þau tvö myndarleg börn:
Ragnheiði og Atla Stein. Reyndist
Anna þeim góð amma og voru þau
mjög hænd að henni. Guðríður er
ógift, og hafa þær, Anna og hún,
búið saman í Njörvasundi.
Stjúpbörn Önnu, þau Árni og
Guðríður, reyndust henni ákaflega
vel þegar heilsan dvínaði og end-
urguldu á þann veg umönnun fyrri
ára. Hið sama er að segja um
Gyðu, konu Árna, sem oft lagði
mikið á sig til þess að hjálpa Önnu
og var henni á allan hátt eins og
góðri tengdadóttur sæmdi.
Anna var trúuð kona, en flíkaði
ekki tilfinningum sínum. Hún bar
vel veikindi sín. Síðustu daga
ævinnar dvaldi hún á Heilsuhæli
Náttúrulækningafélags Islands í
Hveragerði. Hafði hún aðeins
dvalið þar í fáa daga, þegar
dauðann bar skyndilega að garði.
Með henni voru þar Elínborg
systir hennar og maður hennar,
Sveinbjörn Jónsson. Studdu þau
hana á besta máta síðustu dagana.
Það höfðu þau svo oft gert áður,
sem og önnur systkini hennar,
eftir því sem ástæður þeirra
leyfðu.
Systkinin frá Brimnesgerði
héldu ávallt vel hópinn, hvort sem
lífið var ljúft eða örðugt, svo og
makar þeirra. Tíminn tifar áfram,
árum fjölgar. í dag horfum við
eftir Önnu Sigríði. Eftir eru fjög-
ur systkini og tveir makar þeirra,
stjúpbörnin og margir fleiri vinir
og vandamenn, sem þakka henni
vináttu margra ára og biðja henni
blessunar Guðs.
Guðm. Jónsson.
frá Hvanneyri.
Það er margs að minnast þegar
Gunnlaugur er allur. Efst í huga
mér er hans einstaka góðmennska
í allra garð, ekki síst barna og
barnabarna. Börn okkar voru hjá
afa sínum og ömmu á sumrum
meðan þau voru yngri og eiga þau
öll ánægjulegar endurminningar
frá dvölinni í Ólafsfirði. Gunn-
laugur bjó lengst af í Ólafsfirði og
stundaði þar margvísleg störf,
lengst af sem málari og einnig var
hann um tíma framkvæmdastjóri
Byggingarfélags verkamanna og
sá m.a. um byggingu fyrstu verka-
mannabústaðanna í Ölafsfirði. Á
yngri árum starfaði hann einnig
erlendis, í Kaupmannahöfn og í
Þýzkalandi, þar sem hann vann á
vegum síldarnefndar ríkisins um
árabil. Hann var fjöllesinn og
fróður og hafði mikið yndi af
skáldskap, enda hagmæltur vel,
enda þótt hann flíkaði því lítið
utan vina- og kunningjahóps. Mér
er einkar ljúft að minnast ferðar
er farin var árið 1967 með þýzka
skemmtiferðaskipinu Volkfreund-
schaft, en í þeirri ferð hélt Gunn-
laugur upp á sjötugsafmæli sitt. í
lok ferðarinnar hélt skipstjórinn
veizlu mikla fyrir hina 550 far-
þega. Eftir slík hátíðahöld var
ekki nema sjálfsagt að þakka fyrir
sig. Það vakti ekki litla undrun
þegar Gunnlaugur stóð upp og
þakkaði skipstjóra og áhöfn fyrir
hönd farþeganna. Blaðalaust hélt
hann glimrandi ræðu á þýzku og
lét sig ekki muna um það að enda
á því að kasta fram stöku í lokin,
auðvitað á þýzku. — Ekki man ég
vísuna, en hún mun hafa hljóðað
upp á það, að þrátt fyrir hin
glæstu geim, fýsti hann samt að
halda heim í hafragrautinn og
soðninguna.
Já, það er margs að minnast á
langri leið, en hugstæðust er mér
minningin um einstæða ljúf-
mennsku þessa góða manns.
Guð blessi minningu tengdaföð-
ur míns.
Gunnlaugur Jóns-
son frá Ólafsfirði
Fæddur 27. ágúst 1897.
Dáinn 15. maí 1980.
Tengdafaðir minn, Gunnlaugur
Jónsson frá Skeggjabrekku í Ól-
afsfirði, lézt á uppstigningardag,
þ. 15. maí sl., í fjórðungssjúkra-
húsinu á Akureyri, eftir skamma
sjúkdómslegu. — Með þessum fáu
línum langar mig að minnast hans
og þakka samfylgdina þann aldar-
fjórðung sem liðinn er frá því ég
fyrst kom á heimili tengdafor-
eldra minna í Ólafsfirði.
Gunnlaugur var elstur barna
hjónanna Sigurbjargar Marteins-
dóttur og Jóns Gunnlaugssonar
bónda og organista, er lengst af
bjuggu í Skeggjabrekku í Olafs-
firði. Yngri systkini hans voru
Þengill er lézt sl. haust, þá
búsettur á Akureyri, Oddný, bú-
sett á Akureyri, Tryggvi, búsettur
í Ólafsfirði, og Rósa húsfreyja á
Hrísum í Svarfaðardal. Yngstur
var Bergvin er fórst í sjóslysi á
unga aldri. Gunnlaugur var tví-
kvæntur, fyrri kona hans var
Hulda Guðmundsdóttir frá Akur-
eyri. Þau slitu samvistum. Börn
þeirra eru Björn, búsettur í
Hveragerði, kvæntur Ragnhildi
Magnúsdóttur, Sigurlína, búsett í
Hveragerði, gift Axel Magnússyni,
og Sigurður búsettur í Kópavogi,
kvæntur Arnþrúði Jóhannesdótt-
ur. Seinni kona Gunnlaugs var
Dalla Jónsdóttir frá Skuld á
Blönduósi og eiga þau tvo syni,
Jón Bergvin, eiginmann minn, og
Gunnlaug, kvæntan Birnu Þor-
leifsdóttur Thorlacius.
ATHYGLI skal vakin á því, að afmælis- og
minningargreinar verða að berast blaðinu með góðum
fyrir vara. Þannig verður grein, sem birtast á í
miðvikudagsblaði, að berast í síðasta lagi fyrir hádegi
á mánudag og hliðstætt með greinar aðra daga.
Greinar mega ekki vera í sendibréfsformi. Þess skal
einnig getið af marggefnu tilefni að frumort ljóð um
hinn látna eru ekki birt á minningarorðasíðum
Morgunblaðsins. Handrit þurfa að vera vélrituð og
með góðu línubili.
t
Faöir okkar
SIGURÐUR SIGUROSSON,
Flókagötu 7,
fró Sámsstöðum í Fljótshlíö,
lést mánudaginn 19. maí.
Fyrir hönd systkina,
Ágústa Sigurðardóttir.
ÞÓRUNN ÞÓRÐARDÓTTIR
frá Setbergi,
andaöist í sjúkrahúsi Vestmannaeyja, mánudaginn 19. maí.
Aöstandendur.
t
AUÐBJÖRG GUNNLAUGSDÓTTIR
frá Geitafelli,
Vatnsnesi,
andaöist aö heimili sínu Aöalgötu 12, Sauöárkróki, 18. maí.
Jarðarförin auglýst síöar.
Fyrir hönd barna og annarra vandamanna,
Torfi Sveinsson.
t
FRÚ ELÍSABET ELÍN ARNÓRSDÓTTIR BARTELS,
ekkja Martin Bartels
andaöist í Kaupmannahöfn 19. maí sl.
Fyrir hönd dóttur hennar, ættfólks og vina,
JÓN THORARENSEN.
t
Utför eiginmanns míns,
JÓHANNS HAFSTEIN,
fyrrum forsætisráðherra,
fer fram frá Dómkirkjunni í Reykjavík föstudaginn 23. maí og hefst
kl. 13.30. Þeim, sem vildu minnast hans, er vinsamlegast bent á að
láta Styrktarfélag lamaðra og fatlaðra njóta þess.
Ragnheiöur Hafstein.
t
Innilegar þakkir fyrir auösýnda samúö viö fráfall bróöur míns
PÁLS PÁLSSONAR.
Sigríöur Pálsdóttir og fjölskylda Bolungarvík.
t
Innilegar þakkir til allra þeirra nær og fjær er sýndu okkur samúö
og hlýhug viö andlát og útför eiginmanns míns, fööur okkar,
tengdafööur og afa
HAMUNDAR JÓNASSONAR,
Lynghaga 14.
Guörún Hinriksdóttir,
Hrafnhildur Hámundardóttir, Erlingur Þ. Jóhannsson,
Kolbrún Hámundardóttir, Jón Guönason
Gunnar Örn Hámundarson,
og barnabörn.
t
Eiginmaöur minn, faðir og tengdafaöir,
GÍSLI GUÐMUNDSSON,
skipstjóri,
Bárugötu 29,
verður jarðsunginn frá Dómkirkjunni fimmtudaginn 22. maí, kl.
13.30. Blóm afþökkuð, en þeim sem vildu minnast hans er bent á
Slysavarnafélag fslands.
Gyóa Gísladóttir Keyser,
Guömundur Gíslason,
Gunnar Gíslason,
Geir Gíslason,
Jóhann Gíslason,
Sigríöur Jóhannsdóttir,
Erna Adolphsdóttir,
Björg Hermannsdóttir,
Guörún Þorleifsdóttir,
Guörún Kristjánsdóttir.
Regina Birkis.