Morgunblaðið - 21.05.1980, Blaðsíða 32
Síminn á ritstjórn
og skrifstofu:
10100
83033
|WorcwnbIal>i>
MIÐVIKUDAGUR 21. MAÍ 1980
Áhrif kvótakerfisins:
Skortur á
mjólkurvörum
á svæði Mjólk-
ursamsöl-
unnar í haust
og vetur
KOMI kvótakerfi í mjólkur-
framleiðslunni til fram-
kvæmda i ár og taki til alls
almanaksársins, eins og nú er
gert ráð fyrir, telja for-
svarsmenn Mjólkursamsöl-
unnar í Reykjavik ljóst, að
mjólk muni skorta í daglegar
söluvörur á sölusvæði Mjólk-
. ursamsölunnar á timabilinu
frá nóvember í haust og fram
i apríl.
í viðtali við Guðlaug Björg-
vinsson, forstjóra Mjólkursam-
sölunnar, sem birt er í blaðinu í
dag, kemur meðal annars fram
að á síðasta ári voru á svæði
Samsölunnar framleiddir 60
milljón lítrar af mjólk en heild-
arneyslan á svæðinu á mjólk og
mjólkurvörum nam um 75 millj-
ónum lítra. Neyslan á svæðinu
er því um 15 milljónum lítrum
meiri en framleiðslan þar.
Mjólkurframleiðslan á svæði
Samsölunnar umfram 53,5
milljónir lítra verður sam-
kvæmt kvótakerfinu verðlaus.
Fram kemur hjá Guðlaugi að
hætta sé á að bændur verði
búnir með þann kvóta, sem þeir
eiga að fá í ár þegar í haustbyrj-
un og hætti þá eða dragi stór-
lega úr mjólkurinnleggi sínu í
mjólkursamlögin. Um flutninga
á mjólk og mjólkurvörum, sem
kann að skorta á Suð-Vestur-
landi í vetur frá Norðurlandi,
segir Guðlaugur, að leiddi til
hækkunar á mjólkurverði og
spurning væri hvort slíkir flutn-
ingar væru tæknilega fram-
kvæmanlegir til dæmis vegna
snjóþyngsla og takmarkaðs
geymsluþols mjólkurvara.
Sjá: „Þolum ekki...“ bls. 22.
»
Hækkun á
sandi, salt-
• * fiski og gosi
VERÐLAGSRÁÐ hefur heim-
ilað 12% hækkun á saltfiski til
neytenda, 7% hækkun á sandi
og 8% hækkun á gosdrykkjum.
Þessar hækkanir hafa enn
ekki hlotið staðfestingu ríkis-
stjórnarinnar.
Fikt við vísitöluna eins
Hugað að varpi í Tjarnarhólmanum í Reykjavík.
Ljósm.: Kristinn ólafsson.
hella olíu
- segir Snorri Jónsson forseti ASI
og að
„fX. lýsi undrun minni á þessum
hugmyndum og að þær skuii koma
fram á sama tíma og menn standa
í samningum. Allt fikt við vísitöl-
una á þessu stigi væri eins og að
hella olíu á eld,“ sagði Snorri
Jónsson, forseti Alþýðusambands
íslands, þegar Morgunblaðið leit-
aði í gær álits hans á hugmyndum
framsóknarmanna um vísitölu-
skerðingu 1. júní næstkomandi.
Miklar umræður urðu utan dag-
skrár á Alþingi í gær vegna þessara
mála og í þeim lýsti Guðmundur J.
Guðmundsson, formaður Verka-
mannasambands íslands því yfir, að
skerðing á almennum lægri launum
kæmi ekki til greina að hans mati.
Morgunblaðið spurði Svavar
Gestsson, félagsmálaráðherra að
því í gær, hvort hann og Alþýðu-
bandalagið væru því fylgjandi, að
vísitöluhækkunin 1. júní næstkom-
andi yrði skert með frestun eða á
annan hátt. Svavar sagði: „Það er
ljóst, að aðgerðir í kjaramálum
verða ekki framkvæmdar án samn-
inga við verkalýðshreyfinguna. Það
er stefna ríkisstjórnarinnar."
I umræðunum utan dagskrár á
Alþingi sagði Svavar, að þingmenn
ættu að geta sagt sér það sjálfir að
þó menn vildu koma á bráðabirgða-
lögum fyrir mánaðamót, þá væri of
skammur tími til þess. Geir Hall-
grímsson formaður Sjálfstæðis-
flokksins sagðist telja að með þess-
um orðum útilokaði Svavar bráða-
birgðalög og kvaðst Geir taka um-
mæli félagsmálaráðherra þannig, að
ráðherra tæki á sig þá ábyrgð, að
á eld
lögin yrðu ekki sett. Lét Svavar þvi
ómótmælt.
Kristján Thorlacius, formaður
BSRB kvað ekki koma til mála að
breyta reglum um vísitöluna, slíkt
yrði að sínum dómi fullkomið
hneyksli. Hann nefndi sérstaklega
dæmi um þá kjaraskerðingu, sem
orðið hefði frá því í febrúarmánuði
1979 (sjá bls. 22), en hún er nú rúm
17 prósentustig.
Svavar Gestsson:
Það er svig-
rúm fyrir
grunnkaups-
hækkanir til
lægstlaunaðra
„JÁ. Ég tel svigrúm vera til
grunnkaupshækkana til þeirra,
sem allra lægstu launin hafa, en
engan veginn þannig að þær
myndu ganga upp eftir Iaunastig-
anum,“ sagði Svavar Gestsson fé-
lagsmálaráðhcrra, er Mbl. spurði
hann um þetta í gær. Svavar vildi
ekki skýra frá þvi, hvar hann setti
mörkin á þessum grunnkaups-
hækkunum, en sagði: „Aðalatriðið
er það, að kjör láglaunafólks verða
ekki bætt nema með því að flytja
fjármuni til þess frá öðrum og við
sjáum þess viða stað, að þcir
fjármunir eru til; til dæmis i
verzlunarhöllum, sem risa. En til
þessa þarf pólitiska ákvörðun.“
Mbl. spurði Svavar, hvort vilji til
þeirrar ákvörðunar væri fyrir hendi
hjá ríkisstjórninni allri. Hann svar-
aði: „I stjórnarsáttmálanum er lögð
áherzla á það að bæta hag þeirra,
sem lakast eru settir. Til að standa
við þetta þarf styrk til pólitískrar
ákvarðanatöku. Ég dreg það ekki í
efa, að sá styrkur er til hjá ríkis-
stjórninni, að minnsta kosti á meðan
ég reyni ekki annað."
Innanhússsjónvarp í f jölbýlishúsum:
Saksóknari krefst þess að
hald verði lagt á tækin
Yill ítarlega rannsókn á „ætluðu
útvarps- og f jarskiptabroti“
RÍKISSAKSÓKNARI, Þórður
Björnsson, hefur krafizt þess að
itarleg rannsókn fari fram á
sjónvarpssendingum í þremur
fjölbýlishúsum á höfuðborgar-
svæðinu. Ennfremur hefur sak-
sóknari krafizt þess að hald verði
lagt á tækjabúnað þann, sem
notaður er til staríseminnar, þar
sem hún brjóti í bága við gild-
andi útvarps- og f jarskiptalög.
Að því er Hallvarður Einvarðs-
son rannsóknarlögreglustjóri
ríkisins tjáði Mbl. í gærkvöldi
krafðist ríkissaksóknari þess með
bréfi 5. maí sl. að RLR framkvæmi
ítarlega rannsókn á ætluðu út-
varps- og fjarskiptabroti fyrir-
svarsmanna þriggja húsfélaga i
tveimur fjölbýlishúsum í Reykja-
vík og einu í Kópavogi svo og
þeirra íbúa húsanna, sem kynnu
að hafa með höndum dreifingu
sjónvarpsefnis um húsin. Sagði
Hallvarður að yfirheyrslur hefðu
byrjað í gær og í undirbúningi
væri að krefjast úrskurðar saka-
dóms um að lagt yrði hald á
tækjabúnað þann, sem notaður er
til sjónvarpssendinganna.
Hallvarður sagði að upphaf
málsins væri það, að útvarpið
hefði með bréfi 11. janúar í vetur
óskað eftir því við Rannsóknar-
lögreglu ríkisins að rannsakað
yrði hve mikið kvæði að sjón-
varpssendingum í fjölbýlishúsum í
ATHYGLI er vakin á því,
að síðasta tölublað Morg-
unblaðsins fyrir hvíta-
sunnu kemur út laugar-
daginn 24. maí. Næsta
tölublað eftir hvítasunnu
kemur út miðvikudaginn
28. maí.
Reykjavík, en grunur lék á að
innanhússjónvarp væri til staðar í
mjög mörgum fjölbýlishúsum.
RLR bar málið undir rikissak-
sóknara, sem óskaði eftir að þetta
yrði kannað, m.a. með því að
spyrjast fyrir um það hjá þeim
aðilum, sem selja myndefni. Voru
niðurstöðurnar sendar saksókn-
ara, sem nú hefur krafizt ennþá
víðtækari rannsóknar á málinu og
þess að hald verði lagt á tækja-
búnað, svo sem myndsegulbönd,
kapla, snúrur og þess háttar.
Ríkissaksóknari hefur m.a.
krafizt þess að kærðir og vitni
verði yfirheyrð um þessa ætluðu
ólöglegu starfsemi, hvenær hún
hafi byrjað, hverjir voru for-
göngumenn, hvaða tækjabúnaður
hafi verið keyptur, hve mikið hann
kostaði, hve lengi starfsemin hafi
farið fram, hve lengi sendingar
standi yfir dag hvern, hvaða
myndefni sé sýnt, hvernig þess sé
aflað og hvort íbúar greiði eitt-
hvert gjald. Ennfremur hve marg-
ir notfæri sér myndefnið.
Að sögn Hallvarðar beinist
rannsóknin að því að upplýsa
hvort viðkomandi hafi gerst brot-
iegir við tiltekin ákvæði útvarps-
laganna nr. 19/1971 og fjarskipta-
laganna nr. 30/1941.
Útför Jóhanns
Hafstein á
föstudaginn
ÚTFÖR Jóhanns Hafstein,
fyrrverandi forsætisráðherra,
fer fram á vegum ríkisins
næstkomandi föstudag, 23.
maí, kl. 13.30 frá Dómkirkj-
unni í Reykjavík.
Útvarpað verður frá athöfn-
inni.